Hebreos 8:6 - Biblia Guarani Tumpa Iñee

⁶ Ërei mbaravɨkɨ Tumpa omee Jesús pe vae ikavi yae mbaravɨkɨ jókuae ïru sacerdote reta oyapo vae güi. Echa jae ko morogüɨrökuavee ikavigüe rupi ñanemoñoövaiti Tumpa ndive vae.

Nuevo Testamento Guaraní Pe

⁶ Jare mbaravɨquɨ Tumpa omee Jesús pe vae icavi yae mbaravɨquɨ jocuae iru sacerdote reta oyapo vae güi. Jae ramiño vi morogüɨrocuavee Jesús rupi ñande ñanoi vae icavi yae morogüɨrocuavee tenondegua vae güi. Echa jocuae Tumpa güɨrocuavee omeeta ñandeve vae icavi yae jocuae Tumpa güɨrocuavee omeeta morogüɨrocuavee tenondegua vae rupi vae güi.

Hebreos 8:6 ပူးပေါင်းရင်းမြစ်များ

JEREMÍAS 50:5

Oparandu retata tape Sión kotɨ ojo vae re, jare jokotɨ yogüɨrajata jei reve: ‘Yaja yandeYa pɨri, jare ñañemoïru jae ndive metei morogüɨrökuavee päve opambae rupi, agüɨye ye vaerä ma ñaneakañɨ.’

San Lucas 22:20

Jaeramiño vi oipɨɨ kopa, opa ma okaru reta yave, jei reve: —Kuae vino ko jae morogüɨrökuavee päve ipɨau vae cherugüɨ rupi oyeapota vae. Oyepɨyereta peré vae.

Romanos 9:4

Jae ko Israel iñemuña reta. Tumpa oyapo taɨ retarä. Oechauka iyemboetea chupe reta. Oyapo morogüɨrökuavee päve jae reta ndive, jare oikuaauka vi chupe reta Moisés iporookuai. Oyeokuai reta Tumpa pe jare jae oñererökuavee chupe reta.

Efesios 2:12

jókuae ara rupi peikose Cristombae reve, peiko tee Israel pegua reta güi, jare Tumpa iporogüɨrökuavee päve güi, mbaetɨ mbae penoi peäro vaerä jare peTumpambae kuae ɨvɨ pe.

1 Timoteo 2:5

Echa oime meteiño Tumpa. Jaeramiño vi oime meteiño ipuere oporomoñoövaiti Tumpa ndive vae. Jae ko kuimbae Cristo Jesús jee vae.

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

Hebreos 7:22

Jáeramo, Jesús ko jae morogüɨrökuavee ikavi yae vae imoañetea.

2 Pedro 1:4

Jókuae mbaembae rupi Tumpa oyapo yandeve morogüɨrökuavee ikavigüe yae jare tuichagüe, jókuae rupi ñanoi ma jae omee yandeve vae, peeya ramo opaete ikavimbae ɨvɨ pegua soo jemimbota rupi oime vae.