Hebreos 8:1 - Biblia Guarani Tumpa Iñee

¹ Jáeramo, che jae ma peve vae, jae ko oime ñanoi sacerdote tenondegua ete oguapɨ ma oï Tumpa iyakatu kotɨ ara pe vae,

Nuevo Testamento Guaraní Pe

¹ Opaete che jae ma peve vae oipota jei cuae: Oime ñanoi cuae nunga sacerdote tenondegua. Jae oguapɨ ma oi Tumpa iyɨque pe iyacatu cotɨ ara pe.

Hebreos 8:1 ပူးပေါင်းရင်းမြစ်များ

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

JOB 37:22

Ɨvɨtuguasu kotɨ güi oyekuaa ou jembipe iyu vae, Tumpa oñeovauka tembipe yavaetegüe pe.

SALMOS 104:1

¡Tamboete cheYa opaete chepɨa ndive! ¡CheYa Tumpa, tuichagüe yae ete ko nde! Reyemonde yemboetea pegua pe jare ikavi yae vae pe,

SALMOS 110:1

YandeYa jei cheYa pe: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

SALMOS 145:12

¡Toikuaauka ndembaepuere kuimbae reta pe, jare ndeyemboetea ikavi yae ndeporookuaía pe vae re!

SALMOS 21:5

Iyemboetea tuicha, ndeporomborɨ rupi, remee chupe oyemboeteuka yae vaerä.

ISAÍAS 24:14

Omomaragüe reta osapukaita oyerovia reve, kuaraɨ oikea kotɨ güi otairari retata, oecha reta yave yandeYa imbaepuere, tuicha yae ko vae.

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

San Marcos 16:19

Jayave yandeYa opa imiari yave jae reta ndive, ojo ara pe, jare oguapɨ Tumpa iyakatu kotɨ.

Efesios 6:20

Echa Tumpa chembou jekovia pe amoërakua vaerä; kuae jeko pegua tembipɨɨ aï. Peyerure cheré, amoërakua vaerä akɨɨyembae reve.

Colosenses 3:1

Jáeramo, Tumpa pemoingove Cristo ndive ramo, peeka mbaembae ara pegua re, Cristo oguapɨ oï Tumpa iyakatu kotɨa pe.

Hebreos 1:13

Tumpa mbaetɨi ko kia nunga araɨgua pe ave jei: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

Hebreos 10:12

Ërei Cristo omee jete metei veseño jekuae avei pegua, javoi oguapɨ Tumpa iyakatu kotɨ.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 4:14

Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.