Hebreos 7:3 - Biblia Guarani Tumpa Iñee

³ Mbaetɨ yaikuaa kia ra jae tu ani ichɨ vae jare kia iñemuña pegua ra vae; mbaetɨ vi yaikuaa kërai yave oa vae regua ani imano regua, körai oyeapo sacerdote jekuae avei pegua Tumpa Taɨ rami.

Nuevo Testamento Guaraní Pe

³ Mbaeti yaicuaa quia reta ra jae tu jare jae ichɨ. Mbaeti vi yaicuaa quia reta ra jae itenondegua reta. Mbaeti vi yaicuaa quirai yave ra ichɨ güi oa, jare quirai yave ra omano. Jae rambue ñandepuere ñamojaanga Melquisedec Tumpa Taɨ re. Echa jae co metei sacerdote jecuaeño oico vae rami.

Hebreos 7:3 ပူးပေါင်းရင်းမြစ်များ

ÉXODO 6:18

Coat taɨ reta jae ko: Amram, Izhar, Hebrón jare Uziel. Jare Coat oiko ciento treinta y tres año.

NÚMEROS 1:18

Jare omboatɨ reta opaete vae, tenondegua ara pe mokoía yasɨ pe, omboatɨ reta tëtara ñavo rupi, metei tu ñavo rupi, omoapɨta reta tee veinte año güi kutɨ.

San Mateo 4:3

Jayave aña guasu omomiari oyavɨuka vaerä chupe, jei: —Nde ko Tumpa Taɨ yave, ere kuae ita reta pe toyepoepɨ mbɨyaperä.

Hebreos 4:14

Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe.

Hebreos 7:1

Kuae Melquisedec ko jae Salem pegua mburuvicha guasu, Tumpa tuichagüe vae isacerdote. Jae oë oövaiti Abraham ou ye omoamɨri güire mburuvicha guasu reta. Jare Melquisedec jei ñee kavi chupe.

Hebreos 7:17

Echa Tumpa iñee jei jesegua körai: “Nde ko jae sacerdote reiko avei vaerä, Melquisedec rami.”

Hebreos 7:2

Jayave Abraham omee Melquisedec pe payandepo güi metei opaete güɨnoi vae güi. Tee Melquisedec oipota jei: “Mburuvicha guasu jupi vae”. Kuae Melquisedec ko jae Salem pegua mburuvicha guasu, jare kuae oipota jei: “Mburuvicha guasu mbɨakatu pegua.”

Hebreos 7:6

Ërei Melquisedec yepe tëi Leví iñemuña peguaä, ërei Abraham güi omboresive payandepo vae güi metei vae reta, jare jae jei ñee kavi Abraham morogüɨrökuavee güɨnoi vae pe.