Hebreos 7:28 - Biblia Guarani Tumpa Iñee

²⁸ Echa kuimbae reta mborookuai rupi oyeparavouka sacerdote tenondegua eterä vae iyoa vae reta ko. Ërei añave Tumpa oiparavo jee re ae Taɨ oiko vaerä sacerdote tenondegua eterä mborookuai jaɨkue rupi, jae ko iyoambae jekuae avei pegua vae.

Nuevo Testamento Guaraní Pe

²⁸ Echa cuimbae reta mboroócuai rupi oyeparavouca yogüɨreco vaera sacerdote tenondegua retara vae mbaeti co iyoa mbae vae reta. Erei añave mboroócuai oasa ma, jare Tumpa oiparavo Taɨ oico vaera sacerdote tenondeguara jocuae jei jee ae re vae rupi. Jare Tumpa Taɨ iyoa mbae vae co jecuaecuae aveiño.

Hebreos 7:28 ပူးပေါင်းရင်းမြစ်များ

SALMOS 110:4

YandeYa jei jee re ae, jare ngaraa oipoepɨ iyemongeta: “Nde ko jae sacerdote reiko avei vaerä, Melquisedec rami.”

LEVÍTICO 4:3

Sacerdote tenondegua etei iyoa yave omboekouka vi ko tëta pegua reta, jökorai yave tomee cheve metei toro taɨrusu jete kavi vae, cheɨ̈ro vaerä mbaeyoa re.

San Lucas 13:32

Jayave Jesús jei chupe reta: —Pekua pere jókuae aguara pe, kërai ambosɨrɨta aña reta oya jese vae reta güi jare ambogüerata imbaerasɨ vae reta añave jare pɨareve. Jare kóeramo opata ma cheparavɨkɨ.

San Juan 19:30

Jare Jesús jou ma yave vinagre, jei: —¡Opa ma ayapo! Jayave iñäkatindɨ jare omano.

Hebreos 1:2

Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

Hebreos 2:10

Tumpa opaete mbaembae iyapoa, jese oï opaete mbaembae vae pe ikavi jeta ɨvɨ pegua reta oyeapo vaerä taɨ retarä, jáeramo, omee oiporara vaerä Jesús jare oupitɨ oporomboasa vaerä.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

Hebreos 4:14

Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe.

Hebreos 5:5

Jaeramiño vi Cristo mbaetɨ oyeparavo jaeiño sacerdote tenondegua eterä. Tumpa ko oiparavo jei yave: “Nde ko jae cheRaɨ. Che ko romoñemuña añave.”

Hebreos 7:21

ërei ïru sacerdote reta oñono ko Tumpa jeimbae reve jee re. Ërei yandeYa, oñeñono Tumpa jei jee re aeño vae rupi, echa jei chupe: “YandeYa jei jee re ae, jare ngaraa oipoepɨ iyemongeta: ‘Nde ko jae sacerdote reiko avei vaerä, Melquisedec rami.’ ”

Hebreos 7:24

ërei Jesús oimeño mai oiko, jáeramo ipuere oyapo sacerdote iparavɨkɨ jekuae avei rupi.

Hebreos 7:3

Mbaetɨ yaikuaa kia ra jae tu ani ichɨ vae jare kia iñemuña pegua ra vae; mbaetɨ vi yaikuaa kërai yave oa vae regua ani imano regua, körai oyeapo sacerdote jekuae avei pegua Tumpa Taɨ rami.