Hebreos 7:27 - Biblia Guarani Tumpa Iñee

²⁷ jae mbaetɨ omee mɨmba oyeyukagüe jókuae ïru sacerdote tenondegua ete reta ara ñavo omee rami, echa jae reta tenonde omee iyoa re räri jare jaɨkue rupi opaete vae reta re. Ërei Jesús jae etei oñemee metei veseño jekuae avei pegua.

Nuevo Testamento Guaraní Pe

²⁷ Jocuae iru sacerdote tenondegua reta ara ñavo güɨrocuavee Tumpa pe maemɨmba oyeyucagüe reta imbaeyoa reta re rani jare iru Israel pegua reta imbaeyoa reta re. Erei Jesús mbaeti oyapo jocorai. Echa metei veseño Jesús güɨrocuavee Tumpa pe oyeyucagüe vae. Jare jocuae oyeyucagüe vae jae etei co.

Hebreos 7:27 ပူးပေါင်းရင်းမြစ်များ

EZEQUIEL 43:19

Sacerdote reta Leví iñemuña pegua, Sadoc iñemuña reta, yogüeru chekotɨ oyeokuai reta vaerä cheve yave, emee jese reta metei toro taɨrusu vae mɨmba reta güi, cheɨ̈ro vaerä mbaeyoa re vae.

LEVÍTICO 16:11

Jare Aarón togüeruruka toro taɨrusu vae jae imbae, jare toñaseokɨ̈ti cheɨ̈ro vaerä iyoa re, jökorai toyapo ñeñono kavi iyeupeguarä jare jo pegua reta peguarä.

LEVÍTICO 16:15

Jaɨkue rupi toñaseokɨ̈ti kavara kuimbae tëta pegua reta iyoa re, cheɨ̈ro vaerä mbaeyoa re, jare togüɨraja jugüɨ tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe toyapo toro taɨrusu vae jugüɨgüe oyapo rami, toñapiramo ñɨ̈ro renda re jare jóvai kotɨ.

LEVÍTICO 16:6

Jare Aarón togüeruruka toro taɨrusu vae jae imbae, cheɨ̈ro vaerä mbaeyoa re, jare toyapo ñeñono kavi iyeupeguarä jare jo pegua reta peguarä.

Romanos 6:10

Echa Cristo omano yave, metei veseño omano mbaeyoa güi jekuae avei pegua. Ërei oikove ye yave, oikove Tumpa peguarä.

Efesios 2:22

Cristo rupi pe reta vi peyeapo metei rami, peiko vaerä Tumpa oikoarä, Espíritu rupi.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 5:1

Opaete sacerdote tenondegua ete oyeparavo ko kuimbae reta ipɨte güi, oñeñono ko kuimbae reta re oï vaerä Tumpa jóvai, jare ipuere vaerä omee Tumpa pe mbota jare mɨmba oyeyukagüe mbaeyoa reta re.

Hebreos 5:3

jáeramo, ikavi ko omee vaerä iyegua mɨmba oyeyukagüe jare opaete vae reta re.

Hebreos 8:4

ɨvɨ peño oiko yave mona, ngaraa etei ko oiko sacerdoterä, oime vɨteri ramboeve ïru sacerdote reta omee vaerä mbota reta mborookuai jei rami.

Hebreos 9:12

Jare Cristo mbaetɨ oike omee kavara kuimbae jugüɨgüe ani toro taɨrusu vae jugüɨgüe, güɨroike ko jae jugüɨ etei metei veseño cuarto Oñeñono tee kavi yae vae pe jekuae avei pegua, jökorai omee yandeve yemboasa opambae vae.

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

Hebreos 9:25

ërei mbaetɨ ko oike avei, sacerdote tenondegua ete año ñavo oike cuarto oñeñono tee kavi yae vae pe tugüɨ ambuae ndive vae rami;

Hebreos 9:26

echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

Hebreos 9:7

Ërei cuarto oñono tee kavi yae vae pe, sacerdote tenondegua eteño oike metei vese año pe, güɨroike reve tugüɨ. Jae omee iyegua jare jeta vae reta oikuaambae reve iyoa vae re.