Hebreos 7:26 - Biblia Guarani Tumpa Iñee

²⁶ Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;

Nuevo Testamento Guaraní Pe

²⁶ Icavi yae co oyerure vaera ñanderé cuae nunga sacerdote tenondegua. Echa jae co jupi vae. Mbaeti etei jeco. Jae co iyoa mbae vae. Mbaeti etei ipuere iyoa. Jae oico ara pe etei.

Hebreos 7:26 ပူးပေါင်းရင်းမြစ်များ

SALMOS 68:18

Reyeupi ɨvate, reraja reve tembipɨɨ reta, remee mbota reta kuimbae reta pe, ipɨapochɨ vae reta pe ave, reiko vaerä jae reta ipɨte pe, cheYa Tumpa.

ÉXODO 28:36

Tomboipeasɨ reta vi oro oyeambae äka-ɨru jesɨva reguarä, jare toikuatía reta jese kuae ñee reta: “ÑEÑONO TEE YANDEYA PE.”

ISAÍAS 53:9

Jare oñotɨ reta iyoa vae reta ndive, ërei omano yave, oñotɨ reta oikokatu vae reta jɨvɨa pe; yepe tëi mbaetɨ oyapo ikavimbae, jare mbaetɨ oñeväe apu jese.

EZEQUIEL 44:27

Javoi oike ye tupao joka michi vae pe oyapo vaerä joko pegua mbaravɨkɨ yave, tomee iyé mɨmba oyeyukagüe Tumpa iñɨ̈ro vaerä mbaeyoa re vae. Che ndeYa Tumpa jae kuae.

NÚMEROS 29:26

Ara pandepoa pe pemee chau toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

San Mateo 27:18

Echa jae oikuaa judío reta omee Jesús chupe iyakatúä jese ramo.

San Marcos 16:19

Jayave yandeYa opa imiari yave jae reta ndive, ojo ara pe, jare oguapɨ Tumpa iyakatu kotɨ.

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Lucas 23:22

Jayave Pilato oparandu ye mboapɨa ma chupe reta: —¿Mbae ikavimbae pa oyapo kuae kuimbae? Mbaetɨ aväe teko jese omano vaerä. Jáeramo ainupaukaiñota jare ayorata.

San Lucas 23:41

Jupi ko yande ñamano vaerä. Echa yande ñamanota ñaï ikavimbae vae yayapo jeko pegua. Ërei kuae kuimbae mbaetɨ etei oyapo mbae ikavimbae.

San Lucas 23:47

Jare cien sundaro vae juvicha joko pe oï vae oecha kuae oasa yave omboete Tumpa, jei reve: —Añetete yepe, kuae kuimbae jae jupi vae.

San Lucas 24:26

¿Mbaetɨ yera peikuaa Cristo oiporara tai ko opaete kuae mbaembae ndei oyemboeteuka mbove?

San Lucas 24:46

Jare jei chupe reta: —Körai oyekuatía oï, kërai Cristo oiporara ñotai ko jare oikove yeta ko omanogüe reta ipɨte güi mboapɨ araa pe,

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

San Juan 8:29

Echa chembou vae oï che ndive. CheRu mbaetɨ chereeya che aeño. Echa ayapo avei jae oipota vae.

Hechos 3:14

Ërei pe reta peröɨro Iyoambae vae jare Jupi vae, jare peyerure Pilato pe oyorauka vaerä peve metei oporoyuka vae.

Hechos 4:27

Echa añetete ko, Herodes, Poncio Pilato, judiombae vae reta jare Israel pegua reta oyomboatɨ kuae tëta guasu pe ndeRaɨ iyoambae Jesús kotɨ. Jae ko nde reiparavo vae.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 2:10

Tumpa opaete mbaembae iyapoa, jese oï opaete mbaembae vae pe ikavi jeta ɨvɨ pegua reta oyeapo vaerä taɨ retarä, jáeramo, omee oiporara vaerä Jesús jare oupitɨ oporomboasa vaerä.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 7:11

Oime yave mona yembojupi sacerdote levita reta rupi (echa jae reta omboresive mborookuai jeta vae reta peguarä), mbaetɨ ma oata ïru sacerdote Melquisedec rami vae, Aarón iñemuña peguambae vae.

Hebreos 8:1

Jáeramo, che jae ma peve vae, jae ko oime ñanoi sacerdote tenondegua ete oguapɨ ma oï Tumpa iyakatu kotɨ ara pe vae,

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

1 Pedro 1:19

jaeño Cristo jugüɨ jepɨ yae vae rupi, jókuae vecha kuimbae taɨrusu vae jete kavi jare ikɨambae vae oñemee Tumpa pe rami.

1 Pedro 2:22

echa Cristo mbaetɨ etei iyoa. Mbaetɨ etei oporombotavɨ.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

1 Juan 3:5

Jare peikuaa kërai Jesucristo oyeapo kuimbaerä omboai vaerä yandeyoa reta. Jare jae mbaetɨ etei iyoa.

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei: