Hebreos 7:2 - Biblia Guarani Tumpa Iñee

² Jayave Abraham omee Melquisedec pe payandepo güi metei opaete güɨnoi vae güi. Tee Melquisedec oipota jei: “Mburuvicha guasu jupi vae”. Kuae Melquisedec ko jae Salem pegua mburuvicha guasu, jare kuae oipota jei: “Mburuvicha guasu mbɨakatu pegua.”

Nuevo Testamento Guaraní Pe

² Jayave Abraham omee Melquisedec pe diezmo opaete güɨnoi vae güi. Tee Melquisedec oipota jei mburuvicha guasu jupi vae. Cuae Melquisedec co jae Salem pegua reta juvicha guasu, jare cuae oipota jei mburuvicha guasu mbɨacatu pegua.

Hebreos 7:2 ပူးပေါင်းရင်းမြစ်များ

GÉNESIS 28:22

Kuae ita añono kuae pe vae topɨta oporomomaendúa avei vaerä, toiko Tumpa jo rami; jare opaete mbaembae remeeta cheve vae güi ambosɨrɨta payandepo güi metei ndeveguarä.”

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

2 SAMUEL 8:15

Jare David oiko mburuvicha guasurä opaete Israel re; jupi rupi jare isɨmbi rupi oyapo mbaembae opaete vae pe.

1 CRÓNICAS 22:9

Ërei renoita kuri nderaɨ mbɨakatu jee vae, echa che ameeta chupe opaete jovaicho ketɨ rupigua ipɨakatu vaerä. Jáeramo jeeta Salomón. Jae iara pe omeeta mbɨakatu jare yogüɨreko pɨagüive vaerä Israel.

SALMOS 72:7

¡Toporookuai jupi rupi, mbɨakatu toime jókuae ara rupi, mbaetɨ ma yasɨ regua!

LEVÍTICO 27:32

Jare opaete payandepo güi metei vae toñeñono tee cheve, guaka reta, vecha reta jare kavara reta peipapa yave;

MIQUEAS 5:5

Jae oikota yandemombutuu vaerä, Asiriaɨgua reta yogüeru yave yandeɨvɨ pe, jare opɨ̈ro reta yave yanderuvicha guasu jo, jayave yamboyovaichota ikotɨ reta, chiu omaangareko vae reta, jare juri kuimbae tuichagüe tëta ruvicha.

NÚMEROS 18:21

Mase, che amee Leví iñemuña reta imbaerä opaete payandepo güi metei vae Israel iñemuña reta omee vae, echa jae reta oyeokuai kuae tupao guakapi pegua pe.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

Romanos 3:26

omboyekuaa vaerä imbaejupi añave, echa jae ko jupi vae jare ombojupi Jesús re güɨrovia vae.

Hebreos 7:1

Kuae Melquisedec ko jae Salem pegua mburuvicha guasu, Tumpa tuichagüe vae isacerdote. Jae oë oövaiti Abraham ou ye omoamɨri güire mburuvicha guasu reta. Jare Melquisedec jei ñee kavi chupe.

Hebreos 7:3

Mbaetɨ yaikuaa kia ra jae tu ani ichɨ vae jare kia iñemuña pegua ra vae; mbaetɨ vi yaikuaa kërai yave oa vae regua ani imano regua, körai oyeapo sacerdote jekuae avei pegua Tumpa Taɨ rami.

1 SAMUEL 8:15

Peremitɨ jäɨgüe jare uva iagüe güi oekata peve pediezmo reta, omee vaerä iyɨvɨrigua pe jare jembiokuai reta pe.

1 SAMUEL 8:17

Perɨmba reta güi oekɨta vi pediezmo jare pe ave peyeokuaita vi chupe.