Hebreos 7:1 - Biblia Guarani Tumpa Iñee

¹ Kuae Melquisedec ko jae Salem pegua mburuvicha guasu, Tumpa tuichagüe vae isacerdote. Jae oë oövaiti Abraham ou ye omoamɨri güire mburuvicha guasu reta. Jare Melquisedec jei ñee kavi chupe.

Nuevo Testamento Guaraní Pe

¹ Cuae Melquisedec co jae Salem pegua reta juvicha guasu. Tumpa ara pe oico vae oyapo cuae Melquisedec sacerdotera. Abraham ou ye yave Salem pe oyucauca güire jocuae mburuvicha guasu reta, oñoovaiti Melquisedec ndive, jare Melquisedec jei Abraham pe corai: Tumpa tanemovendise.

Hebreos 7:1 ပူးပေါင်းရင်းမြစ်များ

SALMOS 57:2

Tayerure ndeve, nde Tumpa Tuichagüe yae vae pe, nde reyapo ikavi vae cheve vae,

SALMOS 76:2

Jerusalén pe oï itupao guakapi pegua, ɨvɨtɨ Sión re oï jae oikoa.

SALMOS 78:35

Jayave imaendúa reta Tumpa Tuichagüe yae ete vae ko jae iyeepɨka, jare jae ko oepɨ reta vae.

SALMOS 78:56

Ërei jae reta ojäa jare omboarasɨuka Tumpa Tuichagüe yae ete vae, jare mbaetɨ oyapo reta jae iporookuai;

DANIEL 4:2

Jupi ko aikuaauka vaerä peve opaete mɨakañɨ reta Tumpa Tuichagüe yae ete vae oyapo cheve vae.

DANIEL 5:18

Tumpa Tuichagüe yae ete vae, omee neñemuñagüe Nabucodonosor pe mborookuaía, yembotuicha jare iyemboetea.

DANIEL 5:21

Jare oyemombouka kuimbae reta ipɨte güi, jare ou ipɨa opɨta mɨmba reta rami, jare oiko mburika reta ñanaɨgua ndive. Ñana jou guaka rami, jare ɨsápɨi opa jete omoäkɨ, oikuaa regua Tumpa Tuichagüe yae ete vae ko güɨnoi mbaepuere kuimbae reta iporookuaía re, jare jae omee mbaepuere ikɨ̈reɨ omee vae pe.

MIQUEAS 6:6

¿Mbae ndive pa añeñonota yandeYa Tumpa tuicha yae ete vae jóvai amboete vaerä? ¿Añeñonota pa jae jóvai toro taɨrusu vae metei año vae ndive amee vaerä mɨmba oyeyukagüe opaetei oyeapɨ vae?

San Marcos 5:7

Jare iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera Tumpa jee re, agüɨye eiporarauka cheve.

Hechos 16:17

Kuae kuñatai ou oreraɨkue, jare osapúkai reve jei: —¡Kuae kuimbae reta Tumpa Tuichagüe yae vae jembiokuai reta ko. Jae reta omoërakua peve yemboasa regua!

Hebreos 6:20

jókuae Jesús räri oike tenonde yandeve, jare Tumpa oyapo ma sacerdote tenondegua eterä jekuae avei pegua Melquisedec rami.

Hebreos 7:2

Jayave Abraham omee Melquisedec pe payandepo güi metei opaete güɨnoi vae güi. Tee Melquisedec oipota jei: “Mburuvicha guasu jupi vae”. Kuae Melquisedec ko jae Salem pegua mburuvicha guasu, jare kuae oipota jei: “Mburuvicha guasu mbɨakatu pegua.”

Hebreos 7:3

Mbaetɨ yaikuaa kia ra jae tu ani ichɨ vae jare kia iñemuña pegua ra vae; mbaetɨ vi yaikuaa kërai yave oa vae regua ani imano regua, körai oyeapo sacerdote jekuae avei pegua Tumpa Taɨ rami.

Hebreos 7:6

Ërei Melquisedec yepe tëi Leví iñemuña peguaä, ërei Abraham güi omboresive payandepo vae güi metei vae reta, jare jae jei ñee kavi Abraham morogüɨrökuavee güɨnoi vae pe.