Hebreos 6:2 - Biblia Guarani Tumpa Iñee

² yemboe bautismo regua, ñañono yandepo ïru vae reta iñäka re vae, omanogüe vae oikove ye vae regua jare Tumpa iporojäa opambae vae regua.

Nuevo Testamento Guaraní Pe

² jare quirai peñembobautizauca peyeyoe vaera Tumpa cotɨ. Peñemboe vi quirai temimondo reta oñono ipo iru vae reta iñaca re. Peñemboe vi omanogüe vae reta oicove ye vae re jare quirai Tumpa ojaata ɨvɨ pegua reta jare jae reta oiporarata jecuaecuae aveiño.

Hebreos 6:2 ပူးပေါင်းရင်းမြစ်များ

ECLESIASTÉS 12:14

Echa Tumpa ñanejäata ko opaete mbaembae yayapogüe re, yayapo vɨari vae re ave, ikavi vae ani ikavimbae re.

ISAÍAS 26:19

Ërei omanogüe reta oikove yeta, opüa yeta tëogüe reta. Ɨvɨ ndive opa ma oyea reta vae opüa yeta, jare osapukaita oyerovia güi. Echa, nde rembou tekove ɨsápɨi rami, jare omanogüe reta opüa yeta ɨvɨ güi.

DANIEL 12:2

Jeta omanogüe reta opüa yeta: Amogüe opüata tekove iyapɨmbae peguarä, ïru reta opüata ñemomarai peguarä jare mbaeporara iyapɨmbae peguarä.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

San Mateo 3:14

Ërei Juan ñäteɨ, jare jei chupe: —¿Maera pa reipota che rombobautisa? Echa ikavi ko nde chembobautisa.

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Marcos 7:4

Yogüeru ye maemeea güi yave ave, mbaetɨ oyepoe yave mbaetɨ okaru. Jare oyapoñoi reta jeta ïru mbaembae iñemuñagüe reta iporomboe jei vae: Oyoe tasa reta, yapepo reta, jiero pegua yapepo reta jare tupa reta.

San Marcos 7:8

Echa peeya Tumpa iporookuai, peyapo vaerä peñemuñagüe reta jeko: Peyoe tasa guasu reta jare tasa reta, jare jeta ïru mbaembae peyapo.

San Lucas 11:38

Jare jókuae fariseo kuae oecha yave, ipɨakañɨ jese. Echa Jesús mbaetɨ oyepoe ndei okaru mbove.

San Lucas 12:50

Che aiporara yaeta ko, jare yavai yaeta cheve opa oyeapo regua.

San Lucas 14:14

Jökorai yave, reyerovia katuta. Echa jae reta ngaraa ipuere omboekovia ndeve. Ërei jekoviata ndeve jupi vae reta oikove ye yave.

San Lucas 3:16

Jáeramo Juan jei chupe reta: “Añete che pombobautisa ɨ pe. Ërei oime ou imbaepuere yae chegüi vae. Mbaetɨ jupi che ipɨapaa iïcha ayora vaerä ave. Jae pembobautisata Espíritu Santo pe jare tata pe.

San Juan 1:33

Che mbaetɨ aikuaa kia ko jae vae. Ërei chembou aporombobautisa vaerä ɨ pe vae jei cheve: ‘Reecha Espíritu ogüeyɨ jese vae, jae ko jókuae kuimbae oporombobautisa Espíritu Santo pe vae.’

San Juan 5:29

Ikavi vae oyapo vae reta oikove yeta tekove opambae vae peguarä, ërei ikavimbae vae oyapo vae reta oikove yeta kañɨtei peguarä

Hechos 10:47

Jayave Pedro jei: —¿Kia pa omboavaita agüɨye vaerä oyembobautisauka kuae Espíritu Santo ou ma jese reta vae, yanderé ou rami?

Hechos 13:3

Jayave oyekuaku reta tembíu güi, jare oyerure reta Tumpa pe. Javoi ïru reta oñono ipo jese reta jare omondo reta.

Hechos 16:15

Jare oyembobautisauka opaete jo pegua reta ndive güire, jei oreve: —Perovia ko che arovia ete kavi yandeYa re yave, peyu pepɨta chero pe. Jare oremoñera ropɨta vaerä joko pe.

Hechos 16:33

Jare jókuae ora voi tembipɨɨrɨru iyangarekoa oyoe Pablo jare Silas ipere reta. Jayave jae jare opaete jo pegua reta oyembobautisauka.

Hechos 17:18

Jare amogüe arakuaa regua reta oyoaka Pablo ndive. Jae reta ko yemboe epicúreo jare estoico pegua reta. Amogüe jei: —¿Mbae ra oipota jei kuae imiari mbatee vae? Ïru vae reta jei: —Ïru tumpa yaikuaambae vae re omoërakua vae ndipo. Echa Pablo omoërakua chupe reta ñee ikavi vae Jesús regua jare kërai oikove ye omanogüe reta ipɨte güi vae.

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 2:41

Jayave Pedro jei vae güɨrovia vae reta oyembobautisauka; jare jókuae ara tres mil rupi oñemoïru oporogüɨrovia vae reta ndive.

Hechos 23:6

Jare Pablo oecha yave amogüe jae reta saduceo reta jare amogüe fariseo reta, iñeeäta reve jei mburuvicha judío reta ipɨte pe: —Tëtara reta, che ko fariseo, jare fariseo iñemuña pegua ko che; omanogüe reta oikove yeta vae arovia vae re ko chejäa peï.

Hechos 24:15

Che arovia ko jae reta rami Tumpa omoingove yeta omanogüe reta. Oikove yeta jupi vae reta jare jupimbae vae reta.

Hechos 24:21

Güɨramoi jaeño metei mbae re ipuere chemboeko. Mburuvicha reta ipɨte pe aï yave cheñeeäta reve jae: “Omanogüe vae reta oikove yeta vae re pe reta chejäa peï kuae ara.”

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Hechos 26:8

¿Maera pa mbaetɨ perovia Tumpa ipuere ko omoingove ye omanogüe vae reta?

Hechos 4:2

Iyarasɨ yae reta. Echa oporomboe reta jare omoërakua reta Jesús rupi oikove yeta omanogüe reta.

Hechos 6:6

Jare güeru reta kuae oiparavogüe reta temimondo reta jóvai. Jayave jae reta oyerure Tumpa pe oñono reve ipo jese reta.

Romanos 2:16

jókuae ara Jesucristo rupi Tumpa ojäa yave, opaete kuimbae reta jembiapo oyekuaambae vae, ñee ikavi vae che amombeu vae rupi.

1 Corintios 10:2

Jare opaete vae oyembobautisa Moisés re amapɨtu pe jare ɨguasu pe.

1 Corintios 12:13

echa metei Espíritu Santo rupi yayembobautisa opaete, Cristo jete yayeapo vaerä. Judío reta ani judiombae vae reta, tembiokuai ani tembiokuaimbae vae reta. Jare opaete vae yaɨu metei vae Espíritu Santo güi.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

Filipenses 3:21

jae oipoepɨta yanderete kuae ɨvɨ pe ñanoi vae jae jete iyemboetea yae vae rami vae pe. Oyapota kuae, mbaepuere güɨnoi opaete mbaembae re vae rupi.

Colosenses 2:12

Peyembobautisauka yave, peñeotɨ ko Cristo ndive, jare peikove ye vi jae ndive, peporogüɨrovia ramo Tumpa imbaepuere omoingove ye Cristo omanogüe vae reta ipɨte güi vae re.

2 Timoteo 2:18

jae reta opia añete vae güi, jei reve omanogüe oikove ye vae oasa ma. Jökorai jae reta amogüe ombojopa iporogüɨrovia güi.

Hebreos 11:35

Amogüe kuña reta omboresive ye omano chugüigüe oikove ye vae. Ërei ïru vae reta omano oiporara yae reve, oñemaeño reve oikove ye vaerä kuri ikavi yae vae peguarä.

Hebreos 9:10

echa jaeño güɨnoi mborookuai tembíu reta regua jare kërai jae reta oyeyoe vaerä Tumpa kotɨ. Opaete jókuae mborookuai reta ɨvɨ peguaño ko, oñeñono ko Tumpa opaete oyapokatu regua.

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.