Hebreos 5:7 - Biblia Guarani Tumpa Iñee

⁷ Cristo kuae ɨvɨ pe oiko ramboeve, iñeeäta jare jesaɨ reve jeta oyerure ipuere tëi omboasa mano güi vae pe. Jare iñeereendu ramo Tumpa oendu chupe iyerure.

Nuevo Testamento Guaraní Pe

⁷ Cristo cuae ɨvɨ pe oico rambueve, oyerure Tumpa pe omborɨ vaera oyaeo yae reve. Echa Tumpa ipuere tei omboasa mano güi. Jare Tumpa oyeapɨsaca iyerure re, Cristo jecuaeño oipota oyapo Tumpa jeigüe rambue.

Hebreos 5:7 ပူးပေါင်းရင်းမြစ်များ

SALMOS 22:24

Echa jae mbaetɨ güɨröɨro ani omaeiño paravete vae reta oiporara vae re. Mbaetɨ oñemi chugüi reta, ¡jae oendu chupe reta, oeka reta iporomborɨ yave!

SALMOS 69:1

Chereroasayepe, cheRu Tumpa, echa ɨ cheyukata ma.

SALMOS 88:1

CheYa Tumpa, chereroasayepe vae, ara rupi jare pɨ̈tu rupi ayerure ndeve.

ISAÍAS 49:8

YandeYa jei: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ. Che ko roñovatu, nderupi ayapo vaerä ñererökuavee päve tëta ndive, amopüa ye vaerä kuae tëtaguasu, amee ye vaerä iyagüe reta pe ɨvɨ opa oyemboai oï vae.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

ISAÍAS 53:3

Oñereröɨro jare oyemombo kuimbae reta ipɨte güi, kuimbae oiporara vae, tembiporara oikuaa; jare yanderova ñañomi chugüi rami, ñaröɨro jare mbaetɨ yaaɨu.

LEVÍTICO 2:2

Jare togüɨraja sacerdote reta pe, Aarón taɨ reta pe; jare trigokúi ipɨuasɨ vae güi sacerdote toekɨ metei poagua, jare olivo iasaite güi opaete ikäti kavi vae incienso ndive, jare toapɨ mɨmba oyeyuka oyeapɨ jese vae re jókuae mbota reta oñemee vae jekovia peguarä vae, mbota oyeapɨ vae ko, ipiche katu vae ko cheveguarä.

San Mateo 27:46

Jare kaaru yave mboapɨ orata ma yave, Jesús täta osapúkai reve jei: “Elí, Elí, ¿lama sabactani?” (Kuae oipota jei: “CheRu Tumpa, cheRu Tumpa, ¿maera pa chereeya?”)

San Mateo 27:50

Ërei Jesús täta osapúkai ye, omboeterenga jekove.

San Marcos 15:34

Jare mboapɨ ora ma kaaru yave, Jesús täta osapúkai reve jei: —Eloi, Eloi, ¿lama sabactani? (Kuae oipota jei: “CheRu Tumpa, cheRu Tumpa, ¿maera pa chereeya?”)

San Marcos 15:37

Jayave Jesús täta osapúkai, jare omano.

San Lucas 23:46

Jayave Jesús täta osapúkai, jei: —CheRu, añono cherekove ndepo pe. Jare kuae jei ma yave, omano.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 11:35

Jayave Jesús oyaeo.

San Juan 11:42

Aikuaa ko reendu avei cheve, ërei jae körai, kuae cheɨpɨ rupi jeta ñogüɨnoi vae reta oikuaa vaerä, güɨrovia vaerä nde ko chembou vae.

San Juan 17:1

Kuae jei ma yave, Jesús omae ara kotɨ jare jei: “CheRu, ara oväe ma. Che ndeRaɨ emboeteuka, che romboeteuka vaerä vi.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

Gálatas 4:4

Ërei ara oväe ma oyembopo vaerä yave, Tumpa ombou Taɨ. Jae oa kuña güi, mborookuai iara pe,

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Hebreos 10:10

Jökorai Jesucristo omee jete metei veseño jekuae avei pegua. Jókuae jemimbota rupi Tumpa ñaneñono tee iyeupeguarä.

Hebreos 10:5

Jáeramo Cristo ou yave kuae ɨvɨ pe, jei Tumpa pe körai: “Mɨmba oyeyukagüe jare mbota mbaetɨ reipota; reyapo chereterä.

Hebreos 11:7

Iporogüɨrovia rupi Noé oyapo barco guasu jëtara reta oasayepe vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.

Hebreos 12:28

Jare Tumpa omee yandeve iporookuaía mbaetɨ ipuere oñemomɨi vae, jáeramo ñamee yasoropai Tumpa pe ipɨakavi re, yambopɨakatu reve yayeokuai chupe yamboete jare yaipoɨu reve;

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

Hebreos 2:14

Opaete taɨ reta ɨvɨ pegua reta ko, jáeramo Jesús etei vi oyeapo ɨvɨ peguarä, imano rupi omoamɨri vaerä aña guasu güɨnoise mbaepuere mano re vae,

1 Juan 4:3

Ërei opaete vae omombeu Jesucristo mbaetɨ ko oyeapo kuimbaerä vae yave, mbaetɨ ko ou Tumpa güi. Jókuae jae ko Cristo re oyemboyovaicho vae iespíritu, jae ko pe reta peikuaa outa vae, jare añave oime ma oï ɨvɨ pe.

2 Juan 1:7

Echa kuae ɨvɨ pe jeta oë oporombotavɨ vae reta, jae reta mbaetɨ omombeu Jesucristo ko jae oyeapo kuimbaerä vae. Kuae jei vae, jae ko oporombotavɨ vae jare Cristo re oyemboyovaicho vae.