Hebreos 5:4 - Biblia Guarani Tumpa Iñee

⁴ Jare mbaetɨ kia ipuere oyeparavo jaeiño, oiko vaerä sacerdote tenondegua eterä. Jaeño Tumpa oiparavo vae ipuere oiko sacerdote tenondegua eterä, Aarón oyeparavo vae rami.

Nuevo Testamento Guaraní Pe

⁴ Jare mbaeti quia ipuere oyeparavo jaeiño, oico vaera sacerdote tenondeguara. Jaeño Tumpa oiparavo vae ipuere oico sacerdote tenondeguara. Echa jocorai Tumpa oiparavo Aarón.

Hebreos 5:4 ပူးပေါင်းရင်းမြစ်များ

1 CRÓNICAS 23:13

Amram taɨ reta jae Aarón jare Moisés. Tumpa oiparavo Aarón omee vaerä mbota reta oñeñono tee kavi yae vae, oapɨ vaerä ikäti kavi vae incienso yandeYa jóvai, oyeokuai vaerä jare jei avei vaerä ñee kavi, mbaravɨkɨ oyapo vaerä Aarón jare taɨ reta jekuae avei pegua.

2 CRÓNICAS 26:18

Jayave oyemboɨ reta mburuvicha guasu Uzías pe jei reta: “Oreruvicha, mbaetɨ ko ndepuere reapɨ vaerä ikäti kavi vae incienso yandeYa pe, jaeño sacerdote reta Aarón iñemuña reta oñeñono tee oapɨ vaerä. Eë o mbaemboetea güi, echa rembaeyavɨ ko, jare yandeYa Tumpa ngaraa ipɨakatu ndeve kuae re.”

ESDRAS 7:5

Buqui jae ko Abisúa taɨ, Abisúa jae ko Finees taɨ, Finees jae ko Eleazar taɨ jare Eleazar jae ko Aarón sacerdote tenondegua ete taɨ.

ÉXODO 28:1

Israel iñemuña reta güi toyogüɨreko ndeɨ́vɨri Aarón jare taɨ reta Nadab, Abiú, Eleazar jare Itamar, yogüɨreko vaerä chesacerdoterä.

LEVÍTICO 8:2

“Eraja Aarón jare taɨ reta, temimonde reta sacerdote pegua, olivo iasaite yeparavo pegua, toro taɨrusu vae oñemee cheɨ̈ro vaerä mbaeyoa re vae pegua, mókoi reve vecha kuimbae jare kanata raɨ mbɨyape oyembovumbae reta jɨru,

NÚMEROS 16:10

jare omee ma ko ndeve reï vaerä köiño chugüi, jare opaete nderɨvɨ reta, Leví iñemuña reta nde ndive? ¿Peipota vi pa mbaravɨkɨ sacerdote pegua ave?

NÚMEROS 16:35

Jare yandeYa ombou vi tata, jare opa omokañɨtei jókuae dosciento cincuenta kuimbae reta, ikäti kavi vae incienso güɨrökuavee tëi ñogüɨnoi vae.

NÚMEROS 16:40

Israel iñemuña reta imaendúa avei jese vaerä, kërai mbaetɨta kia nunga vae, Aarón iñemuñambae vae ipuere oya güɨrökuavee vaerä ikäti kavi vae incienso yandeYa jóvai, agüɨye vaerä oasa Coré jare jupiegua reta rami; yandeYa omombeu tëi Moisés rupi chupe rami.

NÚMEROS 16:5

jare jei Coré pe jare opaete jupiegua reta pe: —Pɨareve yandeYa oechaukata kia ko jae imbae vae, jare kia ko jae oñeñono tee chupeguarä vae, jae omaeñota oya jese jembiparavo.

NÚMEROS 16:7

jare peñono pɨpe tata, jare perökuavee ikäti kavi vae incienso yandeYa jóvai pɨareve; jare jókuae kuimbae yandeYa oiparavo vae, jókuae ko jae oñeñono tee chupeguarä vae. ¡Kuae ndive pepɨakatu mo Leví iñemuña reta!

NÚMEROS 18:7

ërei nde jare nderaɨ retaño pepuere peyapo sacerdote iparavɨkɨ mɨmba oyeyuka oyeapɨ jese vae pe ani tupao japɨpe pe. Echa che ko amee peve kuae mbaravɨkɨ sacerdote pegua; jare oipotagüe oyapo yave, tomano.”

NÚMEROS 3:3

Jae ko kuae Aarón taɨ reta jee, sacerdote oyeparavogüe reta, jae ko oñono tee oparavɨkɨ reta vaerä sacerdoterä.

San Juan 3:27

Jayave Juan jei chupe reta: —Tumpa omee yandeve vaeño yandepuere ñanoi.