Hebreos 5:14 - Biblia Guarani Tumpa Iñee

¹⁴ ërei tembíu täta vae ko okuakuaa vae reta peguarä, oikatu ma omboyoavɨ ikavi vae ikavimbae güi vae reta peguarä.

Nuevo Testamento Guaraní Pe

¹⁴ Erei ocuacuaagüe reta jou tembíu tanta vae. Jae ramiño vi Tumpa omombeu ñandeve vae re oñemboe cavi vae reta oicuaa cavi mbae icavi vae jare mbae mbaeti icavi vae.

Hebreos 5:14 ပူးပေါင်းရင်းမြစ်များ

GÉNESIS 3:5

Echa Tumpa oikuaa katu ko jókuae ara peu ko yave, oyepeata peresa, jare peikota Tumpa rami, peikuaata ikavi vae jare ikavimbae vae.

2 SAMUEL 14:17

Jayave kuae nderembiokuai oäro mburuvicha guasu jei vae ikavi yaeta, echa nde metei araɨgua rami ko, reikuaa mbae ko ikavi vae jare mbae ko ikavimbae vae. ¡YandeYa Tumpa toï nde ndive!

1 REYES 3:11

Jare jei chupe: “Kuae reiporu ramo, jare mbaetɨ reiporu ndeyeupe reikopuku vaerä, jare mbaetɨ reiporu ndeyeupe reikokatu vaerä, jare mbaetɨ reiporu nderovaicho reta omano vaerä, jaeño ma reiporu ndeyeupe arakuaa katu reikuaa vaerä reporojäa,

1 REYES 3:9

Emee che nderembiokuai pe chepɨarakuaa katu yae vaerä, aikatu vaerä ajäa ndembae vae reta, jare aikuaa vaerä ikavi vae ikavimbae güi; echa, ¿kia pa ipuereta oporookuai kuae tëta tuicha yae vae re?”

JOB 12:11

Apɨsa, oendu ñee reta, jare yuru, ojäa tembíu.

JOB 34:3

Echa yandeapɨsa rupi ko yaendu ñee reta, jare ñaneäpeku pe yaikuaa tembíu jëe ngatu vae.

JOB 6:30

¿Jae pa mbae ikavimbae? ¿Mbaetɨta pa aikuaa mbae ikavimbae reta?

SALMOS 119:103

Neñee, jëe kavi cheyuru pe, jëe yae ei güi cheyuru pe.

CANTARES 1:3

ikäti kavi otimbo reñono ndeyé vae, nderee otimbo, mbae ikäti kavi vae oyepɨyere rami. ¡Jáeramo kuñatai reta nderaɨu yae!

CANTARES 2:3

Ɨvɨra pɨte pe temitɨ manzana oï rami ko, aaɨu vae, kunumi reta ipɨte pe. ¡Iküaraɨa kavi pe aguapɨ! ¡Iagüe jëe ngatu yae cheve!

ISAÍAS 7:15

Jouta guara jare ei, yarakuaa katu regua, oikuaa regua güɨröɨro ikavimbae vae jare oiparavo ikavi vae.

San Mateo 5:48

Jáeramo, peyapo ikavi vaeño, peRu ara pe oï vae oyapo rami.

Romanos 14:1

Pemboresive kavi ipɨtu iporogüɨrovia pe vae, ërei agüɨye peyoaka vaerä jae ndive.

1 Corintios 2:6

Ërei ore roiporu ñee arakuaa pegua ipɨ̈rata ma iporogüɨrovia pe vae reta ipɨte pe. Ërei mbaetɨ roiporu arakuaa ɨvɨ pegua ani ɨvɨ pegua mburuvicha reta iyarakuaa. Echa kuae mburuvicha reta opata ko.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 4:13

yayeapo regua metei ramiño yandeporogüɨrovia pe, jare yaikuaa kavi vaerä Tumpa Taɨ. Yakuakuaa kavi vaerä, Cristo okuakuaa rami.

Filipenses 3:15

Jáeramo, opaete ñanepɨ̈rata ma vae yayemongeta jökorai. Ërei mbaetɨ peyemongeta jökorai yave, Tumpa oechaukata peve.

1 Tesalonicenses 5:21

Pemae kavi opaete mbaembae re. Peñovatu ikavi vae.

1 Timoteo 4:7

Agüɨye erovia arakae ndaye reta. Ërei eñemoäta ngatu reyapo vaerä Tumpa oipota vae;

Hebreos 6:1

Jáeramo, yaeya mo yamboɨpɨ ramo yave yayemboe Cristo regua vae, yaja tenonde kotɨ yaikuaa kavi vaerä; agüɨye yamboɨpɨ pɨau ye tenonde yave yayemboe ma jese vae, jae ko peyepoepɨ pereko reta mano pegua güi vae re jare mborogüɨrovia ye Tumpa re vae,

Santiago 3:2

Echa opaete yande reta yayavɨñoi ko. Oime yave kia mbaetɨ oyavɨ iñee rupi vae, jae ko jupi vae, güɨnoi ko mbaepuere opaete jete re.