Hebreos 5:12 - Biblia Guarani Tumpa Iñee

¹² Echa peporomboeta tëi ma ko, ɨma rupi ma peiko güire jekuaeño peipota pomboe ye tenondegua yemboe Tumpa iñee regua re. Peyu pepɨta michia necheño jou vae rami, mbaetɨ tembíu täta vae jou vae rami.

Nuevo Testamento Guaraní Pe

¹² Añave pe reta pemboeta tei iru vae reta mbaembae re, peñemboe yave jese. Erei mbaeti peñemboe jese. Jae rambue icavi co che pomboe ye vaera jocuae Tumpa omombeu ñandeve vae mbaeti etei co yavai yaicuaa vaera vae. Tamojaanga tembíu re. Michia reta mbaeti ipuere jou tembíu tanta vae, jaeño neche. Pe reta michia reta rami co. Echa mbaeti peñemboe cavi Tumpa omombeu ñandeve vae re.

Hebreos 5:12 ပူးပေါင်းရင်းမြစ်များ

2 SAMUEL 16:23

echa jókuae ara rupi, Ahitofel pe oparandu mbae re yave vae, Tumpa pe etei oparandu rami oyapo reta; jökorai Ahitofel iporomboarakuaa David pe jare Absalón pe.

ESDRAS 7:10

Echa Esdras oñeñono opaete ipɨa ndive oyemboe kavi vaerä yandeYa iporookuai re, jae oyapo vaerä jare omboe vaerä Israel iñemuña reta jókuae mborookuai reta re.

SALMOS 34:11

Peyu cheraɨ reta, peyeapɨsaka cheré; pomboeta peipoɨu yandeYa güi.

ISAÍAS 28:13

Jáeramo, yandeYa omomiarita michia raɨ rami, jaeramo etei oyemboe a, e, i, o, u jei vae re ñogüɨnoi rami. Jae reta oguatata, ërei oyatuaka retata, oñemopë retata, mbaetɨta ipuere omɨi, oa retata tembipɨɨrä.

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

San Mateo 17:17

Jayave Jesús jei: —Oporogüɨroviambae jare ipɨapochɨ vae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Marcos 9:19

Jayave Jesús jei chupe reta: —Oporogüɨroviambae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

Hechos 7:38

Araɨgua omomiari Moisés ɨvɨtɨ guasu Sinaí pe, ñuu pe oyemboatɨ yave Moisés jare ñaneñemuñagüe reta. Tumpa omee Moisés pe ñee tekove pegua, jae omombeu vaerä yandeve.

Romanos 3:2

Jeta pe ko opaete mbaembae rupi. Tenonde ete: Oñemee Tumpa iñee chupe reta.

1 Corintios 14:19

Ërei oporogüɨrovia vae reta ndive aï yave, chekɨ̈reɨ chemiari mbovɨ ñeeño yaikuaa reve kavi vae pe, amboe vaerä ïru vae reta, jeta ambuae ñee reta pe jae vae güi.

1 Corintios 14:20

Cherɨvɨ reta, agüɨye peyemongeta michia reta rami. Jaeño peiko michia rami ikavimbae oikuaambae rami. Ërei peyemongeta pe, okuakuaagüe oyemongeta rami.

Gálatas 4:3

Jökoraiño vi yande tenonde yave mboromboe ɨvɨ pegua güɨnoi vi mbaepuere yanderé. Echa jayave yaikose michia rami.

Filipenses 3:1

Jare añave cherɨvɨ reta, peyerovia yandeYa re. Mbaetɨ etei chekuérai amboaɨkuere ye aikuatía peve, echa ikavi ko peveguarä.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

Hebreos 10:32

Ërei pemaendúa ara reta oasagüe re, kërai Cristo re peyemboe yave, ïru vae reta oiporarauka yae peve yave pepɨ̈rata peporogüɨrovia pe,

Hebreos 5:11

Aipota tëi amombeu peve jeta kuae regua, ërei yavai ko oï amombeu peve vaerä, mbegüe rupi yae peikuaa ramo.

Hebreos 5:13

Michia necheño vɨteri jou vae mbaetɨ ko ipoki yemboe arakuaa pegua pe, echa michia ko;

Hebreos 6:1

Jáeramo, yaeya mo yamboɨpɨ ramo yave yayemboe Cristo regua vae, yaja tenonde kotɨ yaikuaa kavi vaerä; agüɨye yamboɨpɨ pɨau ye tenonde yave yayemboe ma jese vae, jae ko peyepoepɨ pereko reta mano pegua güi vae re jare mborogüɨrovia ye Tumpa re vae,

1 Pedro 2:2

Peyúe neche oyeambae vae ara pegua, michia oa ramo vae ikambúe rami, jókuae rupi pekuakuaa vaerä jare penoi vaerä yemboasa,

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!