Hebreos 5:1 - Biblia Guarani Tumpa Iñee

¹ Opaete sacerdote tenondegua ete oyeparavo ko kuimbae reta ipɨte güi, oñeñono ko kuimbae reta re oï vaerä Tumpa jóvai, jare ipuere vaerä omee Tumpa pe mbota jare mɨmba oyeyukagüe mbaeyoa reta re.

Nuevo Testamento Guaraní Pe

¹ Tumpa oiparavo metei cuimbae oyeapo vaera sacerdote tenondeguara, jare omee chupe oyerure vaera Tumpa pe iru vae reta re, jare ipuere vaera güɨrocuavee Tumpa pe mbota reta jare maemɨmba oyeyucagüe reta. Maemɨmba oyeyucagüe reta mbaeyoa reta regua co.

Hebreos 5:1 ပူးပေါင်းရင်းမြစ်များ

LEVÍTICO 8:2

“Eraja Aarón jare taɨ reta, temimonde reta sacerdote pegua, olivo iasaite yeparavo pegua, toro taɨrusu vae oñemee cheɨ̈ro vaerä mbaeyoa re vae pegua, mókoi reve vecha kuimbae jare kanata raɨ mbɨyape oyembovumbae reta jɨru,

LEVÍTICO 9:7

Jare Moisés jei Aarón pe: “Eya katu mɨmba oyeyuka oyeapɨ jese vae re, jare eyuka emee mɨmba mbaeyoa regua jare mɨmba opaetei oyeapɨ vae, Tumpa iñɨ̈ro vaerä ndeyoa re jare opaete vae reta iyoa re. Emee vi mɨmba Israel iñemuña reta omee vae, Tumpa iñɨ̈ro vaerä mbaeyoa re, yandeYa oporookuai rami.”

Romanos 15:17

Jáeramo chepuere ayemboete Cristo Jesús re. Tumpa peguarä ambaeapo vae re.

1 Corintios 15:3

Echa tenonde ete pomboe, che amboresivegüe, jae ko: Cristo omano yandeyoa reta re Tumpa Iñee pe jei rami;

Hebreos 10:11

Opaete sacerdote reta oyemboɨ Tumpa jo pe ara ñavo oyeokuai vaerä jare omee vaerä mɨmba oyeyukagüe mbaetɨi omboai mbaeyoa vae. Ara ñavo jae jaeño oyapo reta.

Hebreos 10:12

Ërei Cristo omee jete metei veseño jekuae avei pegua, javoi oguapɨ Tumpa iyakatu kotɨ.

Hebreos 11:4

Iporogüɨrovia rupi Abel omee Tumpa pe mɨmba oyeyukagüe, ikavi yae jókuae Caín omee vae güi. Jókuae rupi Tumpa oikuaauka ombojupi ko Abel, jare omboresive mbota omee chupe vae; yepe tëi Abel omano ma, ërei iporogüɨrovia rupi jekuaeño imiari.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 7:27

jae mbaetɨ omee mɨmba oyeyukagüe jókuae ïru sacerdote tenondegua ete reta ara ñavo omee rami, echa jae reta tenonde omee iyoa re räri jare jaɨkue rupi opaete vae reta re. Ërei Jesús jae etei oñemee metei veseño jekuae avei pegua.

Hebreos 8:3

Opaete sacerdote tenondegua ete reta ñogüɨnoi ko omee vaerä mbota reta jare mɨmba oyeyukagüe reta. Jáeramo jupi ko kuae sacerdote tenondegua ete vae omee vaerä mbae,

Hebreos 8:4

ɨvɨ peño oiko yave mona, ngaraa etei ko oiko sacerdoterä, oime vɨteri ramboeve ïru sacerdote reta omee vaerä mbota reta mborookuai jei rami.

Hebreos 9:9

Opaete kuaekuae reta oyembojaanga ko añave rupiguarä. Joko pe sacerdote reta omee yepi mbota jare mɨmba oyeyukagüe ipuerembae ombokavi Tumpa omboete vae reta iyemongeta vae,