Hebreos 4:15 - Biblia Guarani Tumpa Iñee

¹⁵ Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.

Nuevo Testamento Guaraní Pe

¹⁵ Jesús mbaeti co sacerdote tenondegua mbaeti ipuere ipɨatɨtɨ yaiporara yave vae rami. Echa aña guasu imiari chupe oyapouca vaera tei mbaeyoa chupe, aña guasu imiari ñandeve rami. Erei jae mbaeti etei iyoa.

Hebreos 4:15 ပူးပေါင်းရင်းမြစ်များ

ÉXODO 23:9

Agüɨye pembopɨatɨtɨ ketɨgua; echa pe reta peikuaa, kërai ko ketɨgua reta ipɨa vae, echa pe reta peikose ketɨgua ɨvɨ Egipto pe.

ISAÍAS 53:9

Jare oñotɨ reta iyoa vae reta ndive, ërei omano yave, oñotɨ reta oikokatu vae reta jɨvɨa pe; yepe tëi mbaetɨ oyapo ikavimbae, jare mbaetɨ oñeväe apu jese.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

San Mateo 12:20

Ngaraa oakɨo täkuarasɨ opë pota ete ma vae. Ngaraa vi ombogüe mechero ogüe pota ete ma vae, ndei oporomoamɨri oporojäa vaerä mbove.

San Mateo 4:1

Jayave Espíritu Santo güɨraja Jesús ñuu pe. Jare joko pe aña guasu omomiari oyavɨuka vaerä tëi chupe.

San Lucas 22:28

Pe reta peiko che ndive opaete kuae aiporara ramboeve.

San Lucas 4:2

Jare Jesús opɨta ñuu pe cuarenta ara, jare aña guasu omomiari oyavɨuka vaerä tëi chupe. Opaete jókuae ara reta rupi Jesús mbaetɨ etei jou mbae ave. Jáeramo jókuae jaɨkue rupi iyɨmbɨaɨ.

San Juan 8:46

¿Kia pa pegüi reta ipuere jei cheve: “Ndeyoa ko”? Echa che chemiari peve añete vae re. ¿Maera pa mbaetɨ chererovia?

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Hebreos 4:14

Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe.

Hebreos 5:2

Jare ipɨaguasu vaerä oikuaambae reve iyoa vae pe jare ombaeyavɨ vae pe, echa jae etei vi ipɨ̈ratambae vae ko;

Hebreos 7:26

Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

1 Pedro 2:22

echa Cristo mbaetɨ etei iyoa. Mbaetɨ etei oporombotavɨ.

1 Juan 3:5

Jare peikuaa kërai Jesucristo oyeapo kuimbaerä omboai vaerä yandeyoa reta. Jare jae mbaetɨ etei iyoa.