Hebreos 3:5 - Biblia Guarani Tumpa Iñee

⁵ Añete Moisés jupi opaete Tumpa jo pe, tembiokuai rami, omoërakua vaerä taɨkue rupi oikota vae.

Nuevo Testamento Guaraní Pe

⁵ Moisés oyapo cavi mbaravɨquɨ Tumpa omee chupe oyapo vaera vae. Jocorai oyeócuai cavi Tumpa pe, jare Tumpa oicuauca cuae ñandeve yaicuaa vaera quirai opaete Moisés imiari Tumpa re vae añete co.

Hebreos 3:5 ပူးပေါင်းရင်းမြစ်များ

NEHEMÍAS 9:14

Jare reyókuai vi oñono tee reta vaerä ara mbutuu, jare nderembiokuai Moisés ipo rupi remee chupe reta mborookuai reta jare yemboe kavi.

SALMOS 105:26

Jayave Tumpa ombou jembiokuai Moisés, jare Aarón, jae oiparavo vae.

ÉXODO 14:31

Jare Israel iñemuña reta oecha jókuae mɨakañɨ tuicha yae yandeYa oyapo Egiptoɨgua reta kotɨ vae; jayave jae reta oipoɨu yandeYa güi, jare güɨrovia reta yandeYa re jare jembiokuai Moisés re.

ÉXODO 40:16

Moisés oyapo opaete yandeYa oyókuai rami kavi.

NÚMEROS 12:7

ërei cherembiokuai Moisés ndive mbaetɨ jökorai, echa jae jupi rupi kavi ko oyapo opaete mbaravɨkɨ chero pe,

San Mateo 24:45

Metei oyeokuai vae jeko kavi jare oyeandu katu reve vae pe iya oeya ipo pe omee vaerä ïru tembiokuai reta pe jembiurä iora pe kavi.

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Lucas 12:42

Jayave yandeYa jei: “Metei tembiokuai omaangareko vae jeko kavi vae jare oyeandu katu reve vae pe iya oeya ipo pe, omee vaerä ïru tembiokuai reta pe jembiurä iora pe kavi.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Lucas 24:44

Jayave jei chupe reta: —¿Mbaetɨ pa pemaendúa pe reta ndive aiko ramboeve che jae peve vae re? Kërai oyembopo tai ko cheré Moisés iporookuai, ñeemombeúa reta oikuatiagüe jare Salmo reta pe jei vae.

San Juan 5:39

Pe reta peyemboe kavi Tumpa Iñee re. Echa peyemongeta pɨpe peväeta tekove opambae vae. Ërei jae ko imiari cheregua.

Hechos 28:23

Jayave jei reta Pablo pe mbae ara pe yogüeruta vae. Jayave jókuae ara jeta vae yogüeru Pablo oïa pe. Jare ndeimbove güive Pablo ikaaru omombeu chupe reta Tumpa iporookuaía regua. Jare Moisés iporookuai rupi jare ñeemombeúa reta oikuatiagüe rupi, güɨroviauka chupe reta Jesús regua.

Hechos 7:37

Moisés jei Israel pegua reta pe: “YandeYa Tumpa omopüata peve ñeemombeúa perëtara reta güi, che chembou rami. Peyeapɨsaka jese.”

Romanos 3:21

Ërei añave oyekuaa kërai Tumpa ipuere yandembojupi mborookuai jei vae yayapombae reve. Mborookuai jare ñeemombeúa reta omombeu kuae regua;

1 Corintios 4:2

Jáeramo tembiokuai ñavo ikavi ko yogüɨreko vaerä jupi rupi.

DEUTERONOMIO 3:24

‘CheYa Tumpa, nde remboɨpɨ reechauka che nderembiokuai pe ndetuicha yae vae, jare ndembaepuere; echa mbaetɨ yé ïru Tumpa ara pe ani ɨvɨ pe ikavi yae oyapo vaerä nde reyapo rami vae.

DEUTERONOMIO 34:5

Jare jókuae ɨvɨ Moab pe omano Moisés yandeYa jembiokuai, yandeYa jei rami,

1 Timoteo 1:12

Amee yasoropai yandeYa Cristo Jesús chemomɨ̈rata vae pe, omae cheré jupi ramo cheñono iparavɨkɨ pe,

Hebreos 1:1

Arakae rupi Tumpa jeta imiari ñaneñemuñagüe reta pe iñeemombeúa reta rupi güire.

Hebreos 3:2

Jesús oiko jupi rupi imboguapɨa kotɨ, Moisés jupi rupi oiko opaete Tumpa jo pe rami.

Hebreos 3:4

Jare opaete o, oime iyapoa. Ërei opaete mbaembae iyapoa, jae ko Tumpa.

Hebreos 8:5

Ërei mbaravɨkɨ jae reta oyapo vae ko oyembojaanga ara pegua re. Echa ndei Moisés oyapouka Tumpa jo guakapi pegua mbove, Tumpa oechauka chupe kërai oyapouka vaerä. Jei chupe körai: “Emae kavi, reyapo vaerä ɨvɨtɨ re aechauka ndeve rami kavi.”

Hebreos 9:24

Cristo oike ma ara pe etei Tumpa jóvai, oyerure vaerä yanderé, mbaetɨ oike mbaemboetea oyeapogüe pe, echa jókuae mbaemboetea ko oyembojaanga añetete pegua ara pegua re;

JOSUÉ 1:15

yandeYa omee ɨvɨ perëtara reta pe vae pe, yogüɨreko pɨagüive regua, peve omee rami, jae reta togüɨnoi vi ɨvɨ, yandeYa Tumpa omeeta chupe reta vae; jaɨkue rupi peyerova ye peɨvɨ kotɨ peiko ete vaerä pɨpe, kuae ɨ̈aka Jordán jovaicho kotɨ, kuaraɨ oëa kotɨ, Moisés, yandeYa jembiokuai omee peve vae pe.

JOSUÉ 1:2

“Cherembiokuai Moisés omano ma; añave, epüa easa kuae ïaka Jordán, nde jare opaete Israel iñemuña reta jókuae ɨvɨ che amee reta chupe vae pe.

JOSUÉ 1:7

Jaeño eñemomïrata jare eñemoäta ngatu yae, reyeandu reve reyapo vaerä opaete mborookuai reta cherembiokuai Moisés ndeokuai vae; agüɨye epia chugüi ketɨ ave yepe, opaete mbaembae reyapo vae oë kavi vaerä ndeve.

JOSUÉ 8:31

Moisés, yandeYa jembiokuai oyókuai Israel iñemuña reta rami, Moisés omombeu mborookuai vae oyekuatía oï rami: “Mɨmba oyeyuka oyeapɨ jese vae ita reta oñeopambae pegua.” Jayave Israel iñemuña reta omee mɨmba oyeyukagüe opaetei oyeapɨ vae, jare omee reta mɨmba oyeyukagüe yembopɨakatu pegua.

JOSUÉ 8:33

Jare opaetei joko pegua reta: Israel iñemuña reta, ketɨgua reta, opaete tenondegua reta, mburuvicha reta, oporojäa vae reta, oñeñono Tumpa ikäjou iyɨke yɨke rupi, sacerdote Leví iñemuña reta yandeYa ikäjou morogüɨrökuavee päve pegua güɨraja vae reta jóvai. Güɨnoi vaerä Tumpa iporerekua Israel iñemuña reta, mbɨte chugüi reta ñogüɨnoi ɨvɨtɨ Gerizim kotɨ, jare ïru mbɨte ñogüɨnoi ɨvɨtɨ Ebal kotɨ, tenonde rupi Moisés, yandeYa jembiokuai oyókuai reta rami.

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.