Hebreos 3:16 - Biblia Guarani Tumpa Iñee

¹⁶ ¿Kia reta pa jókuae Tumpa iñee oendu güire omboarasɨuka vae? ¿Jaeä pa Moisés güɨnoe Egipto güi vae reta?

Nuevo Testamento Guaraní Pe

¹⁶ Yepe tei oendu reta Tumpa iñee, erei amogüe ñanetenondegua reta omboarasɨ Tumpa. Añete co, opaete Moisés güeru Egipto güi vae reta omboarasɨ Tumpa.

Hebreos 3:16 ပူးပေါင်းရင်းမြစ်များ

SALMOS 78:17

Ërei jeseve jae reta jekuaeñoi iyoa Tumpa kotɨ; oyembopɨapochɨ reta Tuichagüe yae ete vae kotɨ ñuu pe.

SALMOS 78:40

¡Mbovɨ ye rupi oyembopɨapochɨ reta ikotɨ, omboarasɨuka reta ñuu pe!

JEREMÍAS 32:29

Caldeaɨgua reta añave opüa ñogüɨnoi tëta guasu re vae oiketa pɨpe jare oyatapɨ retata jese; oapɨta vi o reta, iárambo güɨnoi reta ikäti kavi vae incienso oapɨ Baal peguarä jese vae, jare mbota vino oyepɨyere tumpa ambuae reta pe vae, jókuae rupi chemboarasɨuka reta vae.

JEREMÍAS 44:3

ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi, oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.

JEREMÍAS 44:8

¿Maera pa chemboarasɨuka perembiapo reta rupi? Peapɨ ikäti kavi vae incienso tumpa ambuae reta kuae Egipto pegua pe, peyu peiko pɨpe vae. Jókuae rupi peru peyeupe aeño kañɨtei, peiko vaerä yepopeyu rupi jare yeyóyai yoyairä, opaete tëtaguasu reta ɨvɨ pe ñogüɨnoi vae reta peguarä.

NÚMEROS 14:11

jare yandeYa jei Moisés pe: —¿Kërai yave regua pa kuae reta jekuaeñota chereröɨro? ¿Opaete mɨakañɨ reta ayapo ipɨte pe vae reve jekuaeñota pa mbaetɨ chererovia?

NÚMEROS 14:2

Jare opaete Israel iñemuña reta iñeenguru Moisés jare Aarón kotɨ; jare jei reta: “¡Maera ra ñamano voiä ɨvɨ Egipto pe ani kuae ñuu pe!

NÚMEROS 14:24

Ërei ngatu cherembiokuai Caleb, aroiketa jókuae ɨvɨ re ojo omaea pe, echa jae ipɨa ambuaeyee ko, jare oiparavo oiko vaerä che jaegüe rupi; iñemuña reta güɨnoita imbaerä jókuae ɨvɨ.

NÚMEROS 14:30

Pe reta mbaetɨta ko peike jókuae ɨvɨ arökuavee cheree re pevea pe; jaeño ma oiketa Caleb, Jefone taɨ, jare Josué, Nun taɨ.

NÚMEROS 14:38

Ërei ngatu Josué, Nun taɨ jare Caleb, Jefone taɨ mbaetɨ omano jókuae kuimbae reta ɨvɨ re yogüɨraja omae vae ipɨte güi.

NÚMEROS 14:4

Jare jei reta oyoupe: “¡Yaiparavo metei mburuvicha, jare yayerova ye Egipto kotɨ!”

NÚMEROS 26:65

echa yandeYa omoërakua opata ko omano ñuu rupi vae; chugüi reta mbaetɨ metei kuimbae ave jembɨre, jaeño Caleb Jefone taɨ, jare Josué Nun taɨ.

DEUTERONOMIO 1:38

Josué, Nun taɨ ndemborɨ vae, jae oiketa nderekovia pe jókuae ɨvɨ pe, emoäta ngatu, echa jae omeeta ɨvɨ Israel iñemuña reta pe.

Judas 1:5

Jáeramo yepe tëi peikuaa ma, ërei aipota pomomaendúa ye kuae re: YandeYa güɨnoe Israel pegua reta Egipto güi. Ërei taɨkue rupi opa omokañɨtei jese güɨroviambae vae reta.