Hebreos 3:10 - Biblia Guarani Tumpa Iñee

¹⁰ Jókuae jeko pegua chearasɨ aiko kuae ñemuña reta kotɨ, jare jae: ‘Kuae tëta ipɨa güɨrave avei, ¡jare mbaetɨ oikuaa reta cheporookuai!’

Nuevo Testamento Guaraní Pe

¹⁰ Jae rambue chearasɨ petenondegua reta pe, jare che jae corai: Jecuaeño opia reta chegüi ipɨa pe. Mbaeti etei oipota reta oyapo che aipota tei oyapo vaera vae. Jocorai che jae.

Hebreos 3:10 ပူးပေါင်းရင်းမြစ်များ

GÉNESIS 6:6

Jayave yandeYa ombopɨatɨtɨ, arakae oyapo kuimbae vae, jare jókuae jasɨ ipɨa pe.

SALMOS 147:20

Mbaetɨ etei jökorai oyapo ïru tëtaguasu reta ndive; jae reta mbaetɨ oikuaa yandeYa iporookuai reta re. ¡Aleluya!

SALMOS 67:2

opaete tëtaguasu reta ɨvɨ pegua oikuaa vaerä nderemimbota jare ndeporogüɨroasayepe.

SALMOS 78:40

¡Mbovɨ ye rupi oyembopɨapochɨ reta ikotɨ, omboarasɨuka reta ñuu pe!

SALMOS 78:8

agüɨye vaerä iñemuñagüe reta rami: Ipɨarai reta jare ipɨapochɨ reta, mbaetɨ metei reño iyemongeta reta. ¡Tumpa kotɨ ave mbaetɨ jupigüe oyapo reta!

SALMOS 95:10

Cuarenta año chearasɨ aiko kuae tëtaguasu kotɨ, jare jae: ‘Kuae tëta ipɨa güɨrave yae, ¡jare mbaetɨ oikuaa reta cheporookuai!’

ISAÍAS 28:7

Ërei kuae reta oyavɨ vi vino jeko pegua, mbae oporombosavaɨpo vae omombia iyemongeta kavi güi: Sacerdote jare ñeemombeúa reta oyembosavaɨpo, vino omombia reta iyemongeta kavi güi, oyemboesagüɨrɨuka reta mbae oporombosavaɨpo vae pe, osavaɨpo reve imiari mbae oasata vae re, osavaɨpo reve oporojäa reta.

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

OSEAS 4:12

Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

San Mateo 20:24

Jare ïru payandepo Jesús jemimboe reta kuae oendu yave, pochɨ reta jókuae oyotɨvɨ vae reta kotɨ.

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

San Juan 8:45

Ërei che añete vae re chemiari vae mbaetɨ chererovia.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Romanos 3:7

Cheapu vae rupi Tumpa iñee añete vae oyemboete yae yave, ¿maera pa chemboekoño cheyoa re?

Efesios 4:30

Agüɨye pembopɨatɨtɨ Tumpa iEspíritu Santo. Echa pɨpe Tumpa ñanemokañɨmaa yandereraja ete regua.

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

JUECES 10:16

Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.