Hebreos 3:1 - Biblia Guarani Tumpa Iñee

¹ Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Nuevo Testamento Guaraní Pe

¹ Cherɨvɨ reta, Tumpa peñono tee iyeupeguara. Tumpa etei ara pe oico vae peparavo. Jae rambue peñemongueta cavi Jesús re. Tumpa ombou Jesús omombeu vaera ñandeve Tumpa regua, ñande yarovia vaera jese, jare añave Jesús oico Tumpa oia pe ñanemborɨ vaera ñandeporogüɨrovia re, sacerdote tenondegua omborɨ Israel pegua reta rami.

Hebreos 3:1 ပူးပေါင်းရင်းမြစ်များ

SALMOS 110:4

YandeYa jei jee re ae, jare ngaraa oipoepɨ iyemongeta: “Nde ko jae sacerdote reiko avei vaerä, Melquisedec rami.”

ISAÍAS 1:3

Güeye oikuaa iya, jare mburika oikuaa ikarúa rɨru iya imbae; ërei Israel tëta chembae vae mbaetɨ chekuaa jare mbaetɨ yarakuaa.”

ISAÍAS 41:20

opaete vae pe reta peecha vaerä jare peikuaa vaerä, kërai che peYa ko ayapo chembaepuere rupi kuae, che, Tumpa Iyoambae Israel pegua ko ayapo kuaekuae.”

ISAÍAS 5:12

Pearete pe oime arpa, ngitara, tambora, mimbɨ jare jeta vino; ërei mbaetɨ pemae yandeYa oyapogüe re, mbaetɨ pemae jembiapo reta re.

EZEQUIEL 12:3

Jáeramo nde kuimbae, eyupavo reo vaerä ïru ɨvɨ kotɨ vae rami, ara pe etei eë ndero güi jae reta jovakei, ekua reïa güi ïkotɨa; güɨramoi jayave oikuaa reta, jae reta yepe metei tëta ipɨapochɨ vae.

EZEQUIEL 18:28

Echa omae jare opia opaete ikavimbae oyapo vae güi. Oikoveta ko, ngaraa omano.

HAGEO 1:5

YandeYa Imbaepuere yae ete vae jei körai: Peyemongeta kavi pereko reta re.

HAGEO 2:15

Añave, peyemongeta kavi pepɨa pe kuae ara güive tenonde kotɨ. Ndei pemboɨpɨ pemopüa pɨau tupao mbove,

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

San Juan 20:21

Jayave Jesús jei ye chupe reta: —Mbɨakatu toï pe ndive. CheRu chembou rami, che pomondo vi.

San Juan 20:27

Jayave jei Tomás pe: —Emae chepo re. Eñono kuae pe nepoäka. Embou ndepo, emoinge cheɨke pe. Agüɨye eiko ndeporogüɨroviambae. ¡Eporogüɨrovia!

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Romanos 11:17

Amogüe jäka oyeekɨ yave, jare nde olivo ñana rupigua reñeñonouka jendagüe re, jökorai reyeapo olivo ete jäkarä, jare reiko japo re jare iyaɨsɨ re.

Romanos 15:27

Oecha reta ikavi kuae oyapo vaerä, echa ipía ko judío reta pe. Echa judío reta rupi ou judiombae vae reta pe Tumpa iñee. Jáeramo judiombae vae reta ikavi ko omborɨ vaerä judío reta mbaembae güɨnoigüe pe.

Romanos 15:8

Echa che jae peve kuae: Cristo Jesús ou oyeokuai omborɨ vaerä judío reta, oikuaauka vaerä chupe reta Tumpa iñee añete vae. Echa jae ou oikuaauka vaerä Tumpa güɨrökuavee iñemuñagüe reta pe vae;

Romanos 9:24

kuae reta vi oenɨi, jae ko yande reta. Mbaetɨ judío reta güiño, judiombae vae reta güi vi.

1 Corintios 1:2

romondo kuae tupapire oporogüɨrovia vae reta Tumpa imbae Corinto pe peï vae pe. Tumpa peñono tee iyeupeguarä Cristo Jesús rupi vae reta pe. Tumpa peparavo, opaete kerupi omboete yandeYa Jesucristo vae reta ndive; jae reta iYa ko jare yande yandeYa ko.

1 Corintios 10:17

Yepe tëi mbɨyape meteiño jare yande reta jeta, ërei metei jeteño ko, echa jókuae metei mbɨyape güiño opaete vae yau.

1 Corintios 9:23

Opaete kuae ayapo ñee ikavi vae jeko pegua, anoi vaerä vi pɨpe chembae.

2 Corintios 1:7

Jare jekuaeño pogüɨrovia katu yae. Echa roikuaa kërai pe reta vi peiporara ore roiporara rami. Jaeramiño vi roikuaa kërai Tumpa pembopɨakatu orembopɨakatu rami.

2 Corintios 9:13

Echa jókuae omboresive vae rupi omboete retata Tumpa, oecha retata kërai peyapo ko ñee ikavi vae Cristo regua vae. Omboete retata Tumpa pekɨ̈reɨ ngatu reve pemee chupe jare opaete peguarä vae re.

Efesios 3:6

Kërai judiombae reta güɨnoi vi judío reta ndive imbaerä vae, jare meteiño jete, jare mókoi reve güɨnoi retata Tumpa güɨrökuavee Cristo Jesús re, ñee ikavi vae rupi vae.

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 4:4

metei jeteño, jare metei Espíritu, Tumpa pereenɨi peporoäro vaerä metei ramiño;

Filipenses 3:14

Jáeramo añemoäta ngatu avei, aupitɨ vaerä Tumpa omeeta cheve Cristo Jesús rupi vae.

Colosenses 1:12

Peyerovia reve pemee yasoropai yandeRu pe, echa jae omee ma peve penoi vaerä pembaerä opaete ïru oporogüɨrovia vae reta tembipe pegua pe oñemeeta vae.

Colosenses 1:22

jae jete omano vae rupi. Jökorai oyapo, peñono tee vaerä, ikɨambae, jekombae vae iyeupeguarä jae jóvai.

Colosenses 3:12

Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu oyoupe,

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

1 Tesalonicenses 5:27

Pomoñera yandeYa re pemongeta vaerä kuae tupapire opaete yanderɨvɨ reta pe.

2 Tesalonicenses 1:11

Jáeramo royerure avei peré, Tumpa jupi ko perenoi vaerä jae iporoparavo pe, jare ombopo vaerä imbaepuere rupi opaete peipota vae peporogüɨrovia rupi peyapo vae.

2 Tesalonicenses 2:14

Kuaerä Tumpa peparavo ñee ikavi vae romombeu peve vae rupi, peike vaerä yandeYa Jesucristo iyemboetea pe.

1 Timoteo 6:12

Eñeraro kavi ndeporogüɨrovia re, egüɨ̈rakua tekove opambae vae re, echa kuaerä Tumpa ndeparavo. Jáeramo remombeu ndeporogüɨrovia jeta vae jóvai.

1 Timoteo 6:2

Jare iya reta oporogüɨrovia vae ko yave, agüɨye togüɨröɨro reta Tumpa güɨrovia jeko pegua. Ërei toyeokuai kavi chupe, echa iparavɨkɨagüe re oyekou vae reta oporogüɨrovia vae reta ko jare yandeYa oaɨu ko. Kuae eporomboe jare eporomboarakuaa.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

2 Timoteo 2:7

Jekuaeño ndepɨa pe eyemongeta che jae ndeve vae re. Jare yandeYa tomee ndeve arakuaa reikuaa kavi vaerä opaete.

Hebreos 10:19

Jáeramo, cherɨvɨ reta, yandepuere yaike yakɨɨyembae reve cuarto oñeñono tee kavi yaea pe Jesucristo jugüɨ rupi,

Hebreos 10:21

ñanoi ramboeve sacerdote tuichagüe vae, Tumpa jo pe,

Hebreos 10:23

Jekuaeño ñanemomɨ̈rata yaipoɨumbae reve ñaäro vae re, echa jupi ko jókuae güɨrökuavee vae.

Hebreos 13:22

Cherɨvɨ reta, pomoñera peropɨa vaerä kuae mbovɨ yemboarakuaa aikuatía peve vae.

Hebreos 2:11

Jesús oporoñono tee vae jare oñeñono teeuka vae reta Tumpa imbae päve ko; jáeramo Jesús mbaetɨ imara jei “cherɨvɨ reta”,

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

Hebreos 6:20

jókuae Jesús räri oike tenonde yandeve, jare Tumpa oyapo ma sacerdote tenondegua eterä jekuae avei pegua Melquisedec rami.

Hebreos 7:26

Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;

Hebreos 7:28

Echa kuimbae reta mborookuai rupi oyeparavouka sacerdote tenondegua eterä vae iyoa vae reta ko. Ërei añave Tumpa oiparavo jee re ae Taɨ oiko vaerä sacerdote tenondegua eterä mborookuai jaɨkue rupi, jae ko iyoambae jekuae avei pegua vae.

Hebreos 9:11

Ërei ou ma Cristo, sacerdote tenondegua ete mbaembae oikota vae pegua. Jare jae oyapo mbaravɨkɨ tupao ikavigüe yae vae pe. Echa jókuae tupao kuimbae reta oyapogüeä ko.

Hebreos 9:15

Jare jókuae jeko pegua jae oï ñanemoñoövaiti vaerä Tumpa ndive morogüɨrökuavee päve ipɨau vae rupi vae. Echa Cristo omano omboepɨ vaerä tenondegua morogüɨrökuavee päve pe mbaeyoa oyapo vae reta re. Jáeramo Tumpa oenɨi vae reta güɨnoita imbaerä güɨrökuavee chupe reta vae.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

1 Pedro 3:5

Echa jökorai tenondegua kuña oñeñono tee vae reta oñemopöra, güɨrovia Tumpa re vae reta, yogüɨreko reve ime reta jeia re.

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

1 Juan 1:3

Romombeu peve roecha jare roendu vae, pe reta vi peñemoïru vaerä ore ndive. Jare kuae ñañemoïru vae añetete ko yandeRu Tumpa jare Taɨ Jesucristo ndive.

Judas 1:1

Che Judas, Jacobo tɨvɨ, Jesucristo jembiokuai, aikuatía yandeRu Tumpa oiparavo jare oñeñono tee vae reta pe. Jesucristo re oñeñovatu vae reta pe.

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”