Hebreos 2:17 - Biblia Guarani Tumpa Iñee

¹⁷ Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Nuevo Testamento Guaraní Pe

¹⁷ Jocuae oyeapota Jesús tɨvɨ retara vae reta ɨvɨ pegua reta co. Jae rambue icavi co Jesús vi oyeapo vaera ɨvɨ peguara etei, ipuere vaera omboai ɨvɨ pegua reta imbaeyoa reta. Jae co sacerdote tenondegua Israel pegua rami. Echa sacerdote tenondegua oique Tumpa oia pe Israel pegua reta imbaeyoa reta re. Jae ramiño vi Jesús oique Tumpa oia pe ñanderé. Ñandepuere yarovia catu. Jae ñandeparareco.

Hebreos 2:17 ပူးပေါင်းရင်းမြစ်များ

2 CRÓNICAS 29:24

Jare sacerdote reta oyuka jare jugüɨgüe oñapiramo reta mɨmba oyeyuka oyeapɨ jese vae re, Tumpa iñɨ̈ro vaerä Israel iñemuña reta iyoa re; echa opaete Israel iñemuña reta re mburuvicha guasu oporookuai oñemee vaerä mɨmba oyeyukagüe opaetei oyeapɨ vae, jare mɨmba oyeyuka Tumpa iñɨ̈ro vaerä mbaeyoa re vae.

ISAÍAS 11:5

Jare oyemondeta jupi vae pe, jare oyekuakuata añete vae pe.

EZEQUIEL 45:15

Dosciento vecha vae güi oñemeeta metei vecha, oyemongɨra kavi yae vae Israel pegua. Kuae ko jae mɨmba oyeyukagüe opaetei oyeapɨ vaerä, mbota yembopɨakatu peguarä, mɨmba oyeyuka Tumpa iñɨ̈ro mbaeyoa re vaerä. Che ndeYa Tumpa jae kuae.

EZEQUIEL 45:17

ërei mburuvicha oïta omee vaerä mɨmba oyeyukagüe opaetei oyeapɨ vae jare mbota temitɨ jäɨgüe jare vino oyepɨyere vae arete ikavi yae vae pe, yasɨ pɨau pe, ara mbutuu pegua pe jare opaete arete ñavo pe, tëta Israel pegua reta peguarä.

EZEQUIEL 45:20

Jökorai peyapo chiu araa pe, tenondegua yasɨ re, oikuaambae reve ombaeyavɨ vae re ani oporombotavɨ rupi oyapo yave mbaeyoa vae re, jare pemee mɨmba oyeyukagüe cheɨ̈ro vaerä mbaeyoa re vae. Jökorai oyetɨota tupao.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

LEVÍTICO 14:18

Jare olivo iasaite jembɨregüe ipo pe güɨnoi vae, toñono oyetɨo oï vae iñäka re; jare sacerdote toyapo chupe, cheɨ̈ro vaerä mbaeyoa re.

LEVÍTICO 16:16

Jökorai toitɨo tupao guakapi pegua japɨpe oñeñono tee kavi yae vae, Israel iñemuña reta ikɨa Tumpa jóvai, ipɨapochɨ jare opaete iyoa reta jeko pegua; jökorai vi toyapo tupao guakapi pegua, echa oiko jae reta ndive ikɨa reve ipɨte pe.

LEVÍTICO 6:30

Ërei agüɨye toyeu mɨmba jugüɨgüe oyereroike tupao guakapi pegua pe vae isoogüe, jókuae cheɨ̈ro vaerä mbaeyoa re vae. Jókuae mbota opaetei toyeapɨ.

LEVÍTICO 8:15

Jare oñaseokɨ̈ti; jare Moisés oipɨɨ jugüɨgüe, omopöe ipoäka pɨpe jare opaetei oipichɨ guakarätiecha ñogüɨnoi mɨmba oyeyuka oyeapɨ jese vae re vae, jökorai oitɨo mɨmba oyeyuka oyeapɨ jese vae Tumpa peguarä, jare jugüɨ jembɨregüe opɨyere mɨmba oyeyuka oyeapɨ jese vae iyɨpɨ re, jare mɨmba oyeyuka oyeapɨ jese vae oñeñono tee opɨta jese Tumpa iñɨ̈ro vaerä mbaeyoa re.

NÚMEROS 15:25

Sacerdote toyapo Tumpa iñɨ̈ro vaerä mbaeyoa re opaete Israel iñemuña reta re, jare oimeta ñɨ̈ro chupe reta, echa oikuaambae reve ko oyavɨ reta; jare togüeru reta mbota oyeapɨ vae yandeYa pe jare mɨmba oyeyuka Tumpa iñɨ̈ro vaerä mbaeyoa re, jókuae oikuaambae reve oyavɨgüe re.

Romanos 15:17

Jáeramo chepuere ayemboete Cristo Jesús re. Tumpa peguarä ambaeapo vae re.

Romanos 5:10

Echa yepe tëi yande yayovaichose Tumpa ndive, ërei oyapo yembopɨakatu yandeve Taɨ imano rupi. Vɨtei pa yandembopɨakatu ma yave, yandemboasata Taɨ oikove ye vae rupi.

Efesios 2:16

imano rupi kurusu re ombopɨakatu Tumpa ndive mókoi reve metei ramiño; jökorai omboai ñomotareɨ reta.

Colosenses 1:21

Jare tenonde yave pe reta mombɨrɨ yae peiko Tumpa güi, jare peyovaicho jese pepɨa pe, peyapose ikavimbae vae. Ërei añave pembopɨakatu ma Tumpa ndive,

Hebreos 10:21

ñanoi ramboeve sacerdote tuichagüe vae, Tumpa jo pe,

Hebreos 2:11

Jesús oporoñono tee vae jare oñeñono teeuka vae reta Tumpa imbae päve ko; jáeramo Jesús mbaetɨ imara jei “cherɨvɨ reta”,

Hebreos 2:14

Opaete taɨ reta ɨvɨ pegua reta ko, jáeramo Jesús etei vi oyeapo ɨvɨ peguarä, imano rupi omoamɨri vaerä aña guasu güɨnoise mbaepuere mano re vae,

Hebreos 2:16

Añete ko, Jesús mbaetɨ ou omborɨ vaerä araɨgua reta. Ou ko omborɨ vaerä Abraham iñemuña reta.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 3:2

Jesús oiko jupi rupi imboguapɨa kotɨ, Moisés jupi rupi oiko opaete Tumpa jo pe rami.

Hebreos 3:5

Añete Moisés jupi opaete Tumpa jo pe, tembiokuai rami, omoërakua vaerä taɨkue rupi oikota vae.

Hebreos 4:14

Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe.

Hebreos 4:15

Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.

Hebreos 5:1

Opaete sacerdote tenondegua ete oyeparavo ko kuimbae reta ipɨte güi, oñeñono ko kuimbae reta re oï vaerä Tumpa jóvai, jare ipuere vaerä omee Tumpa pe mbota jare mɨmba oyeyukagüe mbaeyoa reta re.

Hebreos 5:10

jare Tumpa oñono sacerdote tenondegua eterä Melquisedec rami.

Hebreos 5:2

Jare ipɨaguasu vaerä oikuaambae reve iyoa vae pe jare ombaeyavɨ vae pe, echa jae etei vi ipɨ̈ratambae vae ko;

Hebreos 5:5

Jaeramiño vi Cristo mbaetɨ oyeparavo jaeiño sacerdote tenondegua eterä. Tumpa ko oiparavo jei yave: “Nde ko jae cheRaɨ. Che ko romoñemuña añave.”

Hebreos 6:20

jókuae Jesús räri oike tenonde yandeve, jare Tumpa oyapo ma sacerdote tenondegua eterä jekuae avei pegua Melquisedec rami.

Hebreos 7:26

Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;

Hebreos 7:28

Echa kuimbae reta mborookuai rupi oyeparavouka sacerdote tenondegua eterä vae iyoa vae reta ko. Ërei añave Tumpa oiparavo jee re ae Taɨ oiko vaerä sacerdote tenondegua eterä mborookuai jaɨkue rupi, jae ko iyoambae jekuae avei pegua vae.

Hebreos 8:1

Jáeramo, che jae ma peve vae, jae ko oime ñanoi sacerdote tenondegua ete oguapɨ ma oï Tumpa iyakatu kotɨ ara pe vae,

Hebreos 8:3

Opaete sacerdote tenondegua ete reta ñogüɨnoi ko omee vaerä mbota reta jare mɨmba oyeyukagüe reta. Jáeramo jupi ko kuae sacerdote tenondegua ete vae omee vaerä mbae,

Hebreos 9:11

Ërei ou ma Cristo, sacerdote tenondegua ete mbaembae oikota vae pegua. Jare jae oyapo mbaravɨkɨ tupao ikavigüe yae vae pe. Echa jókuae tupao kuimbae reta oyapogüeä ko.