Hebreos 2:14 - Biblia Guarani Tumpa Iñee

¹⁴ Opaete taɨ reta ɨvɨ pegua reta ko, jáeramo Jesús etei vi oyeapo ɨvɨ peguarä, imano rupi omoamɨri vaerä aña guasu güɨnoise mbaepuere mano re vae,

Nuevo Testamento Guaraní Pe

¹⁴ Opaete taɨ reta ɨvɨ pegua reta co. Jae rambue Jesús etei vi oyeapo ɨvɨ peguara, imano rupi omoamɨri vaera aña guasu. Echa aña guasu güɨnoise mbaepuere mano regua.

Hebreos 2:14 ပူးပေါင်းရင်းမြစ်များ

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

ISAÍAS 25:8

jae ko mano, yandeYa omboaita jekuae avei pegua vae, jare oyoeta opaete vae jesaɨ, jare omboaita ɨvɨ iárambo güi, tëta imbae vae iñemomarai. YandeYa ko jei jökorai.

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 12:24

Añetete che jae peve, metei trigo jäɨgüe mbaetɨ oñeotɨ yave, opɨta jökoraiño. Ërei oñeotɨ yave, jeta oñemoña.

Romanos 14:9

Echa kuaerä Cristo omano jare oikove ye, oiko vaerä omanogüe reta ani oikove vae reta iYarä.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

1 Corintios 1:28

Tumpa oiparavo ko mbaeä etei vae reta jare oñereröɨro vae reta. Oiparavo ko jókuae mbaeä etei vae reta, omokañɨ vaerä jókuae jërakua vae reta;

1 Corintios 15:50

Cherɨvɨ reta ërei kuae jae peve: Yanderete ɨvɨ pegua ngaraa oike Tumpa iporookuaía pe. Jaeramiño vi mbae oikomegua vae ngaraa oike oikomeguambae oïa pe.

Gálatas 4:4

Ërei ara oväe ma oyembopo vaerä yave, Tumpa ombou Taɨ. Jae oa kuña güi, mborookuai iara pe,

Colosenses 2:15

jare omoamɨri mburuvicha reta ara pegua jare ɨvɨ pegua, jare opaete mbaepuere güɨnoi vae, jare omomichi reta opaete vae jovake kurusu re.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

2 Timoteo 1:10

Añave oikuaauka yandeve ipɨakavi, yandemboasa vae Jesucristo rupi. Echa jae omboai mano imbaepuere, jare ñee ikavi vae rupi oikuaauka yandeve kërai ñanoi tekove opambae vae.

Hebreos 10:10

Jökorai Jesucristo omee jete metei veseño jekuae avei pegua. Jókuae jemimbota rupi Tumpa ñaneñono tee iyeupeguarä.

Hebreos 10:5

Jáeramo Cristo ou yave kuae ɨvɨ pe, jei Tumpa pe körai: “Mɨmba oyeyukagüe jare mbota mbaetɨ reipota; reyapo chereterä.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 2:18

Echa aña guasu omomiari oyavɨuka vaerä tëi chupe vae, imbaepuere yae ko omborɨ vaerä jókuae oyavɨta tëi vae.

Hebreos 4:15

Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.

Hebreos 9:15

Jare jókuae jeko pegua jae oï ñanemoñoövaiti vaerä Tumpa ndive morogüɨrökuavee päve ipɨau vae rupi vae. Echa Cristo omano omboepɨ vaerä tenondegua morogüɨrökuavee päve pe mbaeyoa oyapo vae reta re. Jáeramo Tumpa oenɨi vae reta güɨnoita imbaerä güɨrökuavee chupe reta vae.

1 Pedro 1:20

Tumpa ombojee ñomai ndei ɨvɨ oyeapo mbove Cristo kuae ra, ërei kuae ara taɨkuegua reta pe ramo oyekuaa peraɨu jeko pegua.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.

Apocalipsis 20:2

Jare oipɨɨ jókuae mbaeporou guasu, mboi ñɨma vae, jae ko aña guasu Satanás. Jare oipokua mil año pegua.