Hebreos 2:10 - Biblia Guarani Tumpa Iñee

¹⁰ Tumpa opaete mbaembae iyapoa, jese oï opaete mbaembae vae pe ikavi jeta ɨvɨ pegua reta oyeapo vaerä taɨ retarä, jáeramo, omee oiporara vaerä Jesús jare oupitɨ oporomboasa vaerä.

Nuevo Testamento Guaraní Pe

¹⁰ Tumpa oyapo opaete, jare jae oñemboeteuca opaete oyapogüe vae pe. Jae oipota jeta ɨvɨ pegua reta oyeapo vaera taɨ retara jare oñemboeteuca vaera. Jae rambue icavi echa chupe Jesús oiporara vaera. Echa oiporara vae rupi Jesús oupitɨ oporomboasa vaera.

Hebreos 2:10 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

PROVERBIOS 16:4

Opaete mbaembae yandeYa oyapo, jökoraiño mai ou vaerä, iyoa vae ave oyapo, tembiporara iara peguarä.

ISAÍAS 43:21

ayapo ko kuae tëta chembaerä, omoërakua vaerä cheyemboetea.

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

OSEAS 8:10

Yepe tëi omee mbota reta ïru tëtaguasu reta rupi, ërei opata amboatɨ reta, opa vaerä amoai moai, jare oiporara retata michi pegua, mburuvicha guasu jare imborɨa reta ikovara yae jeko pegua.

MIQUEAS 2:13

Tape oipea vae, ojota jae reta jenonde; jare jae reta yogüɨrajata jaɨkue; jare oë retata tëta guasu jöke rupi. YandeYa, jae reta juvicha guasu ojota opaete vae jenonde.

NÚMEROS 7:15

jare metei toro taɨrusu vae, metei vecha kuimbae, metei vecha kuimbae taɨrusu vae metei año vae, mɨmba oyeyuka opaetei oyeapɨ vaerä vae;

San Lucas 13:32

Jayave Jesús jei chupe reta: —Pekua pere jókuae aguara pe, kërai ambosɨrɨta aña reta oya jese vae reta güi jare ambogüerata imbaerasɨ vae reta añave jare pɨareve. Jare kóeramo opata ma cheparavɨkɨ.

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

San Lucas 24:26

¿Mbaetɨ yera peikuaa Cristo oiporara tai ko opaete kuae mbaembae ndei oyemboeteuka mbove?

San Lucas 24:46

Jare jei chupe reta: —Körai oyekuatía oï, kërai Cristo oiporara ñotai ko jare oikove yeta ko omanogüe reta ipɨte güi mboapɨ araa pe,

San Juan 11:52

Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae.

San Juan 19:30

Jare Jesús jou ma yave vinagre, jei: —¡Opa ma ayapo! Jayave iñäkatindɨ jare omano.

Hechos 3:15

Jare peyukauka jókuae tekove Iya. Jae ko Tumpa omoingove ye omanogüe reta ipɨte güi vae. Jókuae ko ore roecha vae.

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Romanos 11:36

Echa opaete mbaembae ou yandeYa güi. Jae oyapo opaete mbaembae iyeupeguarä. YandeYa toyemboeteuka jekuae avei pegua. Amén.

Romanos 9:23

jae omoërakua vaerä iyemboetea tuicha yae vae, omboyekuaa iporoparareko rupi, jókuae omokätɨro ma iyɨpɨ güive chupe reta yemboetea peguarä vae;

1 Corintios 2:7

Ërei oremiari ko Tumpa iyarakuaa yaikuaa rapembae vae, arakuaa oñemi vae; kuae ko Tumpa ombosɨrɨ ndei ɨvɨ oyeapo mbove, yayemboeteuka vaerä.

1 Corintios 8:6

Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

2 Corintios 4:17

Echa kuae roiporara michi peguaño vae, güeru oreve yemboetea ikavi yae vae jare opambae vae.

2 Corintios 5:18

Tumpa ko oyapo opaete kuae. Jae yandembopɨakatu jae ndive Cristo rupi, jare omee yandeve ñamoërakua vaerä ïru vae reta pe yembopɨakatu regua;

2 Corintios 6:18

Jare che aikota peRurä, jare pe reta peikota cheraɨrä jare cherayɨrä. Jökorai jei yandeYa Imbaepuere yae vae.”

Gálatas 3:26

echa opaete pe reta Tumpa taɨ reta ko, perovia Cristo Jesús re vae rupi;

Efesios 2:7

Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.

Efesios 3:10

Tumpa iyarakuaa tuichagüe yae vae, oyekuaa vaerä oporogüɨrovia vae reta rupi, mburuvicha reta pe jare imbaepuere vae ara rupigua reta pe.

Colosenses 3:4

Cristo ko perekove. Cristo oyekuaa ye yave, pereta vi peyekuaata jae ndive mbaemboetea reve.

2 Timoteo 2:10

Jáeramo, aropɨa aaɨu ramo Tumpa oiparavo vae reta, jae reta vi güɨnoi vaerä yemboasa Cristo Jesús rupi, mbaemboete opambae.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 6:20

jókuae Jesús räri oike tenonde yandeve, jare Tumpa oyapo ma sacerdote tenondegua eterä jekuae avei pegua Melquisedec rami.

Hebreos 7:26

Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;

Hebreos 7:28

Echa kuimbae reta mborookuai rupi oyeparavouka sacerdote tenondegua eterä vae iyoa vae reta ko. Ërei añave Tumpa oiparavo jee re ae Taɨ oiko vaerä sacerdote tenondegua eterä mborookuai jaɨkue rupi, jae ko iyoambae jekuae avei pegua vae.

1 Pedro 1:12

Tumpa oechauka jókuae reta pe vae chupegua retaä ko, yandeveguarä ko, jae reta omombeu añave oñemoërakua oï peve ñee ikavi vae Espíritu Santo rupi ara güi ombou vae, jare araɨgua reta oipota yae tëi omae kuae mbaembae re.

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”

Apocalipsis 7:9

Kuae jaɨkue rupi amae jare aecha jeta yeyé vae opaete tëtaguasu reta güi, ñemuña reta, ñee ambuae mbuae, tëta reta yaipapa rapeä vae oyemboɨ ñogüɨnoi jókuae mburuvicha iguapɨa jare Vecha kuimbae taɨrusu vae jóvai. Jae reta jemimonde tïi jare ipo pe güɨnoi karandaɨ jogüe.