Hebreos 2:1 - Biblia Guarani Tumpa Iñee

¹ Jáeramo, ikavi ko ñaneräta ngatu yae vaerä yaendugüe re, agüɨye vaerä yapia chugüi.

Nuevo Testamento Guaraní Pe

¹ Jae rambue icavi co ñaneratangatu yae vaera yayeapɨsaca jese vae re, agüɨye vaera yapia chugüi.

Hebreos 2:1 ပူးပေါင်းရင်းမြစ်များ

1 CRÓNICAS 22:13

Opaete oë kavita ndeve reyapo yave mborookuai reta jeigüe yandeYa oyókuai Moisés Israel peguarä vae. ¡Eñemoäta ngatu agüɨye eyembopɨtu agüɨye ekɨɨye!

SALMOS 119:9

¿Kërai pa taɨrusu vae ipuere oitɨo jeko? ¡Oiko yave neñee jeigüe rupi!

PROVERBIOS 3:21

Cheraɨ, agüɨye kuaekuae embosɨrɨ ndeyeugüi, eñovatu mborookuai jare yemboarakuaa,

HABACUC 1:6

Caldeaɨgua reta pe ameeta oñeraro vaerä, jae ko ipɨa-pïrimbae yae vae reta, oïndaivi avei oguata vaerä opaete ɨvɨ rupi opɨ̈ro vaerä ɨvɨ ambuae vae.

HABACUC 2:16

Nde vi reñemomaraiukata, reguatata osavaɨpo vae rami reyemboeteuka vaerägüe; echa yandeYa oiporaraukata ndeve, jare ndeyemboete oyepoepɨta ñemomarai pe ndeve.

San Mateo 16:9

¿Ndeiño pa peikuaa kavi? ¿Mbaetɨ pa pemaenduaä jókuae pandepo mbɨyape cinco mil vae reta jou vae re. Jare jembɨregüe mbovɨ kanata pemotɨnɨe vae re?

San Marcos 8:18

Oime tëi peresa reta, ërei mbaetɨ peecha; oime tëi peapɨsa reta, ërei mbaetɨ peendu. ¿Mbaetɨ pa pemaendúa?

San Lucas 8:15

Ërei jókuae temitɨ oa ɨvɨ kavi pe vae oyembojaanga Tumpa iñee oendu vae re. Kuae reta oyeapɨsaka Tumpa iñee re ipɨa kavi jare sɨmbi rupi kavi, jare oyapo Tumpa iñee jei oyapo vaerä vae. Jáeramo jae reta temitɨ ia avei vae rami ko.

San Lucas 9:44

—Peyeapɨsaka kavi kuae jaeta peve vae re. Echa che Kuimbaerä ayeapo vae chemeeta cherovaicho reta ipo pe vae.

San Juan 8:59

Jayave judío reta oipɨɨ ita oyapi vaerä tëi Jesús. Ërei jae oñemi jare oë tupao güi; oasa jae reta ipäu rupi ojo.

DEUTERONOMIO 4:23

Peyeandu agüɨye vaerä peakañɨ yandeYa Tumpa morogüɨrökuavee päve oyapo pe ndive vae güi, agüɨye peyapo peyeupe oipotagüe mbae iä yandeYa Tumpa oyopia pegüi vae.

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

Hebreos 12:5

Jare peakañɨ ma Tumpa pemboarakuaa taɨ rami vae güi, jei reve: “Cheraɨ, agüɨye eröɨro ndeYa oiporarauka ndeve yave, agüɨye vi ndekuérai omboeta ndeve yave.

2 Pedro 1:15

Jekuaeño aipota ayemoambeko avei, amano güire pemaendúa avei vaerä opaete kuaekuae reta re.

2 Pedro 3:1

Cherɨvɨ aaɨu vae reta, mokoía ma ko aikuatía peve, mókoi reve pe pomboarakuaa peyemongeta kavi vaerä jese.