Hebreos 13:7 - Biblia Guarani Tumpa Iñee

⁷ Pemaendúa oyangareko peré vae reta omombeu Tumpa iñee peve vae re. Pemae kërai yogüɨreko vae re jare pemomoe jae reta iporogüɨrovia.

Nuevo Testamento Guaraní Pe

⁷ Peyeapɨsaca cavi petenondegua reta iñee re. Echa jae reta omombeu peve Tumpa iñee. Peporogüɨrovia jae reta oporogüɨrovia rami. Echa peicuaa quirai jae reta yogüɨreco omboeteuca vaera Tumpa.

Hebreos 13:7 ပူးပေါင်းရင်းမြစ်များ

CANTARES 1:8

Nde mbaetɨ reikuaa yave, nde, maepöra yae kuñatai reta ipɨte pe vae, emomoe mɨmba reta jaɨkuere; emongaru ndekavara raɨ reta, omaangareko vae reta jeyupa iyɨ́vɨri rupi.

San Mateo 24:45

Metei oyeokuai vae jeko kavi jare oyeandu katu reve vae pe iya oeya ipo pe omee vaerä ïru tembiokuai reta pe jembiurä iora pe kavi.

San Lucas 12:42

Jayave yandeYa jei: “Metei tembiokuai omaangareko vae jeko kavi vae jare oyeandu katu reve vae pe iya oeya ipo pe, omee vaerä ïru tembiokuai reta pe jembiurä iora pe kavi.

San Lucas 5:1

Jare metei ara Jesús oï ramboeve ɨupa guasu Genesaret jee vae jembeɨ pe, jeta vae yatɨ jese oyeapɨsaka vaerä Tumpa iñee re.

San Lucas 8:11

Kuae ko oipota jei ambojaanga reve chemiari vae: Temitɨ, oyembojaanga Tumpa iñee re.

Hechos 13:46

Jayave Pablo jare Bernabé imiari okɨɨyembae reve chupe reta. Jei reta: —Añete jaekavi ko romoërakua vaerä peve räri Tumpa iñee. Ërei peröɨro ma. Mbaetɨ ma peipota, jökorai peikuaauka oreve mbaetɨta penoi tekove opambae vae. Jáeramo añave romoërakuata judiombae vae reta pe.

Hechos 14:23

Jare oporogüɨrovia vae reta ñogüɨnoia ñavo Pablo jare Bernabé oiparavo oporogüɨrovia vae reta itenondeguarä. Jare oyekuaku tembíu güi reve oyerure reta, oeya yandeYa jae reta güɨrovia jese vae ipo pe.

Hechos 4:31

Jare opa oyerure yave, yatɨ ñogüɨnoia okana. Jare opaete jae reta tɨnɨe Espíritu Santo pe, jare imiari reta Tumpa iñee re okɨɨyembae reve.

Romanos 10:17

Echa, yaendu vae rupi ko, yaporogüɨrovia. Jare yaendu vae ko, Tumpa iñee.

1 Corintios 10:13

Echa mbaetɨ ko ou morojäa peve mbaetɨta peropɨa vae, ërei Tumpa jupi ko, ngaraa omaeño peñejäauka pepuere potambae peropɨa vae. Echa omeeta vi peve ñejäa ndive peropɨa vaerä.

1 Corintios 11:1

Peiko che aiko rami. Che Cristo oyapo vae ayapo rami.

1 Corintios 4:16

Jáeramo che pomoñera peiko vaerä che rami.

Filipenses 3:17

Cherɨvɨ reta, peiko che aiko rami. Jare pemae vi jókuae yogüɨreko ore roiko peróvai vae rami vae reta re.

1 Tesalonicenses 1:6

Jare pe reta pemboɨpɨ peiko, ore jare yandeYa oiko rami. Perovia romombeu peve vae peyerovia reve Espíritu Santo rupi, peiporara yae tëi reve.

1 Tesalonicenses 2:13

Jókuae re romee avei yasoropai Tumpa pe. Echa perovia Tumpa iñee romombeu peve vae yave, mbaetɨ pemboresive kuimbae iñee rami, pemboresive ko Tumpa iñee añetete vae. Jare kuae Tumpa iñee oparavɨkɨ pe peporogüɨrovia vae reta ipɨa pe.

2 Tesalonicenses 3:7

Pe reta etei peikuaa ikavi ko kërai peiko vaerä ore rami. Echa ore roiko pepɨte pe yave, mbaetɨ ko roikoiño,

2 Tesalonicenses 3:9

Körai royapo, yepe tëi jupi ko roiporu vaerä mbaembae peve. Ërei orekɨ̈reɨ roechauka peve, pe reta vi peiko vaerä ore rami.

1 Timoteo 3:5

(Echa mbaetɨ oikatu güɨroata jo pegua reta yave, ¿këraita pa oikatu güɨroata Tumpa re güɨrovia vae reta?)

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.

Hebreos 13:24

Tamaraeme toñogüɨnoi opaete peangarekoa reta jare opaete oporogüɨrovia vae reta. Italia pegua reta vi omondo peve tamaraeme.

Hebreos 6:12

agüɨye vaerä peakɨ, ërei peiko jókuae iporogüɨrovia rupi jare ipɨaguasu rupi omboresive ma Tumpa güɨrökuavee chupe vae reta rami.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.

Apocalipsis 6:9

Jare Vecha kuimbae taɨrusu vae oipea tembikuatía imboyaa pandepoa yave, aecha mɨmba oyeyukagüe oñemeea iyɨpɨ pe Tumpa iñee jeko pegua oyeyukauka vae reta jekove, jare omombeu Tumpa iñee ïru vae reta jeko pegua.