Hebreos 13:24 - Biblia Guarani Tumpa Iñee

²⁴ Tamaraeme toñogüɨnoi opaete peangarekoa reta jare opaete oporogüɨrovia vae reta. Italia pegua reta vi omondo peve tamaraeme.

Nuevo Testamento Guaraní Pe

²⁴ Tumpa ndiveño toi opaete petenondegua reta jare opaete iru Tumpa oñono tee iyeupeguara vae reta. Italia pegua reta vi jei peve Tumpa ndiveño pei.

Hebreos 13:24 ပူးပေါင်းရင်းမြစ်များ

Hechos 18:2

Jare oväe joko pe metei judío Aquila jee vae. Jae ko Ponto pegua. Kuae judío ou ramo oväe Italia güi jembireko Priscila ndive. Echa mburuvicha guasu Claudio jee vae oyókuai opaete judío reta ñogüɨnoe vaerä Roma güi. Jare Pablo ojo ípɨri.

Hechos 27:1

Jare mburuvicha reta oyemongeta ma oremondo vaerä ɨvɨ Italia pe yave, omee reta Pablo jare amogüe ïru tembipɨɨ reta cien sundaro vae juvicha Julio jee vae pe. Jae ko metei atɨ Augusto jee vae juvicha.

Hechos 9:13

Ërei Ananías jei: “CheYa, jeta vae omombeu cheve kuae kuimbae regua, kërai jeta ikavimbae vae oyapo Jerusalén pe nderé güɨrovia vae reta pe.

1 Corintios 16:16

Jáeramo pomoñera peiko vaerä jókuae nunga reta jeia re, jare opaete oporomborɨ jare oparavɨkɨ yandeYa pe vae reta pe.

2 Corintios 1:1

Che Pablo, Jesucristo jemimondo Tumpa jemimbota rupi. Yanderɨvɨ Timoteo ndive romondo kuae tupapire opaete peporogüɨrovia vae Corinto pe peï vae reta pe, jare opaete oporogüɨrovia vae Acaya rupi ñogüɨnoi vae reta pe.

2 Corintios 13:13

Opaete oporogüɨrovia vae reta omondo peve tamaraeme.

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

Filipenses 4:22

Jaeramiño vi opaete oporogüɨrovia vae reta omondo peve tamaraeme. César pe oyeokuai vae reta etei vi omondo peve tamaraeme.

Colosenses 1:2

roikuatía peve kuae tupapire cherɨvɨ reta Colosas pe peiko vae pe. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Filemón 1:5

echa jërakua cheve mboroaɨu jare mborogüɨrovia nde renoi yandeYa Jesús kotɨ jare opaete oporogüɨrovia vae reta kotɨ vae.

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.

Hebreos 13:7

Pemaendúa oyangareko peré vae reta omombeu Tumpa iñee peve vae re. Pemae kërai yogüɨreko vae re jare pemomoe jae reta iporogüɨrovia.