Hebreos 13:22 - Biblia Guarani Tumpa Iñee

²² Cherɨvɨ reta, pomoñera peropɨa vaerä kuae mbovɨ yemboarakuaa aikuatía peve vae.

Nuevo Testamento Guaraní Pe

²² Cherɨvɨ reta, che pomoñera pepɨaguasu vaera cuae che jae peve peyapo vaera vae re. Echa mbovɨño aicuatía peve cuae tupapire pe.

Hebreos 13:22 ပူးပေါင်းရင်းမြစ်များ

Hechos 13:15

Jare ïru vae reta opa omongeta mborookuai güi jare ñeemombeúa reta jembikuatía yave, tupao pegua reta itenondegua reta jei chupe reta: —Tëtara reta, oime penoi ñee yemboarakuaa pegua yave, pemiari.

2 Corintios 10:1

Che Pablo, pomoñera Cristo iñemomichi jare iporoaɨu rupi. Che aï pépɨri yave añemomichi, ërei mbaetɨ aï pépɨri yave chemiari peve aipoɨumbae reve.

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 6:11

Mase, tuicha ko kuae chepo pe etei aikuatía peve vae.

Efesios 3:3

Echa Tumpa oechauka cheve vae rupi oikuaauka yaikuaa rapembae vae, tenonde ma aikuatía peve rami.

Hebreos 12:5

Jare peakañɨ ma Tumpa pemboarakuaa taɨ rami vae güi, jei reve: “Cheraɨ, agüɨye eröɨro ndeYa oiporarauka ndeve yave, agüɨye vi ndekuérai omboeta ndeve yave.

Hebreos 13:19

Jare che pomoñera yae peyerure vaerä Tumpa pe, jae chemondo ye vaerä jarembaeño pépɨri.

Hebreos 2:1

Jáeramo, ikavi ko ñaneräta ngatu yae vaerä yaendugüe re, agüɨye vaerä yapia chugüi.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 4:1

Jáeramo yaipoɨu, echa güɨramoi amogüe pe reta ngaraa peupitɨ penoi vaerä jókuae mbutuu Tumpa omee vae pe.

Hebreos 4:11

Jáeramo, ñañemoäta ngatu yaike vaerä jókuae mbutuu pe, agüɨye vaerä oasa yande ndive jókuae iñeereendumbae vae reta rami.

1 Pedro 5:12

Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.