Hebreos 13:16 - Biblia Guarani Tumpa Iñee

¹⁶ Ërei agüɨye ñaneäteɨ yayapo vaerä ikavi vae jare yayomborɨ päve vaerä; echa kuae nunga ko omboyerovia Tumpa.

Nuevo Testamento Guaraní Pe

¹⁶ Erei agüɨye ñaneateɨ yayapo vaera icavi vae jare ñamee vaera mbaembae paravete vae reta pe. Echa cuae yayapo yave, ñamboyerovia Tumpa.

Hebreos 13:16 ပူးပေါင်းရင်းမြစ်များ

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

SALMOS 51:19

Jayave remboresive yeta mɨmba oyeyukagüe, mɨmba reta ani mbota temitɨ jäɨ opaetei oyeapɨ vae; jayave mɨmba oyeapɨ jese vae re oñemeeta toro taɨrusu vae.

San Lucas 18:22

Jesús kuae oendu yave, jei chupe: —Oimeño mbae oata ndeve. Emee opaete mbaembae renoi vae, jare jepɨgüe emee paravete vae reta pe, jayave renoita mbaembae ara pe. Javoi eyu cherupíe.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

Romanos 12:13

Oporogüɨrovia vae oata mbae re vae pemborɨ. Pemboresive kavi mboupa.

Gálatas 6:10

Jáeramo yandepuere yave, yayapo ikavi vae opaete vae pe, ërei yambotenonde oporogüɨrovia vae reta.

Gálatas 6:6

Tumpa iñee re oyemboe vae, tomee mbaembae güɨnoi vae güi imboea pe.

Efesios 4:28

Omaeñomise vae agüɨye ye mo tomaeñomi, toparavɨkɨ iyeupe, toyapo ipo pe mbae ikavi vae, ipuere vaerä omborɨ iporiau vae.

Filipenses 4:14

Ërei, peyapo ma ikavi vae cheve, chemborɨ ma aiporara aï yave.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

1 Tesalonicenses 5:15

Peyeandu, agüɨye ikavimbae vae oyapo peve vae pe, pemboekovia ikavimbae pe. Ërei peiko kavi avei oyoupi, jare opaete vae ndive.

2 Tesalonicenses 3:13

Ërei pe cherɨvɨ reta, agüɨye pekuérai peyapo ikavi vae.

1 Timoteo 6:18

Jare eyókuai vi toyapo ikavi vae, toikokatu mbaembae ikavi oyapo vae pe, tikɨ̈reɨ ngatu omee vaerä güɨnoigüe jare tipɨakavi reta,

Filemón 1:6

Ayerure vi nde remoërakua ndeporogüɨrovia vae, reikuaa kavi vaerä opaete mbae ikavi vae Cristo Jesús rupi ñanoi vae.

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

3 Juan 1:11

Cherɨvɨ aaɨu vae, agüɨye emomoe ikavimbae vae, emomoe ikavi vaeño. Ikavi vae oyapo vae Tumpa taɨ ko. Ërei ikavimbae vae oyapo vae mbaetɨ ko oikuaa Tumpa.