Hebreos 12:6 - Biblia Guarani Tumpa Iñee

⁶ Echa ndeYa, oaɨu vae ombosɨmbi ko; oinupa vi taɨrä oyapo vae.”

Hebreos 12:6 ပူးပေါင်းရင်းမြစ်များ

2 SAMUEL 7:14

Che aïta turä jare jae oïta cheraɨrä. Jare ombaeyavɨ yave, che ainupata, metei kuimbae taɨ oinupa rami,

SALMOS 119:71

Ikavi yae cheve añemomichiuka vae, aikuaa vaerä ndeporookuai reta.

SALMOS 119:75

CheYa Tumpa, aikuaa ndeporookuai jupi ko, jupi ko reiporarauka cheve yave.

SALMOS 94:12

CheYa Tumpa, toyekou jókuae kuimbae, nde rembosɨmbi vae, jare ndeporookuai reta re remboe vae,

PROVERBIOS 13:24

Taɨ oinupambae jeko re vae, omotareɨ ko; ërei taɨ oaɨu vae, ndei güive voi ma ombosɨmbi.

PROVERBIOS 3:11

Cheraɨ, agüɨye eröɨro yandeYa oiporarauka ndeve yave, agüɨye ave tandembogüérai iporombosɨ mbi.

PROVERBIOS 3:12

Echa yandeYa, oaɨu vae pe oiporarauka ko; kuimbae, oinupa taɨ oaɨu güi rami.

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

JEREMÍAS 10:24

Eiporarauka oreve oreYa Tumpa, reikuaa rupi kavi, agüɨye opaetei ndearasɨ eiporu oreré, echa oremokañɨteita ko.

LAMENTACIONES 3:39

¿Maera pa kuimbae iñeengeta yeño iyoa reve oikove tëi oï reve?

DEUTERONOMIO 8:5

Jaeramiño vi pereko avei pepɨa pe, kërai kuimbae oinupa taɨ ombosɨmbi vae rami, jökorai ko yandeYa Tumpa penupa vi pembosɨmbi.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 5:11

Añete ko, yandeve oyerovia ko jókuae oiporara vae reta. Peikuaa kërai Job ipɨaguasu yae vae regua, jare yandeYa kërai iporerekua jese taɨkue rupi vae. Echa yandeYa iporoaɨu jare iporoparareko yae.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.

RUT 1:3

Jare omano Elimelec, Noemí ime, jare opɨta mókoi imembɨraɨe reta ndive.