Hebreos 12:3 - Biblia Guarani Tumpa Iñee

³ Peyemongeta Jesús re, kërai iyoa vae reta ikavimbae vae jei yave ikotɨ, oiporara yae, agüɨye vaerä pepɨtu pegüɨapi regua.

Nuevo Testamento Guaraní Pe

³ Peñemongueta Jesús re, quirai iyoa vae reta icavi mbae vae jei yave icotɨ, jae omoaguata. Echa peñemongueta yave jese, ngaraa pecuérai jare ngaraa pepɨtu pepɨa pe.

Hebreos 12:3 ပူးပေါင်းရင်းမြစ်များ

PROVERBIOS 24:10

Mbaemboavai iara pe reyemboakɨ yave, ngaraa ko ndepuere.

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

San Mateo 11:19

Che Kuimbaerä ayeapo vae ayu, jare che akaru jare jau vino. Jare jei reta chekotɨ körai: ‘Mase, jae ikaru yae jare jou vino. Jae ko mburuvicha peguarä okovara vae reta jare ikavimbae iyapoa reta ivɨa-ïru.’ Ërei Tumpa iyarakuaa oyekuaa opaete oyeapogüe rupi.”

San Mateo 12:24

Ërei fariseo reta kuae oendu yave, jei reta: “Aña guasu Beelzebú imbaepuere rupi ko ombosɨrɨ aña reta oya jese vae reta güi.”

San Mateo 15:2

—¿Maera pa nderemimboe reta omboeteä ñaneñemuñagüe reta jeko? Echa okaru reta oyepoembae reve.

San Mateo 21:23

Jesús ou oväe yave tupao pe, sacerdote reta itenondegua reta jare tëta guasu pegua reta itenondegua reta yogüeru jae oïa pe oporomboe oï yave, jare oparandu reta chupe: —¿Mbae nunga mbaepuere ndive pa kuae mbaembae reyapo? ¿Kia pa omee ndeve kuae mbaepuere?

San Mateo 21:46

Jare jae reta oipota tëi oipɨɨ Jesús. Ërei ipuereä. Echa okɨɨye reta jeta vae reta güi, güɨrovia reta ramo Jesús jae ko ñeemombeúa.

San Mateo 22:15

Jayave fariseo reta oyomboatɨ, jare oyomboemboe kërai oyavɨuka vaerä Jesús pe, iñee rupi aeño.

San Lucas 14:1

Jare metei ara Jesús ojo oike metei fariseo reta itenondegua jo pe okaru vaerä jae ndive, ara mbutuu pe. Jare fariseo reta oipïaro ñogüɨnoi Jesús.

San Lucas 15:2

Jayave fariseo reta jare mborookuai re oporomboe vae reta iñeenguru jese, jei reta: —Kuae kuimbae oñemoïru jeko kavimbae vae reta ndive, jare okaru jae reta ndive.

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

San Lucas 2:34

Jare Simeón jei ñee kavi jese reta. Jayave jei ichɨ María pe: —Mase, kuae nemembɨ oïta jeta Israel pegua reta ogüɨapi vaerä jare opüa vaerä. Jare jeta vae reta güɨröɨrota.

San Lucas 5:21

Jayave mborookuai re oporomboe vae reta jare fariseo reta ipɨa pe oyemongeta körai: “¿Kia pa ko jei vaerä ikavimbae yae vae Tumpa kotɨ? Tumpaño ko ipuere iñɨ̈ro mbaeyoa reta re.”

San Juan 10:20

Jeta chugüi reta jei: —Aña oya jese. Imbokere ma. ¿Maera pa peyeapɨsaka jese?

San Juan 18:22

Kuae jei yave Jesús, metei judío reta itenondegua reta jembiokuai joko pe oï vae oovapete Jesús jei reve: —¿Maera pa jökorai rere sacerdote tenondegua ete pe?

San Juan 5:16

Kuae jeko pegua judío reta oipota oyapo ikavimbae vae Jesús pe. Oipota vi oyuka. Echa jae oyapo amogüe kuae nunga mɨakañɨ reta ara mbutuu pe.

San Juan 7:12

Jare joko pe ñogüɨnoi vae reta oyoaka oyoupii Jesús re. Amogüe vae reta jei: “Kuimbae jeko kavi vae ko jae.” Ërei ïru vae reta jei: “Mbaetɨ ko. Oporombotavɨ vae ko.”

San Juan 8:13

Jayave fariseo reta jei Jesús pe: —Nde nemiari ndeyé aeño. Neñee añeteä ko.

San Juan 8:52

Jayave judío reta jei Jesús pe: —Añave roikuaa kavi ma aña ko oya nderé vae. Abraham jare ñeemombeúa reta opa omano. Ërei nde rere: “Che jae vae oyapo vae ngaraa omano.”

San Juan 8:59

Jayave judío reta oipɨɨ ita oyapi vaerä tëi Jesús. Ërei jae oñemi jare oë tupao güi; oasa jae reta ipäu rupi ojo.

San Juan 9:40

Amogüe fariseo reta joko pe ñogüɨnoi jae ndive vae oendu kuae yave, oparandu reta chupe: —¿Ore vi pa ko jae jesambae vae reta?

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

2 Corintios 4:1

Jáeramo mbaetɨ orepɨtu. Echa Tumpa iporoparareko rupi omee oreve royeokuai vaerä chupe.

2 Corintios 4:16

Jáeramo mbaetɨ orepɨtu, yepe tëi orerete opa ojo oiko, ërei oreɨvɨte pe oyembopɨau avei.

Gálatas 6:9

Jare agüɨye yandekuérai yayapo ikavi vae; echa mbaetɨ yandepɨtu yave, yaarɨvota iara pe.

DEUTERONOMIO 20:3

körai: ‘Peyeapɨsaka Israel iñemuña reta, jaema peñorarota perovaicho reta ndive. Agüɨye peyembopɨtu, agüɨye pekɨɨye, agüɨye vi perɨrɨi ani perembiurai,

2 Tesalonicenses 3:13

Ërei pe cherɨvɨ reta, agüɨye pekuérai peyapo ikavi vae.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 12:5

Jare peakañɨ ma Tumpa pemboarakuaa taɨ rami vae güi, jei reve: “Cheraɨ, agüɨye eröɨro ndeYa oiporarauka ndeve yave, agüɨye vi ndekuérai omboeta ndeve yave.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

1 Pedro 2:23

Yepe tëi ïru vae reta jei ikavimbae vae ikotɨ, ërei jae mbaetɨ omboyevɨ ñee ikavimbae vae ikotɨ reta. Oiporara oï yave, mbaetɨ jei oiporaraukata ko chupe reta vae. Jaeño oñono Tumpa oporojäa jupi rupi vae ipo pe.

Apocalipsis 2:3

reiporara, ndepɨaguasu, täta reparavɨkɨ cheraɨu ramo, jare mbaetɨ ndepɨtu.

1 SAMUEL 12:24

Jaeño peipoɨu yandeYa güi, peyeokuai kavi chupe añete rupi opaete pepɨa ndive, pemaendúa jeta mɨakañɨ tuicha vae oyapo peve vae re.