Hebreos 12:16 - Biblia Guarani Tumpa Iñee

¹⁶ jare peyeandu agüɨye vaerä oï pepɨte pe aguasa oyapo vae, jare agüɨye vaerä oï pepɨte pe omboeteä oñeñono tee Tumpa peguarä vae, Esaú rami. Echa Esaú omee tembíu re membɨrɨpɨ yekou.

Nuevo Testamento Guaraní Pe

¹⁶ Jare peñeandu, agüɨye vaera oi pepɨte pe aguasa oyapo vae, jare agüɨye vaera oi quia mbaeti omboete Tumpa vae. Esaú co jae mbaeti omboete Tumpa vae. Echa Esaú omee tɨvɨ pe tembíu re Tumpa omeeta tei Esaú pe vae. Echa Tumpa omeeta tei co chupe, Esaú co jae Isaac taɨ tenondegua rambue.

Hebreos 12:16 ပူးပေါင်းရင်းမြစ်များ

GÉNESIS 27:36

Esaú jei: —¡Jaekavi pembojee Jacob! Echa mókoi ma opɨ̈ro chegüi, tenonde yave membɨrɨpɨyekou jare añave ñee kavi. Jei ye chupe: —¿Mbaetɨ pa reñovatu kërai yepe ñee kavi cheve?

San Marcos 7:21

Echa pepɨa güi oë opaete peyemongeta ikavimbae, peyuvanga menda re vae, aguasa reta, peporoyuka vae,

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

Hechos 15:29

Agüɨye peu soo tumpa-raanga reta pe oñererökuaveegüe, jare mɨmba oyeyuvɨgüe isoo jare mbaerugüɨ. Agüɨye peyapo aguasa. Kuae roe peve vae peyapo yave, jaekavi ko. Tumpa ndiveño.”

1 Corintios 10:8

Agüɨye vi yayapo aguasa, amogüe jae reta oyapo rami. Echa jökorai oyapo ramo, omano veintitré mil jókuae ara.

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

Efesios 5:3

Ërei agüɨye etei peyapo aguasa jare opaete teko pɨ̈chɨi, ani peipotarai mbae ambuae. Echa pe reta Tumpa peñono tee vae mbaetɨ jaekavi peyapo vaerä kuae;

Efesios 5:5

Echa pe reta peikuaa ko metei ave aguasa oyapo vae, ani ikɨa Tumpa jóvai vae, ani imbae potarai vae (kuae ko itumpa-raanga pota vae reta) ngaraa yogüɨreko Cristo jare Tumpa iporookuaía pe.

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

1 Timoteo 1:9

Echa yaikuaa mborookuai oyeapoä ko mbaepuere güɨnoi vaerä jupi vae reta re, jaeño oyeapo mborookuai oyavɨ vae reta re, jare iñeereendumbae reta peguarä, jupimbae reta jare iyoa vae reta peguarä, Tumpa omboetembae reta peguarä, tu oyuka jare ichɨ oyuka vae reta peguarä jare oporoyuka vae reta peguarä,

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.