Hebreos 11:6 - Biblia Guarani Tumpa Iñee

⁶ Ërei mbaetɨ ñanoi mborogüɨrovia Tumpa re yave, ngaraai yamboyerovia. Echa yarovia Tumpa yave, yaroviata oime ko jae jare omboekovia ko oeka vae reta pe.

Nuevo Testamento Guaraní Pe

⁶ Erei mbaeti yave yarovia Tumpa, mbaeti ñandepuere ñamboyerovia. Echa mbaeti yave yarovia oime co metei Tumpa, mbaeti ñandepuere yaya jese. Jae ramiño vi mbaeti yave yarovia Tumpa oyecuaata co ñandeve jecuaeño yaeca yave, mbaeti ñandepuere yaya jese.

Hebreos 11:6 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

JOB 21:14

Jei reta Tumpa pe: “¡Esɨrɨ katu oregüi mbaetɨ roipota roikuaa ndeporookuai!

SALMOS 106:24

Jaɨkue rupi güɨröɨro reta ɨvɨ kavi, mbaetɨ güɨrovia reta Tumpa iñee re;

SALMOS 119:10

Opaete chepɨa ndive roeka, agüɨye emaeño tapia ndeporookuai reta güi.

SALMOS 58:11

Jayave jeita: ¡Añetete oime yepe mbae ikavi yae vae, jupi rupi oiko vae peguarä! ¡Añetete oime yepe Tumpa ɨvɨ pegua reta ojäa vae!

SALMOS 73:28

Ërei cheve ikavi yae vae ko, köiño aï ndegüi vae, cheYa Tumpa, ndereño anoi cheporoäro, amoërakua vaerä opaete nde reyapogüe.

SALMOS 78:22

Mbaetɨ ramo güɨrovia reta Tumpa re, mbaetɨ vi oyeko reta iporogüɨroasayepe re ave.

SALMOS 78:32

Ërei jeseve, jekuaeñoi iyoa reta ye; mbaetɨ güɨrovia reta Tumpa mɨakañɨ reta oyapogüe re.

PROVERBIOS 11:18

Iyoa vae iparavɨkɨ jepɨ jaangaño ko, ërei jupi kavi rupi oyapo mbaravɨkɨ vae, oyekouta.

PROVERBIOS 8:17

Che aɨu cheraɨu vae reta, jare chereeka voi vae reta cheväe.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

ISAÍAS 7:9

Tëta Samaria, jae ko kuae tëta güi mburuvicha reta oporookuai vae, tëtaguasu Efraín re, jare Remalías taɨ ko oï mburuvicha guasurä tëta Samaria pe. Pe reta mbaetɨ peporogüɨrovia avei yave, mbaetɨta vi peiko jekuae avei.’ ”

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

NÚMEROS 14:11

jare yandeYa jei Moisés pe: —¿Kërai yave regua pa kuae reta jekuaeñota chereröɨro? ¿Opaete mɨakañɨ reta ayapo ipɨte pe vae reve jekuaeñota pa mbaetɨ chererovia?

NÚMEROS 20:12

Jare yandeYa jei Moisés jare Aarón pe: —Mbaetɨ ramo perovia cheré, mbaetɨ chemboete Israel iñemuña reta jóvai, jáeramo, mbaetɨta pe reta peroike kuae tëta ɨvɨ che amee chupe retaa pe.

San Mateo 11:26

Ikavi ko cheRu. Echa jökorai ko jaekavi ndeve.”

San Mateo 5:12

Peyerovia yae, echa Tumpa güɨnoi ara pe mbae ikavigüe yae pembaerä. Echa jökorai ko oiporarauka ñeemombeúa reta tenonde rupi ma yogüɨreko pegüi vae pe.

San Mateo 6:16

Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

San Mateo 6:5

Reyerure Tumpa pe yave, agüɨye eyerure jova mókoi vae reta oyapo rami, echa omomora oyemboɨ reta oyerure judío reta itupao pe jare kaye reta iekina pe. Oipota kia reta oecha vaeräño. Añete che jae peve, jókuae rupi jepɨ ma ko chupe reta.

San Marcos 16:17

Jare güɨrovia vae reta cheree re ombosɨrɨta aña reta oya jese vae reta güi. Jare imiari retata ïru ñee pe.

San Lucas 12:31

Ërei peeka Tumpa iporookuaía, jökorai yave Tumpa omeeta peve opaete kuae mbaembae.

San Lucas 6:35

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 8:24

Jáeramo jae peve pemanota peyoa pe. Echa mbaetɨ perovia chere CHE KO vae yave, pemanota ko peyoa pe.

Romanos 10:14

Ërei ¿këraita pa oyerure yandeYa pe, mbaetɨ yave güɨrovia jese?, jare ¿këraita pa güɨrovia, mbaetɨ yave oendu jesegua?, jare ¿këraita pa oendu, mbaetɨ yave kia omombeu chupe?

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Hebreos 11:26

chupeguarä ikavi yae ko oiporara vaerä Cristo oiporara rami, Egiptoɨgua reta imbaeyekou güi; echa omae avei Tumpa omeeta chupe mbota vae re.

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

Hebreos 4:2

Echa yandeve vi oñemoërakua ñee ikavi vae chupe reta oñemoërakua rami; ërei jókuae ñee ikavi vae mbaetɨ oyapo mbae chupe reta, echa mbaetɨ güɨrovia reta jókuae oendugüe.

Hebreos 4:6

Yaikuaa ko mbaetɨño oike mbutuu pe vae, echa tenonde voi ma omoërakua ñee ikavi vae chupe vae reta mbaetɨ oike reta iñeereendúä jeko pegua.

Hebreos 7:19

(Echa mborookuai mbaetɨ oporombojupi), ërei jendagüe pe ou yandeve ikavi yae vae, jókuae rupi yandepuere yaya Tumpa re.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

2 Pedro 1:10

Jáeramo cherɨvɨ reta, jeieteño peñemomɨ̈rata Tumpa pereenɨi jare peparavo vae re, echa jökorai peyapo yave, ngaraa etei pegüɨapi.

2 Pedro 1:5

Jáeramo, peñemoäta ngatu, pemomɨ̈rata peporogüɨrovia pereko kavi pe; pereko kavi pemomɨ̈rata arakuaa katu pe;

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

RUT 2:12

¡YandeYa tomboekovia ndeve opaete nderembiapo rupi! ¡Jare tandeangareko yandeYa Tumpa Israel pegua, kërai reyu reñepɨ̈ro jese vae!