Hebreos 11:40 - Biblia Guarani Tumpa Iñee

⁴⁰ Echa Tumpa omokätɨro yandeve mbae ikavi yae vae, agüɨye vaerä jae reta räri oyembojupiuka yandegüi.

Nuevo Testamento Guaraní Pe

⁴⁰ Echa Tumpa oicuaa ñande ñanoita co mbae icavi yae omeeta chupe reta vae güi vae, agüɨye vaera jae reta oñemboasauca ete ndei ñande ñañemboasauca ete mbove.

Hebreos 11:40 ပူးပေါင်းရင်းမြစ်များ

Hebreos 11:16

Ërei oipota reta tëta ikavi yae vae jókuae güi. Oipota reta tëtaguasu ara pegua. Jáeramo Tumpa mbaetɨ oñerenoi oiko vaerä jae reta iTumparä, echa omokätɨro chupe reta metei tëtaguasu.

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

Hebreos 7:19

(Echa mborookuai mbaetɨ oporombojupi), ërei jendagüe pe ou yandeve ikavi yae vae, jókuae rupi yandepuere yaya Tumpa re.

Hebreos 7:22

Jáeramo, Jesús ko jae morogüɨrökuavee ikavi yae vae imoañetea.

Hebreos 8:6

Ërei mbaravɨkɨ Tumpa omee Jesús pe vae ikavi yae mbaravɨkɨ jókuae ïru sacerdote reta oyapo vae güi. Echa jae ko morogüɨrökuavee ikavigüe rupi ñanemoñoövaiti Tumpa ndive vae.

Hebreos 9:23

Jare opaete kuae reta ara pegua re oyembojaanga vae ikavi oyetɨo vaerä Tumpa kotɨ jökorai. Ërei mbaembae ara pegua oyetɨo tugüɨ ikavi yae ete vae pe, jókuae reta güi.

Apocalipsis 6:11

Jare temimonde tïi vae oñemee metei ñavo pe, jare oñemee chupe reta oputuu reta vaerä michi pegua, echa oyeyukaukata vi räri Tumpa pe oyeokuai jae reta rami vae, oupitɨ regua tembipapa.