Hebreos 11:34 - Biblia Guarani Tumpa Iñee

³⁴ ombogüe reta tata yavaetegüe, oasayepe reta kɨsepuku güi, oñemomɨ̈rata reta ipɨtu pɨte pe, imbaepuere yae reta ñeraro pe, opa ombotekuarai tovaicho ketɨgua reta.

Nuevo Testamento Guaraní Pe

³⁴ Jae reta ombogüe tata tuicha vae reta. Amogüe vae jovaicho reta oipota tei oyuca quɨsepucu pe, erei mbaeti ipuere. Ipɨtu reta yave, Tumpa omee chupe reta mbaepuere. Jatangatu yae reta oñoraro vaera jare ombotecuarai sundaro reta ambué ɨvɨ reta güi yogüeru oñoraro vaera jae reta ndive vae.

Hebreos 11:34 ပူးပေါင်းရင်းမြစ်များ

1 REYES 19:1

Acab omombeu Jezabel pe opaete Elías oyapogüe, jare kërai opa oyuka kɨse pe Baal regua omoërakua vae reta vae.

1 REYES 19:3

Jare Elías oecha mbaetɨta ikavi ramo, opüa jare ojo, güɨroasayepe vaerä jekove, jare ou tëta Beerseba pe ɨvɨ Judá pe, jare joko pe oeya jembiokuai.

2 REYES 6:1

Ñeemombeúa reta jei Eliseo pe: —Mase, nde ndive yaikoa, michi yae ko yandeve.

2 REYES 6:32

Eliseo oguapɨ oï jo pe tenondegua reta ndive. Jare mburuvicha guasu omondo Eliseo kotɨ metei kuimbae. Ërei ndei jókuae mburuvicha guasu omondo vae oväe mbove, Eliseo jei tenondegua reta pe: —Pemae kuae oporoyuka vae ombou oyasɨauka cheäka. Ërei peyeapɨsaka peï, jókuae mburuvicha guasu ombou vae ou oväe yave peyokenda öke, agüɨye pemaeño toike, echa oime juvicha ou jaɨkue.

JOB 42:10

Jare yandeYa güɨnoe Job mbɨatɨtɨ güi, jae oyerure güire ivɨa-ïru reta re; jare omoïru chupe mókoi yoarambo ye opaete imbaembae reta tenonde yave güɨrekose vae güi.

JOB 5:20

Karuai pe ndereroasayepeta mano güi, ñeraro pe ndereroasayepeta mano güi.

SALMOS 124:7

Yanderekove güɨroasayepe iñuai güi, güɨra ojo yepe omaepïaro vae reta iñuai güi rami; ñuai oso jare yande yaasayepe.

SALMOS 144:10

Nde ko remee mburuvicha guasu reta oporomoamɨri vaerä, reepɨ ko nderembiokuai David, kɨsepuku ikavimbae vae güi.

SALMOS 6:8

¡Pesɨrɨ chegüi ikavimbae iyapoa reta, echa cheYa oendu cheve cheräse!

SALMOS 66:12

Remaeño oipotagüe kuimbae reta opɨ̈ro oreaseo re; roasa tata rupi jare ɨ rupi rami, ërei taɨkue ete rupi remee roikove.

ÉXODO 18:4

jare ïru jee Eliezer, echa jei: “Cheru iTumpa chemborɨ, jare chereroasayepe Faraón ikɨsepuku güi.”

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

JEREMÍAS 26:24

Ërei Ahicam, Safán taɨ, omoë iñee oepɨ vaerä Jeremías, jare kuae jei vae rupi mbaetɨ omboeterenga reta Jeremías opaete vae reta ipo pe, oyuka reta vaerä.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

1 Pedro 4:12

Cherɨvɨ aaɨu vae reta, agüɨye pepɨakañɨ peiporara yae peï vae re, echa jökorai ñotai ko yandeve.

JUECES 15:8

Jare oporepeña jese reta iyarasɨ yae reve opa regua ikägüe oakɨo kɨo oyuka. Jare ojo oiko ɨvɨkua oï ɨ̈vavira Etam pe vae pe.

1 SAMUEL 18:11

Jayave jae oyapi pɨpe, oipota tëi oikutu David ovapetea re, ërei David ombóguai chugüi mókoi ye.

1 SAMUEL 19:10

Saúl oipota tëi oikutu David mii pe ovapetea re, ërei David ombóguai jare mii oyeatɨka ovapetea rei. Jókuae pɨ̈tu David otekuarai jare ojo.

1 SAMUEL 20:1

David otekuarai Naiot güi Ramá güi, jare ojo Jonatán oïa pe jare jei chupe: —¿Mbae pa ayapo? ¿Mbae pa chereko? ¿Mbae nunga mbaeyoa pa ayapo nderu kotɨ chereeka vaerä cheyuka?