Hebreos 11:26 - Biblia Guarani Tumpa Iñee

²⁶ chupeguarä ikavi yae ko oiporara vaerä Cristo oiporara rami, Egiptoɨgua reta imbaeyekou güi; echa omae avei Tumpa omeeta chupe mbota vae re.

Nuevo Testamento Guaraní Pe

²⁶ Echa Moisés güɨrovia icavi yae chupe oñereroɨrouca vaera Cristo jeco pegua opaete corepoti Egipto pe oi vae güɨnoi vaera güi. Echa oicuaa icavi yae co Tumpa omeeta chupe vae opaete corepoti Egipto pe oi vae güi.

Hebreos 11:26 ပူးပေါင်းရင်းမြစ်များ

SALMOS 37:16

Jupi vae mbovɨ mbae güɨnoi vae ikavi ko, iyoa vae reta jeta mbaeyekou güɨnoi vae güi.

SALMOS 69:20

Cheyóyai yóyai yae reta vae chembopɨtu yae jare chembopɨatɨtɨ yae. Aäro kia cheparareko vaerä, ërei mbaetɨ; jare oporombopɨakatu vae ave mbaetɨ aväe.

SALMOS 69:7

Echa roaɨu ramo aiporara ñemotareɨ; aiporara ñemomarai.

PROVERBIOS 11:18

Iyoa vae iparavɨkɨ jepɨ jaangaño ko, ërei jupi kavi rupi oyapo mbaravɨkɨ vae, oyekouta.

PROVERBIOS 23:18

jökorai yave reiko kavita mbaembae reä ro vae ngaraai oyemboai ndegüi.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

San Mateo 10:41

Kia omboresive kavi yave metei ñeemombeúa, ñeemombeúa jeko pegua, ñeemombeúa pe oñemee mbota vae, omboresiveta. Jare kia omboresive kavi yave jupi vae, jupi jeko pegua, jupi vae pe oñemee mbota vae omboresiveta.

San Mateo 5:12

Peyerovia yae, echa Tumpa güɨnoi ara pe mbae ikavigüe yae pembaerä. Echa jökorai ko oiporarauka ñeemombeúa reta tenonde rupi ma yogüɨreko pegüi vae pe.

San Mateo 6:1

Peipota peyapo ikavi vae Tumpa pemboete vaerä yave, agüɨye peyapo opaete vae jovake jae reta oecha vaeräño. Echa peyapo yave opaete vae jovakeño, peRu ara pe oï vae, ngaraa mbae omee peve jókuae jupi vae peyapogüe re.

San Lucas 14:14

Jökorai yave, reyerovia katuta. Echa jae reta ngaraa ipuere omboekovia ndeve. Ërei jekoviata ndeve jupi vae reta oikove ye yave.

San Lucas 14:33

Jökorai vi, oime yave kia pepɨte pe opaete imbaembae mbaetɨ oeya vae, ngaraa ipuere oiko cheremimboerä.

Hechos 5:41

Jayave temimondo reta ñogüɨnoe mburuvicha judío reta ñogüɨnoi vae güi oyerovia yae reve, Tumpa omee oiporara reta vaerä Jesús jee re ramo.

2 Corintios 12:10

Jáeramo, ayerovia chepɨ̈ratambae re, yekura rupi, mbae oata vae rupi, tembiporara rupi, mbɨatɨtɨ rupi; echa ayandu mbaetɨ chepɨ̈rata yave ko, chemomɨ̈rata yae.

2 Corintios 6:10

Orepɨatɨtɨ, ërei jekuaeño royerovia; oreparavete, ërei jeta ïru vae reta romboyekou; mbaetɨ etei mbae rogüɨnoi, ërei rogüɨnoi opaete mbae.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Filipenses 3:7

Opaete kuaekuae tuichagüe yae yepi cheve, ërei añave mbaetɨ etei mbae cheve Cristo aaɨu jeko pegua.

Hebreos 10:33

ïru vae reta pereröɨro, echa jei reta ikavimbae vae peve jare oyapo reta ikavimbae vae peve, opaete vae reta jovake. Jaeramiño vi peñemoïru pekɨ̈reɨ ngatu reve pe rami oiporara vae reta ndive.

Hebreos 10:35

Jáeramo peyeko avei Tumpa re, echa jókuae tuicha rupi jekoviata peve;

Hebreos 11:6

Ërei mbaetɨ ñanoi mborogüɨrovia Tumpa re yave, ngaraai yamboyerovia. Echa yarovia Tumpa yave, yaroviata oime ko jae jare omboekovia ko oeka vae reta pe.

Hebreos 13:13

Jáeramo yaja ikotɨ tëta guasu güi ikatu pe, yaiporara vi ñereröɨro Jesús rami,

Hebreos 2:2

Echa Tumpa jei Israel pegua reta pe araɨgua reta rupi vae mbaetɨ oyepoepɨ, jare opaete jókuae iñeereendumbae jare oyapombae oiporara,

1 Pedro 1:11

oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae.

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.

Apocalipsis 2:9

‘Che aikuaa opaete reyapogüe reta, jare kërai reiporara jare ndeparavete vae (ërei reikokatu ko); aikuaa vi kërai jókuae judío jei iyeupe vae reta jei ñee ikavimbae vae ndekotɨ vae, ërei jae reta ko oyeapo Satanás imbae reta.

Apocalipsis 3:18

Jáeramo, romboarakuaa regua vaerä chegüi oro ikɨambae tata pe oyetɨo vae, reikokatu vaerä, jare temimonde tïi vae remonde vaerä, agüɨye vaerä nenandi oyekuaa. Romboarakuaa vi reñono vaerä moa peresa pe, reecha vaerä.

RUT 2:12

¡YandeYa tomboekovia ndeve opaete nderembiapo rupi! ¡Jare tandeangareko yandeYa Tumpa Israel pegua, kërai reyu reñepɨ̈ro jese vae!