Hebreos 11:23 - Biblia Guarani Tumpa Iñee

²³ Iporogüɨrovia rupi Moisés oa yave tu reta oñomi güɨreko mboapɨ yasɨ rupi, echa oecha reta michia Moisés maepöra yae ko, jare mbaetɨ okɨɨye reta mburuvicha guasu iporookuai güi.

Nuevo Testamento Guaraní Pe

²³ Moisés tu jare ichɨ güɨrovia Tumpa. Jae rambue Moisés ichɨ güi oa ma yave, tu jare ichɨ oñomi jo pe mboapɨ yasɨ. Echa oecha Moisés ipora yae co, jare mbaeti oquɨye mburuvicha guasu Egipto pegua iporoócuai güi.

Hebreos 11:23 ပူးပေါင်းရင်းမြစ်များ

SALMOS 118:6

YandeYa oï che ndive, ngaraa akɨɨye, kia oipota oyapo mbae cheve vae güi.

SALMOS 56:4

Ayeko nderé jare amboete neñee; ayeko nderé, ngaraa akɨɨye. ¿Kia pa ipuereta oyapo cheve mbae?

ÉXODO 1:16

—Pemborɨ hebrea reta imembɨ oa vaerä yave, pemae jese; kuimbae yave ¡peyuka!, ërei kuña yave pemaeño toikove.

ÉXODO 1:22

Jayave Faraón oyókuai opaete jëtaɨgua reta, körai: “Pemombo ɨ pe opaete michia raɨ kuimbae oa vae, ërei kuña ko yave pemaeño toikove.”

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

DANIEL 6:10

Daniel oikuaa mburuvicha guasu oikuatía ko jee mborookuai re yave, oike jo pe jare oipea iventana Jerusalén kotɨ omae oï vae jare oyetavatɨka oyerure mboapɨ ye ara pe omee reve yasoropai Tumpa pe, oyapoñoi oiko rami.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

Hechos 7:20

Jókuae ara reta pe etei oa Moisés. Tumpa ipɨakatu jókuae michia raɨ re. Jare mboapɨ yasɨ rupi tu reta güɨreko jo pe.

Hebreos 13:6

Jáeramo yandepuere yae yakɨɨyembae reve körai: “YandeYa ko chemborɨ vae. Ngaraa akɨɨye mbae oyapota cheve vae güi.”