Hebreos 11:19 - Biblia Guarani Tumpa Iñee

¹⁹ Echa Abraham güɨrovia oyuka yave taɨ, Tumpa ipuere omoingove ye. Jare yandepuere yae Abraham omboresive ye ko Isaac mano güi.

Nuevo Testamento Guaraní Pe

¹⁹ Abraham oicuaa jae oyuca yave taɨ, Tumpa ipuere omoingove ye. Jare ñandepuere ñamojaanga cuae oyeapo vae, yae yave Abraham omboresive Isaac mano güi.

Hebreos 11:19 ပူးပေါင်းရင်းမြစ်များ

GÉNESIS 22:13

Jayave Abraham omopüa iñäka jare oecha ikupe kotɨ ñurati tëɨ vae ipäu pe oï metei vecha kuimbae, jäti rupi oyepókoi oï vae. Jare ojo Abraham oipɨɨ jare omee mɨmba oyeyukagüe opaetei oyeapɨ vae Tumpa pe, taɨ jekovia pe.

San Mateo 12:36

Ërei che jae peve, opaete kia jei jeiiño vae re ave oñejäaukata ko Tumpa iporojäa iara pe.

San Mateo 9:28

Jare Jesús oike ma o pe yave, jókuae jesambae vae reta oike jae oïa pe. Jayave Jesús oparandu chupe reta: —¿Perovia pa chepuere pombogüera? —Rogüɨrovia, oreYa —jei reta.

Romanos 5:14

Ërei, mano güɨnoi mbaepuere Adán güive Moisés pe, yepe tëi jae reta mbaetɨ iyoa Adán oyapo rami etei. Jare Adán oyembojaanga ko outa vae re.

Efesios 3:20

Jare añave toyemboete Tumpa, imbaepuere yae oyapo vaerä jeta yae opaete mbaembae yaiporu vae ani yaikuaa vae güi, imbaepuere yandeɨvɨte pe oparavɨkɨ vae rupi.

Hebreos 9:24

Cristo oike ma ara pe etei Tumpa jóvai, oyerure vaerä yanderé, mbaetɨ oike mbaemboetea oyeapogüe pe, echa jókuae mbaemboetea ko oyembojaanga añetete pegua ara pegua re;

Hebreos 9:9

Opaete kuaekuae reta oyembojaanga ko añave rupiguarä. Joko pe sacerdote reta omee yepi mbota jare mɨmba oyeyukagüe ipuerembae ombokavi Tumpa omboete vae reta iyemongeta vae,