Hebreos 11:16 - Biblia Guarani Tumpa Iñee

¹⁶ Ërei oipota reta tëta ikavi yae vae jókuae güi. Oipota reta tëtaguasu ara pegua. Jáeramo Tumpa mbaetɨ oñerenoi oiko vaerä jae reta iTumparä, echa omokätɨro chupe reta metei tëtaguasu.

Nuevo Testamento Guaraní Pe

¹⁶ Erei oipota reta ɨvɨ icavi yae jocuae güi vae. Oipota metei ɨvɨ ara pegua. Jae rambue Tumpa mbaeti imara jee ae re. Echa jee co Abraham jare Isaac jare Jacob iTumpa. Jare jae oyapo ma chupe reta jentara.

Hebreos 11:16 ပူးပေါင်းရင်းမြစ်များ

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 28:13

Oecha vi yeupika iyapɨteasɨ re oï yandeYa. Jare jae jei: “Che ko ndeYa, neramɨi Abraham iTumpa, jare nderu Isaac iTumpa; kuae ɨvɨ reyapakua reï jese vae ameeta ndeve jare neñemuña reta pe.

ÉXODO 3:15

Tumpa jei ye Moisés pe: —Köraita rere Israel iñemuña reta pe: “YandeYa, peñemuñagüe Abraham, Isaac jare Jacob iTumpa chembou pekotɨ.” Kuae ko jae cheree jekuae avei pegua, kuae tee rupi pemaenduata cheré jekuae avei.

ÉXODO 3:6

Che ko jae neñemuñagüe Abraham, Isaac jare Jacob iTumpa. Jayave Moisés oñomi jova, echa okɨɨye omae vaerä Tumpa re.

ÉXODO 4:5

—Kuae rupi ndererovia retata che ndeYa Tumpa ko oyekuaa ndeve vae, neñemuñagüe Abraham, Isaac jare Jacob iTumpa.

JEREMÍAS 31:1

YandeYa jei: “Jókuae ara rupi che aikota opaete ñemuña reta Israel pegua iTumparä, jare jae reta yogüɨrekota chembaerä.”

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Marcos 12:26

Omanogüe reta oikove yeta vae regua ¿mbaetɨ pa pemongeta Moisés oikuatiagüe pe?, kërai Tumpa jei Moisés pe jókuae yai jendɨ vae güi: “Che ko jae, Abraham, Isaac jare Jacob iTumpa.”

San Marcos 8:38

Echa añave rupigua iyoa vae reta jare ikavimbae iyapoa reta güi imara cheré jare cheñee re vae, che Kuimbaerä ayeapo vae aromarata vi, ayu ye yave cheRu iyemboetea reve araɨgua oñeñono tee Tumpa peguarä vae reta ndive.

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

San Lucas 20:37

Omanogüe reta oikove yeta vae regua, Moisés oikuaauka vi jókuae yai jendɨ vae regua oikuatía vae rupi. Echa jei, yandeYa jae ko Abraham, Isaac jare Jacob iTumpa.

San Juan 14:2

CheRu jëta pe oime jeta o. Jökoraiä yave, amombeuta tëi ko peve. Ajata ayapokatu perendarä.

Hechos 7:32

“Che ko jae neñemuñagüe reta Abraham, Isaac jare Jacob iTumpa.” Jayave Moisés orɨrɨi okɨɨye güi, jare oipoɨu omae vaerä jese.

Filipenses 3:20

Ërei ñanerëta ara pe ko oï, jare ñaäro ñaï joko güi ou vaerä Yandemboasa vae, jae ko yandeYa Jesucristo,

2 Timoteo 4:18

Jare yandeYa chereepɨta opaete ikavimbae vae güi, jare cheövatuta ara pegua iporookuaía peguarä. Jae toyemboeteuka jekuaekuae avei rupi. ¡Amén!

Hebreos 10:34

Echa peiparareko tembipɨɨrɨru pe ñogüɨnoi vae reta. Jare ïru vae reta pembaembae opɨ̈ro pegüi yave, peiporara peyerovia katu reve. Echa peikuaa penoi ko ara pe mbaembae ikavigüe opambae.

Hebreos 11:10

Echa Abraham oäro tëi oike vaerä tëta guasu opambae vae Tumpa oyapo vae pe.

Hebreos 11:14

Jare jökorai jei vae reta, oipota jei oeka ko jëtaguasurä;

Hebreos 11:40

Echa Tumpa omokätɨro yandeve mbae ikavi yae vae, agüɨye vaerä jae reta räri oyembojupiuka yandegüi.

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,

Hebreos 13:14

echa mbaetɨ ñanoi metei tëta guasu jekuae avei pegua vae kuae ɨvɨ pe, ërei yaeka ko jókuae tëta guasu outa vae.

Hebreos 2:11

Jesús oporoñono tee vae jare oñeñono teeuka vae reta Tumpa imbae päve ko; jáeramo Jesús mbaetɨ imara jei “cherɨvɨ reta”,

Apocalipsis 21:2

Jare che etei aecha jókuae tëta guasu oñeñono tee Tumpa peguarä vae, jae ko Jerusalén ipɨau vae, ogüeyɨ ou Tumpa oïa güi. Oyeapokatu ou metei kuñatai omendata vae rami.