Hebreos 11:12 - Biblia Guarani Tumpa Iñee

¹² Jáeramo vi Abraham indechi yae ma vae güi jeta iñemuña, yasɨtata ara re ñogüɨnoi vae rami jare jeta yae ɨvɨkuitï ɨguasu jembeɨ rupi rami.

Nuevo Testamento Guaraní Pe

¹² Jae rambue jeta yae co Abraham iñemoña reta, yepe tei Abraham indechi yae ma. Jeta yae co yasɨtata ara re ñogüɨnoi vae reta jare jeta yae co ɨvɨcuiti ɨ guasu jembeɨ pe oi vae. Jae ramiño vi jeta yae co Abraham iñemoña reta.

Hebreos 11:12 ပူးပေါင်းရင်းမြစ်များ

GÉNESIS 15:5

Güɨraja ikatu pe jare jei chupe: —Añave emae ara re jare eipapa yasɨtata reta ndepuere yave, jökoraita ko neñemuña reta.

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

GÉNESIS 26:4

Ambojetata neñemuña, ara re yasɨtata rami, jare ameeta ndeve opaete kuae ɨvɨ. Jare neñemuña rupi opaete tëtaguasu reta re outa mborerekua.

GÉNESIS 32:12

Nde rere cheve: ‘Che ayapota ndeve ikavi vae jare neñemuña reta ɨguasu jembeɨ rupi ɨvɨkuitï ramita, yaipapa rapembae.’ ”

2 SAMUEL 17:11

Jayave, che romboarakuaata vae jae ko oñemoïru vaerä nde ndive opaete Israel iñemuña reta, Dan güive Beerseba kotɨgua reta vi, jare nde etei ekua ñeraro pe, jókuae jeta ɨvɨkuitï ɨ jembeɨ pe rami ñogüɨnoi vae reta jenonde.

1 REYES 4:20

Ɨvɨ Judá jare ɨvɨ Israel pegua reta jeta yae ko, ɨguasu jembeɨ pe jeta ɨvɨkuitï oï rami. Mbaetɨ oata tembíu jare iɨguarä, oyerovia katu yogüɨreko.

1 CRÓNICAS 27:23

David mbaetɨ oipapa veinte año güi ɨ́vɨkotɨ güɨnoi vae, echa yandeYa güɨrökuavee ombojeta vaerä Israel iñemuña reta yasɨtata rami.

NEHEMÍAS 9:23

Jare iñemuña reta rembojeta yasɨtata jeta yae rami, jare reru ɨvɨ nde reñererökuavee remee iñemuñagüe reta imbaerä vae pe.

ÉXODO 32:13

Nemaendúa nderembiokuai Abraham, Isaac jare Israel re, kuae reta pe nde etei reñererökuavee nderee re, jare rere chupe reta: “Che amoñemuñata peñemuña reta yasɨtata rami, jare ameeta peñemuña reta pe opaete kuae ɨvɨ chemiari jese peve vae, jare oikota jae reta imbaerä jekuae avei pegua.”

ISAÍAS 10:22

Israel, yepe tëi ɨguasu jembeɨ pegua ɨvɨkuitï rami reyembojeta, jókuae reta güi jembɨregüeño ko oyerova yeta. Kañɨtei oñemoërakua vae oyeapo tai jupi rupi.

ISAÍAS 48:19

Peñemuña reta jeta yaeta tëi ko, ɨvɨkuitï jeta yae vae yaipapa rapembae ramita tëi ko, ngaraai ko opa tëi amboai, ngaraai ko ambosɨrɨ tëi cheróvai güi.’

JEREMÍAS 33:22

Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

HABACUC 1:9

Ojoa rupi opa oporomboai; jenondeve okɨɨye voi ma ñogüɨnoi, jeta yae tembipɨɨ oyapo, ɨguasu jembeɨ pe ɨvɨkuitï oï rami.

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

DEUTERONOMIO 1:10

YandeYa Tumpa jeta yae ma pemoñemuña, jeta yae ma peiko yasɨtata rami.

DEUTERONOMIO 28:62

Jare mbovɨ yae pepɨtata, peiko tëi ma reve jeta yeyé yasɨtata rami, mbaetɨ ramo peendu yandeYa Tumpa iñee.

JOSUÉ 11:4

Opaete kuae mburuvicha guasu reta ñogüɨnoe isundaro reta ndive ndive, jeta kuimbae reta, ɨguasu jembeɨ rupi ɨvɨkuitï rami, jeta yeyé kavayu jare käretou reta ñeraro pegua ndive.

Apocalipsis 20:8

jayave oëta ombotavɨ vaerä opaetei tëtaguasu reta ɨvɨ pegua, ojota Gog pe jare Magog pe omboatɨ vaerä ñeraro peguarä. Jeta yaeta ko, ɨvɨkuitï ɨguasu jembeɨ pe oï rami.

JUECES 7:12

Jare Madián iñemuña reta, jare Amalec iñemuña reta jare kuaraɨ oëa kotɨgua reta, oñemoai ɨvɨpe kavi rupi, tuku jeta yae vae rami, jare jɨmba camello reta oyepapa rapeä, ɨguasu jembeɨ pe ɨvɨkuitï jeta yae rami.

1 SAMUEL 12:5

Jare jae jei chupe reta: —YandeYa jare mburuvicha guasurä peiparavo vae jovake mbaetɨ peväe teko cheré. Jare jae reta jei chupe: —¡Jökorai ko!