Hebreos 10:6 - Biblia Guarani Tumpa Iñee

⁶ Mɨmba oyeyukagüe opaetei oyeapɨ vae jare ñɨ̈ro pegua mbaetɨ ndembopɨakatu.

Nuevo Testamento Guaraní Pe

⁶ Maemɨmba oyeyucagüe reta ócai oñererocuavee vaera ndeve. Erei jocuae reta mbaeti nemboyerovia. Jae ramiño vi maemɨmba oyeyucagüe mbaeyoa reta re oñererocuavee vae reta mbaeti nemboyerovia.

Hebreos 10:6 ပူးပေါင်းရင်းမြစ်များ

SALMOS 147:11

YandeYa omboyerovia oipoɨu chugüi vae, jare oäro iporoparareko re vae.

SALMOS 40:6

Mɨmba oyeyukagüe jare mbota mbaetɨ ndembopɨakatu; mɨmba oyeyukagüe opaetei oyeapɨ vae jare ñɨ̈ro pegua mbaetɨ reeka oreve, ërei reipea cheapɨsa.

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

Hebreos 10:4

echa toro reta jugüɨ jare kavara reta jugüɨ mbaetɨ etei ipuere omboi mbaeyoa reta.

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.