Hebreos 10:5 - Biblia Guarani Tumpa Iñee

⁵ Jáeramo Cristo ou yave kuae ɨvɨ pe, jei Tumpa pe körai: “Mɨmba oyeyukagüe jare mbota mbaetɨ reipota; reyapo chereterä.

Nuevo Testamento Guaraní Pe

⁵ Jae rambue Cristo ou yave cuae ɨvɨ pe, jei Tumpa pe corai: Mbaeti reipota jocuae maemɨmba oyeyucagüe oñererocuavee vae reta. Jae rambue nde remee cheve cherete oñererocuavee vaera.

Hebreos 10:5 ပူးပေါင်းရင်းမြစ်များ

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

ISAÍAS 1:11

YandeYa jei: “¿Jeta mɨmba oyeyukagüe pemee vae, mbae ra pa ikavita cheve? Chembogüérai ma mbota vecha kuimbae reta oyeyukagüe opaetei oyeapɨ vae, jare mɨmba ikɨragüe; toro reta, vecha kuimbae reta jare kavara kuimbae reta jugüɨgüe mbaetɨ ma aipota.

ISAÍAS 40:16

Ɨvɨtɨ Líbano re oime mɨmba reta vae, ngaraa oupitɨ oyeyuka opaetei oyeapɨ oñemee vaerä Tumpa pe, ani yepea joko pegua ave ngaraa oupitɨ oyeapɨ vaerä.

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

JEREMÍAS 31:22

¿Kërai yave regua pa reikota, kuñatai iñeereendumbae rami? Che ndeYa, ayapota mbae ambuaeyee vae kuae ɨvɨ pe, jae ko: Kuñai oyangarekota kuimbae re vae rami vae.”

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

San Mateo 11:3

oparandu vaerä chupe: “¿Jae pa ko nde jókuae jërakua outa vae?, ani ¿roärota pa ïru vae?”

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Lucas 7:19

jare omondo Jesús oïa pe oparandu vaerä chupe: “¿Jae pa ko nde jókuae jërakua outa vae?, ani ¿roärota pa ïru vae?”

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

Gálatas 4:4

Ërei ara oväe ma oyembopo vaerä yave, Tumpa ombou Taɨ. Jae oa kuña güi, mborookuai iara pe,

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Hebreos 1:6

Opaete mbaembae iYarä vae, ombou kuae ɨvɨ pe yave jei körai: “Opaete Tumpa iaraɨgua reta tomboete.”

Hebreos 10:10

Jökorai Jesucristo omee jete metei veseño jekuae avei pegua. Jókuae jemimbota rupi Tumpa ñaneñono tee iyeupeguarä.

Hebreos 10:7

Jáeramo jae: Mase, ko ayu cheRu Tumpa, ayapo vaerä nderemimbota, tembikuatía pe, oyekuatía oï cheregua rami.”

Hebreos 10:8

Cristo jei tenonde kërai Tumpa mbaetɨ oipota ani ombopɨakatu mɨmba oyeyukagüe, mɨmba oyeyukagüe opaetei oyeapɨ vae jare ñɨ̈ro pegua reta (yepe tëi opaete kuaekuae reta mborookuai jei oñemee vaerä),

Hebreos 2:14

Opaete taɨ reta ɨvɨ pegua reta ko, jáeramo Jesús etei vi oyeapo ɨvɨ peguarä, imano rupi omoamɨri vaerä aña guasu güɨnoise mbaepuere mano re vae,

Hebreos 5:7

Cristo kuae ɨvɨ pe oiko ramboeve, iñeeäta jare jesaɨ reve jeta oyerure ipuere tëi omboasa mano güi vae pe. Jare iñeereendu ramo Tumpa oendu chupe iyerure.

Hebreos 8:3

Opaete sacerdote tenondegua ete reta ñogüɨnoi ko omee vaerä mbota reta jare mɨmba oyeyukagüe reta. Jáeramo jupi ko kuae sacerdote tenondegua ete vae omee vaerä mbae,

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

2 Juan 1:7

Echa kuae ɨvɨ pe jeta oë oporombotavɨ vae reta, jae reta mbaetɨ omombeu Jesucristo ko jae oyeapo kuimbaerä vae. Kuae jei vae, jae ko oporombotavɨ vae jare Cristo re oyemboyovaicho vae.