Hebreos 10:27 - Biblia Guarani Tumpa Iñee

²⁷ jaeño ñaärota yavaetegüe Tumpa iporojäa, tata yavaetegüe omboaita Tumpa kotɨ oyemboyovaicho vaerä reta.

Nuevo Testamento Guaraní Pe

²⁷ Jaeño ñaarota yaquɨye reve Tumpa ñaneraa vaera. Echa Tumpa pochɨ yae jovaicho reta pe. Jae co metei tata mbaembae opa oapɨ vae rami.

Hebreos 10:27 ပူးပေါင်းရင်းမြစ်များ

SALMOS 21:9

Horno jaku yae vae rami reñonota ndearasɨ iara pe. Ndearasɨ pe remboaita, tata pe remokañɨteita.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

EZEQUIEL 36:5

yandeYa Tumpa jei körai: Chearasɨ yae cherägüɨro reve amoë cheñee ïru tëtaguasu reta kotɨ, jare opaete Edom pegua reta kotɨ, echa cheɨvɨ re oyemombae reta oyerovia reve, jare omotareɨ yae reve güɨnoe reta joko güi mbaagüɨye.’

EZEQUIEL 38:19

Echa cherägüɨro jare chearasɨ yae reve jae: Jókuae ara oimeta ɨvɨkana ɨvɨ Israel pe.

DANIEL 5:6

Jayave mburuvicha guasu opa jovaiyu, jare mbaetɨ etei oikuaa mbae jei vaerä, jare jete opa jëogüe, itava oyotaa päve oyoe.

OSEAS 10:8

Jare mbaemboetea Bet-avén pegua ɨvɨtɨ re ñogüɨnoi vae oyemboaita, joko pe Israel pegua reta oyapo mbaeyoa. Mɨmba oyeyuka oyeapɨ jese vae re oëta ñurati reta. Jare jei retata ɨvɨtu guasu reta pe: “¡Oreöva, oreñomi!” Jare ɨvɨtɨ reta pe jei retata: “¡Pea oreré!”

JOEL 2:30

jare ayapota mɨakañɨ tuichagüe ara re, jare ɨvɨ re tugüɨ, tata jare tätatina pɨtumimbi vae oimeta.

NAHUM 1:2

YandeYa jae ko Tumpa jägüɨro imbae vae reta re vae jare omboekovia vae; omboekovia, ikotɨ oyovaicho vae reta pe, jare iyarasɨ jovaicho reta kotɨ.

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

NÚMEROS 16:35

Jare yandeYa ombou vi tata, jare opa omokañɨtei jókuae dosciento cincuenta kuimbae reta, ikäti kavi vae incienso güɨrökuavee tëi ñogüɨnoi vae.

San Mateo 13:42

Jare omombo retata tata guasu pe. Joko pe oyaeo retata jare jäi ombokɨrɨrɨuta.

San Mateo 13:50

Jare omombo retata tata guasu pe. Joko pe oyaeo retata jare jäi ombokɨrɨrɨuta.”

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 3:10

Jáeramo temitɨ oyeasɨa vaerä ma ko oï japo reve, echa opaete temitɨ ikavimbae vae iya oyasɨa ko oapɨ vaerä.

San Mateo 3:12

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Lucas 16:24

Jayave osapúkai reve jei: Cheru Abraham, cheparareko. Embou Lázaro tomoäkɨ ipoäka ɨ pe omoröɨsa vaerä chekü. Echa aiporara yae aï kuae tata pe.

San Lucas 19:27

Ërei peru kuae pe cherovaicho reta, jókuae mbaetɨ oipota juvicharä aiko vae reta. Peñäka-sɨa cheróvai.’ ”

San Lucas 21:26

Jare ɨvɨ pegua reta ipɨa jëogüeta okɨɨye güi, ɨvɨ pe mbae oasa vae güi. Jare opaete ara rupi ñogüɨnoi vae reta okanata.

San Lucas 23:30

Jayave omboɨpɨta jei ɨvɨtɨ guasu reta pe vae: “¡Pesururu oreré! ¡Oreasoi!”

San Juan 5:29

Ikavi vae oyapo vae reta oikove yeta tekove opambae vae peguarä, ërei ikavimbae vae oyapo vae reta oikove yeta kañɨtei peguarä

DEUTERONOMIO 32:43

‘¡Tëtaguasu reta, pemboete Tumpa imbae vae reta! ¡Jae oiporaraukata jembiokuai reta imano re, oiporaraukata jovaicho reta pe, jare iñɨ̈rota kuae tëtaguasu pe jare imbae vae reta pe!’ ”

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

Hebreos 12:29

echa ñaneTumpa ko tata opaetei oapɨ mbae oeya vae rami vae.

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.

Santiago 5:3

Peoro jare pekorepoti reta opa iyukɨrɨ. Jare jókuae iyukɨrɨgüe imiarita pekotɨ, jare pemokañɨteita tata rami. Pemboatɨ ko mbaembae, ara reta iyapɨ peguarä.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.

1 SAMUEL 2:25

Metei kuimbae iyoa yave japicha kotɨ, mburuvicha oporojäa vae reta ojäata; ërei metei kuimbae iyoa yave yandeYa kotɨ, ¿kia ra oñemoëta jese?” Ërei jókuae kunumi reta mbaetɨ oyandu tu jei chupe vae, echa yandeYa oyemongeta ma opa vaerä oyuka.