Hebreos 10:25 - Biblia Guarani Tumpa Iñee

²⁵ Agüɨye yaata yemboatɨa pe, amogüe vae reta oyepokuaa rami, jaeño yayomboarakuaa; jeiete ñañemoäta ngatu, yaikuaa jókuae ara köi yae ramo.

Nuevo Testamento Guaraní Pe

²⁵ Amogüe vae mbaeti ma oñemboatɨ iru oporogüɨrovia vae reta ndive. Agüɨye yayapo jae reta rami. Ñañemboatɨ jare ñañomoatangatu. Ñañomoatangatu yae, yaicuaa jocuae ara outa ma oi rambue.

Hebreos 10:25 ပူးပေါင်းရင်းမြစ်များ

San Mateo 10:15

Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.

San Mateo 18:20

Echa mókoi ani mboapɨ vae oyemboatɨ yave cheree re, che oime ko aï jae reta ipɨte pe.”

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

Hechos 16:16

Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

Hechos 2:1

Arete Pentecostés pe opaete oporogüɨrovia vae reta metei ramiño oyemboatɨ ñogüɨnoi.

Hechos 2:42

Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.

Hechos 20:7

Jare tenondegua ara semana iyɨpɨ pe oporogüɨrovia vae reta oyemboatɨ opɨ̈saa vaerä mbɨyape yave, Pablo pɨareve pe ma ojota ramo, ipɨarembɨte oporomboe.

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

1 Corintios 11:20

Jáeramo peyemboatɨ tëi peyapo Santa Cena vae, jaeä ko Santa Cena.

1 Corintios 14:23

Jáeramo opaete peporogüɨrovia vae reta peyemboatɨ yave, jare opaete pe reta pemiari yave ambuae ñee reta pe, javoi oike yave pepɨte pe kuae nunga ñee reta oikuaambae vae reta ani oporogüɨroviambae vae reta, jae reta jeita pembokere ko.

1 Corintios 14:3

Ërei omoërakua mbae maratuta vae, imiari ko ïru vae reta pe, omomɨ̈rata, omboarakuaa jare ombopɨakatu vaerä.

1 Corintios 3:13

metei ñavo vae iparavɨkɨ oyekuaata ko tata rupi morojäa iara pe, echa tata oechaukata mbae nunga mbaravɨkɨ oyapo metei ñavo vae.

1 Corintios 5:4

Peyemboatɨ yandeYa Jesucristo jee re jare chepɨa pe aï pe ndive yave, yandeYa Jesucristo imbaepuere rupi,

Filipenses 4:5

Pepɨakavi toikuaa opaete vae. YandeYa ou yeta ete ma ko.

1 Tesalonicenses 4:18

Jáeramo, peñomoäta ngatu päve kuae ñee reta pe.

1 Tesalonicenses 5:11

Jáeramo, peñomoäta ngatu päve jare peñemomɨ̈rata, peyapo peï rami.

Hebreos 10:24

Yaeka kërai yayomborɨ päve vaerä, ñañomoäta ngatu yayoaɨu vaerä jare tembiapo reta ikavigüe pe.

Hebreos 10:37

Echa Tumpa Iñee pe jei: “Echa joko ñoete ma, jókuae outa vae outa ko.

Hebreos 13:22

Cherɨvɨ reta, pomoñera peropɨa vaerä kuae mbovɨ yemboarakuaa aikuatía peve vae.

Hebreos 3:13

ërei ara ñavo peñomoäta ngatu, “kuae ara” yae ramboeve, agüɨye vaerä metei ave pepɨte pegua oyembopɨatäta mbaeyoa iporombotavɨ rupi.

Santiago 5:8

Jökoraiño vi pe reta pepɨaguasu. Jekuaeño peñemoäta ngatu. Echa oyearo ma yandeYa ou ye vaerä.

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

2 Pedro 3:11

Jare peikuaa ma opaete mbaembae añave yaecha vae opata oyemboai, jáeramo ¡ikavi ko peiko vaerä peyoambae reve, Tumpa pemboete reve!

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

2 Pedro 3:9

YandeYa oipotaíä ko ndeiño ombopo iñee, echa yandeYa ipɨaguasu ko yandeve, mbaetɨ ramo oipota metei ave okañɨtei, jae oipota opaete oyerova ikotɨ vae.

Judas 1:19

Kuae reta ko oporomboyaouka, echa jókuae reta ko jemimbota reño yogüɨreko vae jare mbaetɨ güɨnoi Espíritu Santo.