Hebreos 10:24 - Biblia Guarani Tumpa Iñee

²⁴ Yaeka kërai yayomborɨ päve vaerä, ñañomoäta ngatu yayoaɨu vaerä jare tembiapo reta ikavigüe pe.

Nuevo Testamento Guaraní Pe

²⁴ Jare ñañangareco oyoe. Ñañomoatangatu yayoaɨu vaera jare icavi vae yayapo vaera.

Hebreos 10:24 ပူးပေါင်းရင်းမြစ်များ

SALMOS 41:1

Toyerovia jókuae oyemongeta paravete vae re vae, yandeYa oepɨta tembiporara iara pe.

PROVERBIOS 29:7

Jupi vae oikuaa kërai ko paravete vae reta yogüɨreko vae, ërei jupimbae, mbaetɨ omae jókuae re.

Hechos 11:29

Jayave metei ñavo oporogüɨrovia vae reta, oime güɨnoi rupi oyemongeta omondo reta vaerä omborɨ oporogüɨrovia vae reta Judea rupi ñogüɨnoi vae reta.

Romanos 11:4

Ërei Tumpa jei chupe körai: “Oimeño siete mil kuimbae che aiparavo vae reta. Mbaetɨ oyetavatɨka tumpa-raanga Baal jóvai vae reta.”

Romanos 12:15

Pevɨa katu, ovɨakatu vae reta ndive. Peyaeo, oyaeo vae reta ndive.

1 Corintios 10:33

Jökoraiño vi che ayapo opaete mbaembae jaekavi opaete ïru vae reta pe vae, aekambae reve jaekavi cheve vaeño. Jaeño aeka jeta vae reta amborɨ vaerä, oyemboasauka reta vaerä.

1 Corintios 9:22

Mbaetɨ ipɨ̈rata iporogüɨrovia pe vae reta ndive aï yave, che aiko vi jae reta rami, jae reta vi güɨrovia vaerä Cristo re. Ayeapo opaete vae pe jae reta rami, opaete vae oyemboasauka vaerä.

2 Corintios 8:8

Kuae che jae peve vae mbaetɨ ko metei mborookuai. Ërei chemiari ko peve ïru vae reta ikɨ̈reɨ ngatu re, jökorai peechauka vaerä vi peporoaɨu añetete ko vae.

2 Corintios 9:2

echa kuae re chemiari pomboete reve Macedonia pegua reta pe. Jae chupe reta kërai año oasagüe güire ma pekɨ̈reɨ peporomborɨ, pe Acaya pe peiko vae reta. Jare ïru vae reta oikuaa pekɨ̈reɨ peporomborɨ vae yave, jae reta vi ikɨ̈reɨ.

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Gálatas 6:1

Cherɨvɨ reta, oime yave kia oyepokouka mbae ikavimbae vae oyapo yave vae, pe reta peguata kavi Tumpa kotɨ vae peñono kavi peñemomichi reve. Peyeandu reve, agüɨye vaerä pe vi peyapo mbae ikavimbae vae.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

1 Tesalonicenses 1:3

Oremaendúa avei yandeRu Tumpa jóvai peporogüɨrovia reve peparavɨkɨ vae re, peaɨu jare pekueraimbae reve peäro yandeYa Jesucristo vae re.

1 Tesalonicenses 5:11

Jáeramo, peñomoäta ngatu päve jare peñemomɨ̈rata, peyapo peï rami.

2 Tesalonicenses 3:9

Körai royapo, yepe tëi jupi ko roiporu vaerä mbaembae peve. Ërei orekɨ̈reɨ roechauka peve, pe reta vi peiko vaerä ore rami.

1 Timoteo 6:18

Jare eyókuai vi toyapo ikavi vae, toikokatu mbaembae ikavi oyapo vae pe, tikɨ̈reɨ ngatu omee vaerä güɨnoigüe jare tipɨakavi reta,

Tito 2:4

tomboe kuña taɨrusu vae reta oaɨu vaerä ime jare imembɨ reta,

Tito 3:8

Kuae ko jae ñee añete vae, jare aipota jekuaeño täta reporookuai vaerä kuae mbaembae re, Tumpa re güɨrovia vae reta oyapo vaerä ikavi vae, kuae mbaembae ikavi ko opaete vae pe.

Hebreos 13:1

Peyoaɨu päve avei.

Hebreos 13:3

Pemaendúa tembipɨɨrɨru pe ñogüɨnoi vae reta re, peï vi jae reta ndive rami. Pemaendúa vi oyererekoasɨ katu vae reta re, pe reta etei vi peiporara peï rami.

Hebreos 3:13

ërei ara ñavo peñomoäta ngatu, “kuae ara” yae ramboeve, agüɨye vaerä metei ave pepɨte pegua oyembopɨatäta mbaeyoa iporombotavɨ rupi.

1 Juan 3:18

Cheraɨ aaɨu vae reta, agüɨye yayoaɨu ñaneñee peño ani yandeyuru peño, toyekuaa yayapo vae rupi jare añetete rupi.