Hebreos 10:22 - Biblia Guarani Tumpa Iñee

²² yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

Nuevo Testamento Guaraní Pe

²² Jae rambue yaya Tumpa re ñanequɨreɨ ngatu reve. Yarovia Tumpa oipota co yaya vaera jese. Sacerdote ɨvɨ pegua oyase Tumpa re yave, oñeñapiramo jugüɨ pe jare oyoe jete ɨ icavi vae pe. Jae ramiño vi ñande yaya Tumpa re yave, toyeyoe Tumpa cotɨ mbaeyoa güi ñandepɨa jare ñanderete.

Hebreos 10:22 ပူးပေါင်းရင်းမြစ်များ

1 REYES 15:3

Jare oyapo opaete mbaeyoa reta tu tenonde yave oyapo vae; jare mbaetɨ ipɨa jupi iYa Tumpa kotɨ, iñemuñagüe David ipɨa rami.

1 CRÓNICAS 12:33

Zabulón iñemuña reta güi, cincuenta mil sundaro oïndaivi oñeraro vaerä vae, oipotagüe tembiporu ñeraro pegua pe, okɨɨyembae reve omborɨ reta vaerä David.

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

SALMOS 111:1

¡Tamboete cheYa, opaete chepɨa ndive! Jupi vae reta oyemboatɨ vae ndive.

SALMOS 119:10

Opaete chepɨa ndive roeka, agüɨye emaeño tapia ndeporookuai reta güi.

SALMOS 119:145

CheYa, asapúkai ndeve opaete chepɨa ndive, emboyevɨ cheve, jare ayapota ndeporookuai reta.

SALMOS 119:2

Oyerovia ko, yandeYa iporookuai oyapo vae reta, jare oeka opaete ipɨa ndive vae reta;

SALMOS 119:34

Emee arakuaa cheve ayapo vaerä ndeporookuai reta, ¡jare tayapo opaete chepɨa ndive!

SALMOS 119:58

Ayerure opaete chepɨa ndive ndeve, cheparareko nde reñererökuavee rami.

SALMOS 119:69

Ipɨapochɨ vae reta, chemboeko jupimbae reve, ërei che ayapo opaete chepɨa ndive ndeporookuai reta jeigüe.

SALMOS 119:7

Romboeteta chepɨa sɨmbi rupi kavi, aikuaa yave ndeporookuai jupi vae.

SALMOS 119:80

Taiko jupi rupi kavi ndeporookuai reta rupi, agüɨye vaerä añemomaraiuka.

SALMOS 32:11

Peyerovia yandeYa re, pepɨakatu jupi vae reta; petairari yerovia katu ndive, opaete ipɨa isɨmbi vae reta.

SALMOS 51:10

CheRu Tumpa, eitɨo chepɨa jare embopɨau, emee chepɨarä ikɨambae jare jupi vae, jare chembopɨau sɨmbi rupi aiko vaerä.

SALMOS 73:28

Ërei cheve ikavi yae vae ko, köiño aï ndegüi vae, cheYa Tumpa, ndereño anoi cheporoäro, amoërakua vaerä opaete nde reyapogüe.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

SALMOS 9:1

Romboeteta cheYa, opaete chepɨa ndive chemiarita mɨakañɨ reta reyapogüe re.

SALMOS 94:15

Oime yeta mbaejupi, jare opaete ipɨa jupi vae reta omomoeta.

ÉXODO 29:4

Javoi eraja Aarón jare taɨ reta tupao guakapi pegua jöke pe, jare toyau reta joko pe;

PROVERBIOS 23:26

Cheraɨ, eyeapɨsaka ndepɨa reve cheré, jare emae kavi kërai ko che aiko vae re;

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

ISAÍAS 52:15

Jökoraita jae omopɨakañɨ, jeta tëtaguasu reta; mburuvicha guasu reta ngaraa etei iñee omoë jóvai, echa oecha retata mbaetɨi kia omombeu chupe vae, jare oikuaa retata mbaetɨi oendu vae.

JEREMÍAS 24:7

Ameeta chupe reta kɨ̈reɨ ngatu, chekuaa reta vaerä che ko jae iYa, jare yogüɨrekota chembae retarä, jare che aikota iTumparä, echa oyerova reta yeta chekotɨ opaete ipɨa ndive.

JEREMÍAS 3:10

Opaete kuaekuae rupi, ipɨkɨɨ ipɨapochɨ vae Judá mbaetɨ oyerova ye chekotɨ ipɨa reve, oyerova raangaiño añete vae nunga. Che ndeYa jae kuae ndeve.”

JEREMÍAS 30:21

Ipɨte reta güi oëta juvicharä: Oporookuai vae oëta ipɨte reta güi aeño. Amboyemboyaukata cheyé, echa, ¿kia pa ikɨ̈reɨta oya vaerä cheré?

EZEQUIEL 16:9

Romboyau ɨ pe, jare ayoe tugüɨ oï nderé vae, aipichɨ mbae ikäti kavi vae nderé.

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

LEVÍTICO 14:7

jare toñapiramo chiu ye tugüɨ pe jókuae ipire mbaerasɨ ókui vae güi oyetɨo oï vae re; jare tomombeu ikɨambae ma ko. Javoi topoi güɨra oikove oï vae güi ñana pe.

LEVÍTICO 16:4

Toyemonde temimonde lino pegua temimonde sacerdote pegua pe jare jemimonde igüɨ pe togüɨnoi temimonde lino pegua, jare toyekuakua kuakuaa lino pegua pe, jare äka-ɨru lino pegua toñono iñäka re; jae ko kuae temimonde reta oñeñono tee sacerdote pe vae, jókuae pe toyemonde opa güire oyau.

LEVÍTICO 8:6

Jayave Moisés oyókuai oya katu vaerä jese Aarón jare taɨ reta, jare oyoe ɨ pe.

ZACARÍAS 13:1

Jókuae ara oyepeata metei ɨesaɨ David iñemuña reta peguarä jare Jerusalén pegua reta peguarä, oyeapo vaerä yetɨo mbaeyoa güi jare ikɨa Tumpa jóvai vae güi.

NÚMEROS 8:7

Körai eyapo chupe reta: Eñapiramo reta ɨ yetɨo pegua pe, toñapi reta opaete jete, jare toputuka reta jemimonde, jare tikɨambae topɨta reta Tumpa jóvai.

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Lucas 1:1

Jeta vae omombeu ma oikuatía vae rupi, opaete mbaembae añete ete yandepɨte pe oyeapo vae regua.

San Juan 3:5

Jesús jei chupe: —Añetete che jae ndeve, mbaetɨ kia oa pɨau ye ɨ rupi jare Espíritu rupi vae ngaraa oike Tumpa iporookuaía pe.

San Juan 8:9

Ërei kuae oendu reta yave, ñogüɨnoe joko güi metei metei rupi, ipɨa pe oyemboeko reta ramo. Omboɨpɨ ñogüɨnoe ndechi reta tenonde ete. Jaeño Jesús opɨta kuña oyemboɨ mbɨte vae ndive.

Hechos 22:16

Añave ¿mbae pa reäro? Epüa eyembobautisauka reyerure reve chupe, ndeyoa reta oyemboai vaerä.’

Hechos 8:21

Nde mbaetɨ ndepuere renoi kuae nunga mbaepuere. Echa ndepɨa jupiä Tumpa kotɨ.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Efesios 3:12

jese yandepuere yaike Tumpa oïa pe yandeporogüɨrovia rupi.

Efesios 5:26

oñono tee vaerä iyeupeguarä, jare oyoe vaerä iñee rupi, ɨ pe mbae yayoe vae rami;

Efesios 6:5

Tembiokuai reta, peyapo peya reta jei vae pemboete reve jare peipoɨu reve, jupi reve kavi, Cristo pe peyeokuai rami.

1 Timoteo 4:2

jókuae reta oenduta jova mókoi vae jare iyapu vae reta iporomboe, jókuae mbaetɨ etei ipɨatɨtɨ vae reta.

Tito 3:5

yandemboasa, mbaetɨ jupi vae yayapo ramo, jaeño yandemboasa iporoparareko rupi, yandeyoe ɨ pe, ombopɨau yanderekove Espíritu Santo rupi.

Hebreos 10:1

Mborookuai jaeño oikuaauka mbaembae reta outa vae, oyembojaangaño ko jese, echa mɨmba oyeyukagüe reta oñemee Tumpa pe año ñavo vae, mbaetɨ etei ipuere opa omboai jökorai oya Tumpa re vae reta iyoa reta.

Hebreos 10:19

Jáeramo, cherɨvɨ reta, yandepuere yaike yakɨɨyembae reve cuarto oñeñono tee kavi yaea pe Jesucristo jugüɨ rupi,

Hebreos 11:28

Iporogüɨrovia rupi Moisés oyapo Pascua jare oñapiramo öke reta tugüɨ pe, agüɨye vaerä araɨgua mano jerúa oyuka Israel iñemuña taɨrɨpɨ reta.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

Hebreos 4:16

Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.

Hebreos 6:11

Jare aipota metei ñavo pe reta peechauka peräta ngatu ko kuae re iyapɨ regua vae, peyerovia katu vaerä peäro peï vae re,

Hebreos 7:19

(Echa mborookuai mbaetɨ oporombojupi), ërei jendagüe pe ou yandeve ikavi yae vae, jókuae rupi yandepuere yaya Tumpa re.

Hebreos 9:10

echa jaeño güɨnoi mborookuai tembíu reta regua jare kërai jae reta oyeyoe vaerä Tumpa kotɨ. Opaete jókuae mborookuai reta ɨvɨ peguaño ko, oñeñono ko Tumpa opaete oyapokatu regua.

Hebreos 9:19

Echa Moisés opa güire omombeu Israel pegua reta pe opaete mborookuai reta, jayave oiporu toro taɨrusu vae reta jugüɨ jare kavara kuimbae reta jugüɨ, ɨ, vecharaagüe oñemopɨ̈tagüe jare ñana hisopo, pɨpe oñapiramo tembikuatía jare opaete vae reta,

Santiago 1:6

Ërei oyerureta ko mborogüɨrovia reve, agüɨye eteita oyerure güɨrovia eteä reve. Echa güɨrovia eteä vae ɨaparúa rami ko. Jókuae ɨvɨtu oyepeyu yave, kotɨ kotɨ güɨraja vae rami.

Santiago 4:8

Peyemboya Tumpa re jare jae oyata peré. Iyoa vae reta, peyepoe. Pe iyemongeta oipoepɨ katu vae reta, peitɨo pepɨa.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,