HAGEO 2:22 - Biblia Guarani Tumpa Iñee

²² opata arokomegua mburuvicha guasu reta iguapɨa mborookuaía pegua jare amboaita tëtaguasu rupi mburuvicha guasu reta imbaepuere; amboyaparata käretou reta pɨpe oguata vae reta ndive jare opata kavayu reta oyepɨaka opo jese vae reta ndive, metei vae ñavo omanota jëtara ikɨsepuku pe.

HAGEO 2:22 ပူးပေါင်းရင်းမြစ်များ

2 CRÓNICAS 15:6

Metei tëta omokañɨtei ïru ɨvɨ pegua tëta, jare tëta guasu ïru tëta guasu, echa Tumpa oiporarauka chupe reta oipotagüe mbaesusere rupi.

2 CRÓNICAS 20:22

Jare omboɨpɨ reta otairari yerovia pegua jare mbaemboete pegua yave, yandeYa ombojopa oyoupii ae Amón jare Moab iñemuña reta jare ɨvɨtɨ Seir pegua reta, yogüeru oporepeña Judá pegua reta re vae, oñogüɨropüa reta jare opa oyoyuka reta.

2 CRÓNICAS 20:23

Echa Amón jare Moab iñemuña reta opüa ɨvɨtɨ Seir pegua reta re; opa oyuka reta yave oyoyuka reta oyoupii ae.

SALMOS 46:9

Omombɨta ñeraro opaete ɨvɨ rupi; omopë güɨrapa reta, oakɨo mii reta, jare, ¡opa oapɨ tata pe käretou ñeraro pegua reta!

SALMOS 76:6

CheRu Tumpa, Jacob iTumpa, nde neñeeäta yave, mbaetɨ ipuere omɨi käretou jare kavayu ave.

ÉXODO 14:17

Jare che amotätata Egiptoɨgua reta ipɨa, peraɨkuemoña vaerä; ayemboeteukata Faraón maratuta oasa vae rupi, opaete isundaro reta kavayu regua reta rupi, jare käretou reta ñeraro pegua rupi vi;

ÉXODO 14:28

Jare ɨ opa ye oyea, jare opa oyasoi käretou reta, sundaro kavayu regua reta; opaete Faraón isundaro reta oike oaɨkuemoña ɨguasu ipäu rupi vae reta, mbaetɨ etei metei ave omomara.

ÉXODO 15:19

Faraón oike kavayu re opo reve ikäretou reta ndive, jare isundaro reta kavayu re oike reta ɨguasu pe yave, yandeYa opa ye ɨguasu omboyerova jese reta; ërei Israel iñemuña reta oasa ɨvɨ otinía rupi, ɨguasu ipäu rupi.

ÉXODO 15:4

Ɨguasu pe opa omopɨ̈tupa Faraón isundaro reta ikäretou ndive. ¡Isundaro ruvicha reta jëia vae reta opa ipɨ̈tupa Ɨguasu Pɨ̈ta vae pe!

ISAÍAS 19:2

“Egiptoɨgua reta amoñoraroukata oyoupii: Metei ñavo oñorarota jëtara ndive, metei ñavo oñorarota japicha ndive, metei tëta guasu opüata ïru tëta guasu re, metei mborookuaía opüata ïru mborookuaía re.

ISAÍAS 60:12

Tëtaguasu mbaetɨ oyeokuai ndeve vae, okañɨteita; tëtaguasu reta opaeteita oyemboai.

ISAÍAS 9:19

YandeYa Imbaepuere yae ete vae iyarasɨ rupi ko opa ókai kuae tëta, opata oyeapɨ, kapii opa oyeapɨ rami; kuimbae ngaraa oiparareko jëtara.

EZEQUIEL 21:27

Opata amboaiasɨ yeyé aeya tëtagüerä. Ërei kuae oyeapota ou yave jókuae ambouta vae, oyapo vaerä jupi vae.

EZEQUIEL 26:16

Jare opaete mburuvicha reta ɨguasu jembeɨ rupigua, ogüeyɨta jenda mborookuaía pegua güi, omboi retata iñeapevaa jare jemimonde ipöra yae vae, oguapɨ retata ɨvɨ re okɨɨye güi, orɨrɨi avei retata jare ipɨakañɨ yae retata ndesusere re.

EZEQUIEL 38:21

Opaete cheɨvɨtɨ reta re aenɨita ñeraro Gog kotɨ, che Tumpa jae kuae; oyoupii aeño oñoraro retata.

EZEQUIEL 39:20

Jare perɨ̈vɨatata kavayu isoo pe, kavayu regua reta isoo pe jare opaete kuimbae reta ñeraro pegua isoo pe. Che peYa Tumpa jae kuae.

DANIEL 8:25

Ipoki yae oporombotavɨ vae rupi oë kavi aveita chupe mbaembae. Oyembotuicha yaeta, jare jeta kuimbae yogüɨreko pɨagüive vae oyukata iparanoe. Oñemopüata mburuvicha reta Juvicha re, ërei oñemoamɨriukata chupe.

AMÓS 2:15

Kuimbae uvɨ regua ngaraa ipuere, iñäkua osɨi vae ave ngaraa oasayepe, kavayu regua ave ngaraa güɨroasayepe jekove.

MIQUEAS 5:10

YandeYa jei: “Jókuae rupi ayukata pegüi pekavayu reta, jare arokomeguata pekäretou reta;

MIQUEAS 5:15

Chearasɨ yae rupi, ayepɨta tëtaguasu reta mbaetɨ chererovia vae re.”

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

MIQUEAS 5:9

Köraita pe pepüa perovaicho reta kotɨ; jare pemboaita opaete perovaicho reta.

MIQUEAS 7:16

¡Toecha ïru tëtaguasu reta, jare timara reta imbaepuere yae tëi reve! ¡Topɨta reta iñeembae jare iyapɨsambae rami!

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

ZACARÍAS 10:11

Oasa retata ɨguasu Egipto pegua, ɨaparúa amokïriita. Ɨ̈aka Nilo tɨpɨ yae vae amotinita, jare Asiria ipɨa pochɨ amboaita. Egipto imbaepuere amokañɨteita.

ZACARÍAS 10:5

Sundaro jëia yae vae ramita ñeraro pe. Opɨ̈rota jovaicho reta re tuyuapo re rami. Oñoraro retata, echa yandeYa oïta jae reta ndive; jare kavayu regua reta oñemomaraiukata.

ZACARÍAS 12:9

Jare jókuae ara rupi che amboaita opaete tëtaguasu reta oporepeña Jerusalén re vae.

ZACARÍAS 14:3

Jaɨkue rupi yandeYa oëta jare oñerarota jókuae tëtaguasu reta ndive, ñeraro iara pe oñoraro rami.

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

ZACARÍAS 9:10

Jae amboaita Efraín ikäretou reta, jare kavayu reta Jerusalén pegua, jare güɨrapa reta ñeraro pegua opata omopë; jare imiarita mbɨakatu re opaete tëtaguasu reta pe, jare opaete oyeokuaita chupe, ɨguasu jembeɨ güive ïru ɨguasu jembeɨ kotɨ, jare ɨ̈aka Éufrates güive ojoita ɨvɨ iyapɨ re oya.

San Mateo 24:7

Echa opüata oyoe tëtaguasu ïru tëtaguasu ndive jare mborookuaía ïru mborookuaía ndive, jare oimeta mbaerasɨ ovakatu vae, karuai reta jare ɨvɨkana oipota rupi.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

JUECES 7:22

Jare jókuae tresciento vae reta jeiete omoñee mimbɨguasu. Jare yandeYa omoñerarouka oyoupii aeño opaete teyupa pegua reta. Jare tovaicho reta otekuarai yogüɨraja regua oväe Bet-sita kotɨ, Zerera re katu, Abel-mehola jembeɨ pe, Tabat pe.

1 SAMUEL 14:16

Jare Saúl isundaro omaeäro vae reta oecha Gabaa Benjamín iɨvɨ güi, kërai jeta vae reta opa oñemoai jare oipota rupi yogüɨraja reta.