HAGEO 1:2 - Biblia Guarani Tumpa Iñee

^2-3 Kuae jei YandeYa Imbaepuere yae ete vae ñeemombeúa rupi: “Kuae tëta pegua reta jei mbaetɨño oväe ara chero oñemopüa pɨau ye vaerä.

HAGEO 1:2 ပူးပေါင်းရင်းမြစ်များ

2 REYES 12:7

Jayave mburuvicha guasu Joás oenɨi sacerdote tenondegua Joiada jare ïru sacerdote reta, jare jei chupe reta: —¿Maera pa mbaetɨño peñono kavi tupao jovapetea oyeka yekagüe? Añave, agüɨye ye mo peipɨɨ peyeupe korepoti perëtara reta güi; pemee tupao jovapetea oyeka yekagüe oyeapo kavi vaerä.

ESDRAS 4:23

Jare opa yave mburuvicha guasu Artajerjes tupapire ombou vae oyemongeta Rehum jare ombaekuatía vae Simsai, jare iñeïru reta jóvai, yogüɨraja jarembae voi Jerusalén pe judío reta oïa pe, jare iyarasɨ yae reve omombɨta reta iparavɨkɨ güi.

NEHEMÍAS 4:10

Jare Judá pegua reta jei: “Tëta guasu ikësea osururugüe jeta yae ramo, imbosɨrɨa reta ipɨtu ma, jare mbaetɨ orepuere romopüa tëta guasu ikësea.”

PROVERBIOS 22:13

Iyakɨ vae jei: “Yaguapope oime oï ikatu pe; cheyukata ko tape rupi.”

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

ECLESIASTÉS 11:4

Ɨvɨtu oyepeyu vae re omae vae, mbaetɨ omaetɨ; jare amapɨtu re omae vae, mbaetɨ ombaarɨvo.

ECLESIASTÉS 3:3

Oime yeyuka iara, oime vi ñaporopoano vae iara. Oime ara, mbae yamboai vaerä, oime vi ara, mbae ñamopüa vaerä.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

HAGEO 1:1

Mokoía año ma Darío oiko mburuvicha guasurä yave, ova yasɨ tenondegua ara pe yandeYa iñee ou ñeemombeúa Hageo rupi, Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe.

NÚMEROS 13:31

Ërei ngatu jókuae kuimbae reta jae ndive yogüɨraja vae jei: —¡Ngaraa yandepuere ñaporepeña jókuae ɨvɨ pegua reta re! Echa imbaepuere yae reta ko yandegüi.