HAGEO 1:14 - Biblia Guarani Tumpa Iñee

¹⁴ Körai yandeYa omokɨ̈reɨ Zorobabel mburuvicha Judá pegua, Salatiel taɨ, jare Josué sacerdote tenondegua ete Josadac taɨ jare opaete ïru reta; jare omboɨpɨ reta omopüa pɨau yandeYa Tumpa Imbaepuere yae ete vae jo,

HAGEO 1:14 ပူးပေါင်းရင်းမြစ်များ

1 CRÓNICAS 5:26

Jókuae jeko pegua, Israel iTumpa ombopɨa-kɨ̈reɨ Pul, mburuvicha guasu Asiria pegua, jae ko Tiglat-pileser, jae opa güɨnoe Rubén iñemuña reta jare Gad iñemuña reta jare Manasés iñemuña reta oyemboyaogüe iɨvɨ güi; jare opa güɨraja reta Halah pe, Habor, Hara jare ɨ̈aka Gozán pe, añave yogüɨrekoa pe.

2 CRÓNICAS 36:22

Jare tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae, yandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, kuae mborookuai:

ESDRAS 1:1

Tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae. YandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, jei reve:

ESDRAS 1:5

Jayave oyupavo Judá jare Benjamín iñemuña itenondegua reta, sacerdote reta jare levita reta, opaete jókuae Tumpa omokɨ̈reɨ ipɨa pe yogüeru ye vaerä omopüa yandeYa jo vae reta, Jerusalén pe.

ESDRAS 5:2

Jayave Zorobabel, Salatiel taɨ jare Jesúa, Josadac taɨ omboɨpɨ reta ye omopüa Tumpa jo Jerusalén pe, jare Tumpa iñeemombeúa reta ñogüɨnoi jae reta ndive omborɨ reta vaerä.

ESDRAS 5:8

mburuvicha guasu roikuaauka kuae re ndeve rojo ɨvɨ Judea pe Tumpa tuicha yae vae jo oïa pe, jókuae o oñemopüa oï ita tuichagüe vae pe; ɨvɨra reta opa ma oñeñono oguambɨ re, jare jarembae yae oyapo ñogüɨnoi kuae mbaravɨkɨ.

NEHEMÍAS 4:6

Romopüa tëta guasu ikësea, ɨvategüe romopüa mbɨte rupi, echa opaete vae oñemoäta ngatu oparavɨkɨ vaerä.

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

HAGEO 1:1

Mokoía año ma Darío oiko mburuvicha guasurä yave, ova yasɨ tenondegua ara pe yandeYa iñee ou ñeemombeúa Hageo rupi, Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe.

HAGEO 1:12

Zorobabel, Salatiel taɨ jare sacerdote Josué tenondegua ete Josadac taɨ jare opaete ïru reta oendu yandeYa Tumpa iñee, ñeemombeúa Hageo rupi jei chupe reta vae, yandeYa Tumpa oyókuai vae rami; jare opaete vae okɨɨye yandeYa güi.

HAGEO 1:15

mokoía año ma Darío oiko mburuvicha guasurä yave, ova yasɨ veinticuatro ara pe.

HAGEO 2:2

“Ere körai Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe jare opaete ïru reta pe:

HAGEO 2:21

“Ere Zorobabel mburuvicha Judá pegua pe körai: ‘Che amokana ara jare ɨvɨ;

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

2 Corintios 8:16

Amee yasoropai Tumpa pe, kërai jae oñono Tito ipɨa pe kɨ̈reɨ pekotɨ, che anoi rami.

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!