HAGEO 1:12 - Biblia Guarani Tumpa Iñee

¹² Zorobabel, Salatiel taɨ jare sacerdote Josué tenondegua ete Josadac taɨ jare opaete ïru reta oendu yandeYa Tumpa iñee, ñeemombeúa Hageo rupi jei chupe reta vae, yandeYa Tumpa oyókuai vae rami; jare opaete vae okɨɨye yandeYa güi.

HAGEO 1:12 ပူးပေါင်းရင်းမြစ်များ

GÉNESIS 22:12

Jei chupe: —¡Agüɨye emopüa ndepo kunumi re, agüɨye maratu eyapo. Echa aikuaa ma kërai ko ndeporogüɨrovia Tumpa kotɨ vae, aecha kërai mbaetɨ reipoɨu remee nderaɨ cheve; nderaɨ jaeño vae!

ESDRAS 10:18

Sacerdote iñemuña reta güɨreko kuña ketɨgua reta vae, jae kuae reta: Jesúa, Josadac taɨ iñemuña reta jare jëtara reta güi: Maasías, Eliezer, Jarib jare Gedalías.

ESDRAS 5:2

Jayave Zorobabel, Salatiel taɨ jare Jesúa, Josadac taɨ omboɨpɨ reta ye omopüa Tumpa jo Jerusalén pe, jare Tumpa iñeemombeúa reta ñogüɨnoi jae reta ndive omborɨ reta vaerä.

SALMOS 112:1

Oyerovia ko kuimbae, yandeYa güiño oipoɨu vae, oñono ipɨa yandeYa iporookuai reta reño vae.

PROVERBIOS 1:7

Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

ECLESIASTÉS 12:13

Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.

ISAÍAS 1:19

pekɨ̈reɨ yave jare peendu yave, peuta ɨvɨ omee mbaagüɨye kavi vae;

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

HAGEO 1:1

Mokoía año ma Darío oiko mburuvicha guasurä yave, ova yasɨ tenondegua ara pe yandeYa iñee ou ñeemombeúa Hageo rupi, Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe.

HAGEO 1:14

Körai yandeYa omokɨ̈reɨ Zorobabel mburuvicha Judá pegua, Salatiel taɨ, jare Josué sacerdote tenondegua ete Josadac taɨ jare opaete ïru reta; jare omboɨpɨ reta omopüa pɨau yandeYa Tumpa Imbaepuere yae ete vae jo,

HAGEO 2:2

“Ere körai Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe jare opaete ïru reta pe:

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

DEUTERONOMIO 31:12

Emboatɨuka opaete vae, kuimbae reta, kuña reta, michia reta, ketɨgua reta perëta pe yogüɨreko vae, oendu reta vaerä jare oyemboe reta vaerä, oipoɨu vaerä yandeYa Tumpa güi, oyapo reta vaerä opaete kuae mborookuai jei vae.

DEUTERONOMIO 31:13

Jökorai peraɨ reta mbaetɨ oikuaa kuae regua vae toendu jare toyemboe reta toipoɨu yandeYa Tumpa güi, opaete ara oikove yogüɨreko ramboeve, yogüɨreko yave jókuae ɨvɨ peasata peo peiko pɨpe vae pe, kuae ɨ̈aka Jordán peasa ma yave.”

Colosenses 1:6

Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive.

Hebreos 12:28

Jare Tumpa omee yandeve iporookuaía mbaetɨ ipuere oñemomɨi vae, jáeramo ñamee yasoropai Tumpa pe ipɨakavi re, yambopɨakatu reve yayeokuai chupe yamboete jare yaipoɨu reve;