HABACUC 3:4 - Biblia Guarani Tumpa Iñee

⁴ Jembipe, köe jembipe ou rami, ipo güi overa jembipeasɨ, jökorai omboyekuaa imbaepuere güɨnoi vae.

HABACUC 3:4 ပူးပေါင်းရင်းမြစ်များ

NEHEMÍAS 9:12

Ara pe reroata reta metei jɨsɨ vae amapɨtu rupi, jare pɨ̈tu yave metei jɨsɨ tata ara re vae rupi, omoembipe vaerä chupe reta kerupi ra yogüɨrajata vae.

JOB 26:14

Kuae opaete jembiapo reta güi añave oyekuaa vae, mbovɨ yae ko, jókuae yaendu vae, jae ko michi jɨapugüeño. Ërei jɨapu yave imbaepuere, ¿kia pa ipuereta oikuaa?

SALMOS 104:2

reñeapeva tembipe pe, temimonde pe rami; ¡reipɨso ara, asoya oyepɨso rami!

SALMOS 18:12

Jae jembipeasɨ overa iamapɨtu re; amandau jare tätapɨi jendɨ vae oë iamapɨtu güi.

ÉXODO 13:21

Jare yandeYa ojo jae reta jenonde metei jɨsɨ amapɨtu re, ara pe omomoe vaerä japerä, jare pɨ̈tu yave metei jɨsɨ tata ara re, omoembipe vaerä chupe reta; ipuere vaerä oguata reta ara pe jare pɨ̈tu yave.

ÉXODO 14:20

jare oñeñono Egiptoɨgua reta jare Israel iñemuña reta ipäu pe; Egiptoɨgua reta pe amapɨtu ombopɨtumimbi, ërei Israel iñemuña reta pe omboesape pɨ̈tu yave; jáeramo jókuae pɨ̈tu Egiptoɨgua reta mbaetɨ ipuere oupitɨ Israel iñemuña reta.

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

EZEQUIEL 1:27

Jare aecha oyekuaa ikúa güi ɨvate kotɨ, jiero iyu vae jembipe yae rami, jare ikúa güi ɨ́vɨkotɨ, oyekuaa tata rami. Jare iyɨ́vɨri jembipeasɨ yae.

EZEQUIEL 43:2

jare aecha Israel iTumpa iyemboetea ou kuaraɨ oëa kotɨ güi. Jɨapu oyeendu ɨ tuicha yae vae jɨapu rami, jare ɨvɨ jembipe Tumpa iyemboetea oyekuaa jeko pegua.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

1 Timoteo 6:16

jaeño ete ko omanombae vae, oiko tembipe yaya rapembae jese vae pe, mbaetɨ kia ave oecha vae, jare ngaraai oecha vae. Chupe toñemee mbaemboete jare mbaepuere. ¡Amén!

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.