HABACUC 3:2 - Biblia Guarani Tumpa Iñee

² CheYa Tumpa, aendu nderegua, jare opaete reyapogüe yave, chepɨakañɨ yae. Tenonde rupi mbae tuichagüe reyapo vae eyapo añave oreve, roikuaa vaerä vi. Eechauka oreve ndeporoparareko, yepe tëi ndearasɨ reve.

HABACUC 3:2 ပူးပေါင်းရင်းမြစ်များ

ESDRAS 9:8

Jare añave michi pegua nde oreYa Tumpa remboyekuaa ndeporoparareko royeyora vaerä mbovɨ ropɨtagüe pe, remee vaerä oreve jókuae ɨvɨ nde rerökuavee oreve vae, remee ye roï kavi pɨau ye vaerä royeokuai pɨte pe.

JOB 42:5

Aenduse yepi nderegua, ërei añave cheresa ndereecha oï.

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 25:6

CheYa Tumpa, nemaendúa ndepɨakavi reta re jare ndeporoparareko reta re, kuae reta opambae ko.

SALMOS 38:1

CheYa, agüɨye eñeengata cheve ndearasɨ reve, agüɨye chenupa ndearasɨ yae reve.

SALMOS 44:1

CheRu Tumpa, ore etei ko roendu, oreru reta imiari oreve vae, arakae yave reyapo jae reta iara pe vae re.

SALMOS 71:20

Nde reechauka cheve jeta mbɨatɨtɨ jare ikavimbae reve, remee yeta cheve tekove; chemopüa pɨau yeta ɨvɨkua guasu güi.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 85:6

¿Ngaraa ma ra remee roikove ye vaerä, ndembae vae reta oyerovia katu ye vaerä nderé?

ISAÍAS 53:1

¿Kia pa güɨroviata romoërakuagüe re? ¿Jare kia re pa oyekuaa yandeYa imbaepuere?

ISAÍAS 54:8

Chearasɨ rai jeko pegua, ayerovata ndegüi michi pegua, ërei mboroparareko jekuae avei vae rupi ropararekota.” Che ndeYa, ndeReepɨ vae, jae.

ISAÍAS 63:15

Emae ara güi, jókuae ikɨambaea jare iyemboetea yaea pe reikoa güi. ¿Ketɨ pa oime nerägüɨro, ndembaepuere, ndepɨaä jare ndeporoaɨu orekotɨ vae? ¿Opa ma pa rembosɨrɨ oregüi?

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

JEREMÍAS 10:24

Eiporarauka oreve oreYa Tumpa, reikuaa rupi kavi, agüɨye opaetei ndearasɨ eiporu oreré, echa oremokañɨteita ko.

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

JEREMÍAS 29:10

“YandeYa jei körai: ‘Babilonia imbaepuere iyapɨ ma yave setenta añoa pe, che ayuta pomborɨ, ambopo vaerä cheñee, pomboyerova ye vaerä kuae ɨvɨ pe.

JEREMÍAS 46:28

Che peYa jae: Cherembiokuai Jacob agüɨye ekɨɨye, echa che ko aï nde ndive. Amokañɨteita opaete tëtaguasu reta jókuae opa romoai moai jupi vae. Ërei nde mbaetɨta romokañɨtei opaetei, jaeño ronupata ndereko oï rupi, ngaraa roeya reiporarambae.”

LAMENTACIONES 3:32

Yepe tëi oiporarauka, ërei iporoparareko vi; echa iporoparareko tuicha yae ko.

DANIEL 8:17

Jayave ou oya cheré. Che akɨɨye jare ayetavatɨka chetindɨasɨ ɨvɨ re, ërei jae jei cheve: ‘Nde kuimbae, kuae reecha vae ko ara reta iyapɨta ma yave vae regua.’

DANIEL 9:2

Tenondegua añoa re oiko mburuvicha guasurä yave, che, Daniel, ayemboe mbegüe pe kavi Jeremías jembikuatía re, kërai setenta año rupi Jerusalén oyemboai oiko, yandeYa jei iñeemombeúa Jeremías pe rami.

HABACUC 3:1

Kuae jae ñeemombeúa Habacuc iyerure sigionot.

HABACUC 3:16

Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

ZACARÍAS 1:12

Jayave yandeYa iaraɨgua jei: “CheYa Imbaepuere yae ete vae, ¿kërai yave regua pa mbaetɨ reiparareko Jerusalén vae oikota, jare Judá pegua tëta reta, kuae re setenta año ma ndearasɨ reiko?”

San Juan 10:10

Imonda vae ou ko oñomi vaerä, oyuka vaerä jare omokañɨtei vaerä. Ërei che ayu ko amee vaerä tekove, jare oime avei vaerä tekove katu.

Romanos 10:16

Echa mbaetɨ opaete oendu ñee ikavi vae, Isaías jei rami, echa jei: “CheYa, ¿kia ra güɨroviata romoërakuagüe re?”

Filipenses 1:6

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

Hebreos 11:7

Iporogüɨrovia rupi Noé oyapo barco guasu jëtara reta oasayepe vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.

Hebreos 12:21

Jare jókuae oyekuaa vae yavaete yae ramo Moisés jei: “Arɨrɨi yae akɨɨye ramo.”

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”